كنت من شهر كده عند مجدى كلاريون اللى فى ميدان الحجاز وكنت بركب عنده جى ام بانش 500*2 لواحد من الصبات اللى عندى ( بناءا على اقتراح من المهندس حسام كوداك (( ربنا يخلك ليا يا حوسو)) ) وفعلا الجى ام اسطورة ومتوافق مع البانش بشكل غريب والصوت اختلف تماما عن الأول لدرجة ان صب واحد مع الجى ام ده بقى كافى جدا بالنسبالى ( بس طبعا البنى ادم طماع).
فتكلمت مع مجدى وسألته عن امكانية وجود صبات بانش 18 فقالى :
أنا جبت من فترة 10 صبات بانش 18 دبل كويل واتباعو هوا وكان سعر الواحد 3500 واللى بيقومهم الجى ام ال 500*2 البانش.وطبعا قوته مش أقل من 1000 أر ام اس.
فقولتله أنا عايز اتنين قالى مش هينفع أشحن أقل من 10 قطع وكمان السعر هيكون بردو فى حدود ال 3500 للقطعة الواحدة.
فقلت أبلغكم بحيث اللى مهتم ممكن يقولى وبلغه بالعدد بتاعنا ونشوف الدنيا فيها ايه.
الغريب بقى انى مش لاقى صبات بانش 18 على الموقع بتاع بانش وقلتله الكلام ده فقالى:
ال 18 مبينزلش على النت لأنه بتاع مسابقات والشركة يتعمله حسب الطلب.وممكن تعمله كمان 20 انش.
اللى عنده أى خلفية عن الموضوع ده أو يعرف مكان بيبعهم بره ياريت يشاركنا بمعلوماته.
للعلم الجى ام البانش ال 500*2 (أمريكى) سعره 1350 فقط.