حد يعرف الانذار ده موجود فى مصر ولا لا؟

السلام عليكم يا احلى منتدى

بعد لما اتسرقت حجات من عربيتى مرتين قررت اجيب جهاز انذار

انا موجود فى السعوديه و للاسف عربيتى كسروا زجاج الهوايه و سرقوا منها شوية حاجات ( مرتين) :stink[1]:

المهم بعد تفحيص و تمحيص فى اجهزة الانذار الموجوده فى السوق لقيت واحد كويس قوى

ميزته انه بيديك مفتاح ريموت بشاشه ..... لو انذار العربيه اشتغل الريموت ده كمان بيديك انذار و يصفر

و يوجد منه عدة انواع باسعار مختلفه على حسب الصناع و المدى

انا اخترت واحد صينى و مداه 1500 متر ..... يعنى تقدر تفتح او تقفل العربيه أو حتى تشغل الانذار على بعد كيلو و نص ...... كمان لو العربيه حد بيلعب فيها ينبهك بصفارة انذار لو انته فى مجال الكيلو و نص من العربيه


المهم السؤال هوه

هل الجهاز ده موجود فى مصر ؟؟؟ و لو موجود بكام ؟؟؟ انا اشتريته مع التركيب ب 450 ريال

طيب و لو مش موجود و انا جبته معايا مصر ممكن حد يعرف يركبه ؟؟؟؟؟؟


و شكرا يا شباااااااااااب

شوف الموضوع ده
http://www.nilemotors.net/Nile/showthread.php?t=69604

الله اكبر الراجل اتسرق في السعوديه يعني مش مصر بس الي فيها سرقه العربيات احمدك يارب

أكيد الإنذار دا معاه كتالوج للتركيب
وأكيد برده فيه ناس هتعرف تركبه

انا شوفته عند محل speed فى مدينه نصر شارع مصطفى النحاس وشوفت عنده واحد جامد جدا شاشه الريموت فيه رسمه عربيه لو العربيه اتخبطت مثلا فى الرفرف الشمال من ورا تلاقى الرفرف الشمال من ورا فى الرسمه اللى فى الريموت بتنور احمر وتطفى وبيديلك صوت صفاره ويفضل ينور ويطفى المحل ده عنده اجهزه انزار حلوه قوى

شكرا يا شباب على الردود السريعه

يعنى الجهاز موجود فى مصر يبقى نجيبه من مصر احسن :)

موجود يا باشا و من زمان بقالو سنتين فى السوق بس مكنش حد يعرفو