تجربة يوم واحد مع الصنى

**amrnader** · 10-05-2007 01:27 AM

انا رحت انهاردة ركبت العربية تانى، اهم حاجة طبعا انى لقيت حامل الاكواب مستخبى تحت خالص :D بصيت مرة تانية على الصالون و كان معايا واحد صاحبنا تالت لقيته بيقولى من نفسه من اول لحظة ان الصالون خامته وحشة قوى غير ان فى ريحة غريبة فى العربية مش عارف دية حاجة فى الفرش و لا غراء و لا ايه بالظبط. بالنسبة للأخ gemtawila انا كنت متضايق قوى من منظر زراير الزجاج الكهرباء فرحت بصيت تانى منظرهم ردىء جدا، معتقدش ان دول شبه الكورولا لأن المفروض خامات الكورولا انضف من اللانسر، برضه قلت عشان مظلمش العربية تفحصت البلاستيك فى كل حتة فعلا سىء و كمان الحتت القماش اللى فى الابواب نوع القماش غريب جدا و خشن. برضه جربنا العربية من غير التكييف خالص، اقدر اقولك انك لو قارص بنزين على الاخر العربية تسارعها بيبقى كويس من الصفر لل 80 و ممكن طبعا تزود بعد كدة بس تسيبها تاخد وقتها، الخلاصة العربية ادائها كويس و خامتها الداخلية رديئة والتقفيل الداخلى فيه فراغات لكن التقفيل الخارجى كويس و العربية شكلها شيك وعاجبنى لكن من واقع تجربتى للعربية انا شايف ان سعرها اغلى شوية من قيمتها.

**gemtawila** · 10-05-2007 08:37 AM

للمعلومات عن الأوفر درايف برجاء مراجعة المقال التالى
http://en.wikipedia.org/wiki/Overdrive_%28mechanics%29

**gemtawila** · 10-05-2007 10:00 AM

دى صور زراير التويوتا كورولا واللى فيها الأبنوس هى صور زراير النيسان

**gemtawila** · 10-05-2007 12:50 PM

كمان صورة لزراير النيسان

**sab3aawy** · 10-05-2007 02:40 PM

عايزين الحق؟

انا مش عايز ارد

كل اللى هقوله انى شبعت ركوب فى الصنى وشبعت ركوب فى اللانسر

والخلاصة: العربيتين واحد، الفروق لاااااااااااااااااااااااا تذكر ، اهم الفروقات بينهم تنحصر فى ان اللانسر شكلها مربع والصانى شكلها مدور ، والصانى ارخص ب10 ألاف جنيه علشان تجميع محلى، والصانى بييجى معاها كاسيت وانذار واللانسر لأ

لكن الكلام عن الاداء والإتساع والجودة والصاج ...الخ هاختصره بكلمة واحدة، الأتنين واحد

انا شبعت قراية رسايل غالبيتها مطلعة اللانسر السماء وخاسفة بالصانى الأرض باعتينها ملاك لانسر عايزين يبرروا ال10 آلاف جنيه الفرق والقليل منها رسايل مطلعة الصانى السماء وخاسفة باللانسر الأرض باعتينها ناس راكبة صانى وصعب عيهم نفسهم من رسايل ملاك اللنسر المتجنيه

لكن انا بالنسبالى القصة كلها تتلخص فى خمس كلمات:

العربيتين واحد، الفروق لا تذكر

**sab3aawy** · 10-05-2007 02:54 PM

سبعاوى

**ayman** · 10-05-2007 05:34 PM

مرفق جزء من تالوج سياره يوضح استخادام اوفر دريف لانى لاحظت فيه بعض الاخوه قالوا لما تضغط الزر يبقى اوفر درايف شغال وهذا غير صحيح لانك لما تضغط زرار اوفر دريف بيظهر على تابلوه السياره اوفر دريف مغلق

**amrnader** · 10-05-2007 07:00 PM

انا شبعت قراية رسايل غالبيتها مطلعة اللانسر السماء وخاسفة بالصانى الأرض باعتينها ملاك لانسر عايزين يبرروا ال10 آلاف جنيه الفرق والقليل منها رسايل مطلعة الصانى السماء وخاسفة باللانسر الأرض باعتينها ناس راكبة صانى وصعب عيهم نفسهم من رسايل ملاك اللنسر المتجنيه

لا و الله يا استاذ سبعاوى، الموضوع مش تجنى و لا حاجة، انا طول عمرى بحب شكل الصنى و كمان كان عاجبنى شكل التابلوه، بس لما بتشوف الحاجة من بعيد غير لما تشوفها من قريب، انا فعلا اتصدمت، يمكن الكلام اللى بقوله مينطبقش على النسخة اليابانى 100%، انا كل تعليقى على الخامات و التقفيل المصرى اللى شفت اثاره جلية فى العربية، و ده اكدلى الفكرة اللى انا واخدها عن التقفيل و الخامات المصرى، الموضوع مهواش طعن فى العربية نفسها، الناس هنا هى اللى بتسترخص ( عندك الاخ اللى اكتشف السماعات الجولدى اللى قدام)، وللعلم مفيش فرق 10 الاف، اللانسر الخليجى بنفس سعر الصنى المجمعة محليا.

**ayman** · 10-05-2007 07:52 PM

بس اللنس الخليجى بدون ضمان يعنى لو حصل شى فى الماتور اوالجير ماذا سيكون التصرف وانا شفت فى دبى سيارات جديده حصل فيها مشاكل كبيره ولى صديق بدل سياره هوندا بالكامل بعد سته اشهر وطبعا الوكيل فى دبى كان عايز يغير الماتور فقط وبعد شكاوى ااضطر الوكيل يبدلها وكما شفت مرسيدس تم تبديل الجير الاتوماتيك بالكامل يعنى ممكن يحصل مشاكل فى مكونات اسااسيه فى احسن الماركات تفتكر لو الكلام ده حصل وممكن يحصل فى اللنسر الخليجى حيكون ايه الحل