الموضوع: تقييمي لالنترا بعد 1300 كم .. و أول زيارة لغبور

المشاركة الأصلية كتبت بواسطة alivara

يعني الكل متفق معايا اهوه يا جماعة يعني انا ما بقولش كلام من عندي
و بالنسبة لطلعة المفتاح .. النترا برضه فيها المفتاح بيطلع بعد ما تضغط لجوة الأول .. بس الضغطة في النترا سهلة اوي و ناعمة و في اقل من ثانية بيكون المفتاح طالع و ساعتها السنتر لوك بيفتح لوحده
انما في لانسر الضغطة ديه ناشفة اوي و ما بتطلعش المفتاح بالساهل

و كمان حتة حلوة في النترا ما شوفتهاش في اي عربية تانية و هي اني لما بدوس فرامل و السنترلوك مفتوح بيقفل لوحده و كمان مفتاح السنترلوك مستقل لوحده عن مفتاح اللوك بتاع باب السائق و لسة مليانة مزايا بس الواحد محتار يقول ايه و لا ايه
و اظرف حاجة حصلت معايا ان مفيش حد لغاية دلوقتي لما ركب النترا عرف هي دايرة و لا لأ .. كل واحد يركبها يفكرها مبطلة لان مالهاش صوت و كمان مالهاش اي رعشة خالص و هي دايرة و ييجي رايح على الكونتاكت و يدور المفتاح عشان يدورها بس انا بلحقه قبل ما يدور و اقوله "العربية دايرة" !!!!!!!!

استاذى الفاضل :
1- ربنا يباركلك فى العربية ويديك خيرها ويكفيك شرها.
2- كفاية بقى مدح فى العربية احسن زى ما بيقولوا - مش عارف مين هما اللى بيقولوا - ما يحسد المال إلا اصحابة.
3- موضوع ان مع اول دوسة فرامل السنتر يشتغل دى ميزة جهاز الانذار ومعظم اجهزة الانذار فيها الخاصية دى ومن اكتر من 3 سنوات تقريباَ.
4- أكيد كل واحد لة زوقة و وجهة نظرة ( لولا إختلاف الاذواق لبارت السلع ).
تقبل تحياتى ( على فكرة انا معايا إلنترا زى حضرتك ما شوفت فى مداخلتى فى موضوع حضرتك , يعنى مش ضدك ولا حاجة )

كان ليا استفسار انا مش خبير فى السيارات بس سمعت ان البارو فى الانترا كهربا مش زيت والسواقين بيقولوا ان الباور الكهربا فى السرعة العالية خطر ومبيديش نفس تحكم الزيت سوال تانى عن الى موجود فيها يدينى ام امن فى الحوادث لا قدر الله

المقولة اللي بتقول ان ده الياباني افضل من الكوري من غير مقارنات ومن غير تفكير فده كان زمان قبل ما شركة هيونداي تصعد للقمة لدرجة التفوق على اكبر الشركات زي ما بين الاخ في التقارير

دلوقتي العربيات الكورية وخصوصا هيونداي لازم تاخد حقها في المقارنة مع اكبر السيارات اليابانية

انا اشتريت النترا خليجي من 3 اسابيع وبصراحة انطباعي الاول عنها انها عربية رائعة واحسن حاجة فيها سلاسة القيادة والباور الخفييييف
بس ليه ملاحظة ان العربية والتكييف شغال سحبها بيضعف جامد بعد ال 60 لكن السحب في الاول كويس فهل ده عشان لسه العربية في التليين ولا ده طبيعي؟؟؟؟؟؟؟؟

كان عندي استفسار بخصوص النقلات في الفتيس الاوتوماتيك في الانترا :

ينفع انقل الفتيس يدوي وانا ماشي بالعربية يعني مثلا اجيب ال l وبعدين انقل على 2 وبعدين 3 وبعدين d ولا ده خطر على الفتيس؟؟؟؟؟؟؟؟؟؟؟؟