الموضوع: تقييمي لالنترا بعد 1300 كم .. و أول زيارة لغبور

ألف مبروك يا باشا عل عربية الجميلة و فعلاً اختير حلو جداً و عقبال صيانة ال-١٠٠٠٠٠

و نصيحة في موضوع الزيت إن توتال أحسن من موبيل طبعاً بس شل أحسن منهم الاتنين

و على فكرة ممكن تجيب الزيت معك و تغير فالتوكيل عادي جداً

مبروووك الصيانه وعقبال كل صيانه ومبرووك العربيه ويديك خيرها
ربنا يوفق

مبروك

ربنا يباركلك فيها

شكرا يا جماعة .. الله يبارك فيكوا كلكوا
بس ياريت تساعدوني في استفساراتي اللي ذكرتها لانها بجد قلقاني جدا خصوصا الخبطة اللي في الاكصدام و ما كنتش اتمنى انها تتخبط في اول 1000 كم بس الحمد لله على كل شيئ
يعني استفساراتي هي
1/ خبطة الاكصدام اعمل فيها ايه ارشها و لا اسيبها شوية و هل فيه بديل مؤقت للرش يخفي الخبطة ديه ؟

2/ صوت الغيارات و انا بنقل الأول او المارشيدير و انا واقف بيبان و اي حد واقف جنب العربية بيسمعه طبيعي و لا فيه مشكلة ؟

3/ صدأ صرر العجلات عادي و لا اعمل فيه ايه و ايه اللي حصل عشان ده يحصل و ازاي اتجنبه بعد كده ؟

4/ اغسل اسفل العربية امتى ؟ انا لحد دلوقتي ما غسلتهوش ولا مرة لاني خايف الصاج يصدي بس سمعت انه لازم اغسله فمش عارف اعمل ايه ؟

5/ ممكن اركب كونسول في التوكيل و لا لأ و بكام ؟

6/ ايه احسن نوع لزيت الموتور احطه بعد كده ؟ انا حطيت توتال 5000كم في اول صيانة

7/ انا بحط بنزين 92 فهل فيه نوع بنزينة معينة يوصى بيه و لا ممكن اي بنزينة عادي ؟ البنزينة الاقرب ليا هي بنزينة التعاونية فهل البنزينة ديه كويسة و معتمدة و لا اغيرها ؟

8/ بالنسبة لمياه رشاشات الزجاج الامامي نوعها ايه ؟ لأن تانك المياه بتاعها قرب يخلص و عايز املاه بس مش عارف نوع المياه

9/ اجيب منين الفوطة الزفرة عشان تنظيف العربية ؟ و ايه احسن حاجة انظف بيها الزجاج و المرايات و التابلوه ؟

معلش انا تقلت عليكوا كتير بس عارف ان كلكوا اخوة ليا هنا و ما اعرفش حد غيركوا ممكن يساعدني في استفساراتي ديه


في نوع اخر من التقييم يا جماعة جربت اسوق ميتسوبيشي لانسر 1600 موديل 2007 .. بجد يا جماعة (يا النتراوية خصوصا) فرق السما من الأرض .. اقسم بالله من وجهة نظري لانسر لا تقارن بالنترا و لا تساوي شيئ بجانب النترا
مفتاح الكونتاكت بيعلق و صوت الموتور بيعلى اوي عند التشغيل و العربية كلها بتتهز لحظة التشغيل و بعدها بتحس برعشة الموتور و كأنك بتدور عربية قديمة مش ياباني زي ما بيقولوا ز دركسيون تقيل جدا يعني ما ينفعش خالص في الغرز و لا اي حاجة غير دركسيون النترا اللي بتحركه بصابعك و تسارع سيئ جدا بدوس بنزين جامد و العربية لسة بتسرع حبة حبة على عكس النترا اللي بشعرلها بس بتطير و فتيس اتقل من فتيس النترا و شكل تابلوه و لوحة عدادات يقرف لا يقارن بالنترا ابدا و كرسي سائق غير مريح و دبرياج غريب برضه(بس يمكن حكاية الدبرياج ديه خاصية في العربية ) بس انا شايف ان دبرياج النترا احسن بكتير و العربية بتتحرك بمجرد تحريك الدبرياج للخارج مسافة لا تتعدى سم واحد على عكس لانسر .. ده حتى مرايات لانسر لما تيجي تقفلها تزيق و كأنها عربية مش متطورة بالمرة عكس مرايات النترا اللي بتنضم بنعومة و ديناميكية .. ده غير فرق الشكل و الانسيابية و الفخامة

بجد يا جماعة كل واحد كان بيقوللي هات لانسر بدل النترا قبل ما اشتري النترا عايز اضربه لأن بجد لانسر اخر عربية ممكن افكر فيها بعد اللي شوفته رغم ان العربية مش ماشية غير 35000 كم و ده مش كتير خالص

يعني خلاص ما بقاش فيه حكاية الكوري و الياباني و انا شايف ان النترا هي احسن عربية في فئتها من حيث كل حاجة و لما تتقارن تتقارن بكورولا و هوندا مش بلانسر خالص

يعني من دلوقتي الشعار عن نفسي هغيره من "لا هيونداي بعد اليوم" الى "هيونداي اليوم و كل يوم"

شكرا على الردود يا جماعة و اتمنى المساعدة في استفساراتي في اقرب وقت ممكن
شكرا

المشاركة الأصلية كتبت بواسطة alivara

[size=4][color=darkorange]


في نوع اخر من التقييم يا جماعة جربت اسوق ميتسوبيشي لانسر 1600 موديل 2007 .. بجد يا جماعة (يا النتراوية خصوصا) فرق السما من الأرض .. اقسم بالله من وجهة نظري لانسر لا تقارن بالنترا و لا تساوي شيئ بجانب النترا
مفتاح الكونتاكت بيعلق و صوت الموتور بيعلى اوي عند التشغيل و العربية كلها بتتهز لحظة التشغيل و بعدها بتحس برعشة الموتور و كأنك بتدور عربية قديمة مش ياباني زي ما بيقولوا ز دركسيون تقيل جدا يعني ما ينفعش خالص في الغرز و لا اي حاجة غير دركسيون النترا اللي بتحركه بصابعك و تسارع سيئ جدا بدوس بنزين جامد و العربية لسة بتسرع حبة حبة على عكس النترا اللي بشعرلها بس بتطير و فتيس اتقل من فتيس النترا و شكل تابلوه و لوحة عدادات يقرف لا يقارن بالنترا ابدا و كرسي سائق غير مريح و دبرياج غريب برضه(بس يمكن حكاية الدبرياج ديه خاصية في العربية ) بس انا شايف ان دبرياج النترا احسن بكتير و العربية بتتحرك بمجرد تحريك الدبرياج للخارج مسافة لا تتعدى سم واحد على عكس لانسر .. ده حتى مرايات لانسر لما تيجي تقفلها تزيق و كأنها عربية مش متطورة بالمرة عكس مرايات النترا اللي بتنضم بنعومة و ديناميكية .. ده غير فرق الشكل و الانسيابية و الفخامة
شكرا

انا مبحبش او بمعني اصح مش من عشاق اللانسر اوي بس الحق بيتقال كل الي انت قلته دة غير موجود بالمرة فيها وهي كانت معايا لحد 35 الف كيلو مفيش رجرجه ولا تعليق كونتاك ولا كل الي حضرتك قولته واوقات مكنتش بسمع صوتها وهي بتدور والباور مية في صابعي
عموما انا بحس ان السوبر اكشن فيها فرق عن اي فئه تانية بحسها عربيه تانيه معرفش ليه

والف مبروك علي العربيه وربنا يحميهالك من الحسد ويباركلك فيها

المشاركة الأصلية كتبت بواسطة haitham10

انا مبحبش او بمعني اصح مش من عشاق اللانسر اوي بس الحق بيتقال كل الي انت قلته دة غير موجود بالمرة فيها وهي كانت معايا لحد 35 الف كيلو مفيش رجرجه ولا تعليق كونتاك ولا كل الي حضرتك قولته واوقات مكنتش بسمع صوتها وهي بتدور والباور مية في صابعي
عموما انا بحس ان السوبر اكشن فيها فرق عن اي فئه تانية بحسها عربيه تانيه معرفش ليه

والف مبروك علي العربيه وربنا يحميهالك من الحسد ويباركلك فيها

يا راجل و الله انا مجربها بنفسي و فيها كل ده يعني حضرتك انا بكذب ؟
انا بتكلم على لانسر 1600 مش لانسر الجديدة بجد اتقرفت منها
و الله يبارك فيك ويحمينا كلنا

مبروك العربية
انت متناقض فى كلامك
انت قلت الاول مفيش اى مشكلة فى العربية
وبعدين عديت 6مشاكل للعربية طب ازاى؟
وطبعا فيه فرق بين اليابانى والكورى دى حاجة مش محتاجة نقاش والناس اللى بتركب عربيات عارفة الفرق دة"