اهلا بحضرتك
معلش حبيت اوضح حاجه ...
حضرتك ماشاء الله مجمع كل المواضيع اللى اشتكى فيها اصحابها من عيوب تقفيل فى العربيه.. سواء بيرسونا او جين لموديلات قديمه(كانت عيوب التقفيل فيها اكتر من الان)
طب سؤال ...؟؟
هل المشاكل دى لسه ماتحلتش ...؟؟؟
المشكله ان بعض الناس بيشتكوا فقط ... ولما المشكله تتحل .. مايكلفوش نفسهم انهم يقولوا ازاى المشكله اتحلت ... دى حاجه !!!
الكتابه عالنت مختلفه بشكل كبير عن الواقع ...
يعنى ممكن حد يقولك دا انا بسمع صوت تزييق من المساعد اليمين ... كل اللى يقرا الكلام دا يحس ان فى مصيبه فى العربيه ...
ولما تشوف المشكله على الحقيقه ... هتلاقى صوت تزييق بيطلع من قدام لما تمشى فى الحتت المكسره فى الهدوء .. واحيانا بيظهر واحيانا لا... ونكتشف كمان ان المشكله مش فى المساعد نهائيا ... ودى حصلت قدامى ... وكان الصوت من ان قاعدة الاكصدام مش متثبته كويس .. وبتطلع صوت لما بتمشى فى حتت مكسره...
وهتلاقى صاحب المشكله ينزل توبيك وكاتب ان فى مشكله فى المساعد ... والمشكله تتحل وماتطلعش من المساعد ... بس مايدخلش يصلح حاجه ... عشان منظره ومايطلعش انه ماكانش فاهم حاجه ؟؟؟
------
حاجه بس احب اوضحها ... كل اللى اشترى -بروتون- كان عارف انو شاريها وفيها عيوب تقفيل ... وعارف ازاى بتتصلح
بس العربيات التانيه اللى حضرتك بتقارنها بيها ... هل عارف حاجه عن مشاكلها... هل المشاكل اللى اتقالت عنها هى دى بس اللى ممكن تطلعلك؟؟؟ .... هل اتحلت ؟؟؟ .... او ليها حل جذرى يعنى؟؟؟
انا والله ابدا .... مش بقنعك بحاجه ... والله ابدا
انا بس حبيت اوضح ... ان الناس بتكون شاريه العربيه ... ومن كتر ماقريت ان فى مشاكل بتكون متحامله عليها كتير .. واى صوت بيطلع منها .. يقولك عيب تقفيل؟؟؟؟
وانا مش بنكر ان بروتون وخصوصا -البيرسونا- فيها مشاكل تقفيل فى موديلات 2009
بس مش كل موضوع مكتوب فيه شكوى ... تقرا الشكوى وتطلع ... تابع مع صحابها وشوفه عمل ايه ...
وعندك ا/اسامه ... اكتر واحد طلعله مشاكل فى البيرسونا ... والحمد لله وربنا يحفظهاله اتحلوا دلوقتى ... استفسر منه لو تحب .. وان شاء الله هيفيدك كتير.
معلش طولت ... وربنا يوفقك للخير ان شاء الله
تحيـــــــــــــاتـــى
المفضلات