فسخ عقد فينجادا مع الاهلي!! ... مع الف سلامة

**Haitham10** · 17-06-2009 08:17 PM

السلام عليكم ورحمة الله وبركاته

الحمدلله خبر يمكن يفرح كتير من الاهلاوية فينجادا باي باي

[gdwl]صدرت إدارة النادى بياناً يوضح فيه موقف البرتغالى فينجادا جاء نصه :

قررت إدارة النادى الأهلى بناءً على رغبة السيد / إدواردو فينجادا المدرب البرتغالى عدم استمراره فى توليه مهمة تدريب الفريق الأول لكرة القدم نظراً لظروف عائلية طارئة تمنعه من أداء عمله بالطريقة التى تحقق طموحات النادى الأهلى وجماهيره .

وإدارة النادى تعلن قبولها اعتذار السيد / فينجادا عن الاستمرار فى مهمته وتتوجه إليه بخالص التقدير للصعوبات التى تواجهه مع الدعوات له ولأسرته بالتوفيق .

وكان فينجادا قد أرسل خطاباً للكابتن حسن حمدى رئيس النادى ونصه كالتالى :

السيد / رئيس النادى الأهلى

نظراً للأهمية الكبيرة التى يحظى بها النادى الأهلى

نظراً لكل الاحترام الذى أكنه لهذا النادى الكبير

نظراً لأن الوظيفة هى أن أقوم بعمل كبير للنادى الأهلى ويجب أن أقدم هذا العمل مع تركيز تام .. الأيام الأخيرة كانت شديدة الصعوبة بالنسبة لى ولعائلتى ، لذلك نظراً لهذه الأمور الشخصية والمشاكل العائلية فلن أستطيع أن أطور وأعمل فى المستوى الذى يتطلبه النادى الأهلى .

أحتاج فى الفترات القادمة أن أقيم فى البرتغال بجوار عائلتى ، وهذا الأهم بالنسبة لى فبرجاء أطلب منكم بصداقة إلغاء الاتفاق الذى تم بيننا وبشكل متبادل .

أقدم كل إعتذاراتى بسبب المتاعب الناشئة عن هذه المسألة ، ولكنكم تستطيعون أن تقدروا وتفهموا مدى الصعوبة التى جعلتنى أطلب هذا الطلب .

أقدم إعتذارى أيضاً لمشجعى ومدعمى النادى الأهلى ، أتمنى وأنا متأكد أن النادى الأهلى سيجد خيار جيد لاستمرار طريق النجاح .

أتمنى لكم مستقبل عظيم

إدواردو فينجادا
[/gdwl]
والمصدر من موقع الاهلي الرسمي

ياريت آرائكم ايه ومين المدرب القادم والي يستحق تولي المهمة ؟

**jisso82** · 17-06-2009 08:25 PM

مش عارف بس مفاجأة غير متوقعة يا رب بس ما نتدبسش فى حد أى كلام عشان التوقيت مع إنى نفسى فى مدرب هيخلى الناس كلها تشتمنى و تتخانق معايا من غير ما يفكروا بس أنا شايفه أحسن مدرب فى مصر دلوقتى و يستاهل يكون أول مدرب وطنى للأهلى بعد المئوية

**Tam** · 18-06-2009 03:56 AM

بالنسبة لي كنت متوقع إن الموضوع دة مش هيتم..فينجادا للأهلي؟ما أظنش..
بس الجميل في الموضوع هي جملة عدم استمراره فى توليه مهمة تدريب الفريق الأول
هو كان بدأ يا عين أمه عشان يستمر؟

**bassem.naguib** · 18-06-2009 01:22 PM

أنا شايف أن الأهلي يعتمد على أبنائه في المرحلة دي .. وأنا شايف أن أنسب واحد في الموقف ده هو فتحي مبروك .. والله مدرب قدير .. ومهدور حقة في الأهلي ومجهوده مش باين في قطاع الناشئين

**Haitham10** · 18-06-2009 01:41 PM

مش قادر اوصفلكم سعادتي اصلا بالخبر دة لاني كنت مرعوب بقول هو الاهلي رايح علي فين ؟؟
عموما باين ان في ازمة مالية ملخبطة الدنيا شوية .. حد عنده فكره عن الانتخابات ؟ ومين يا جيسو المدرب مش هنحدفك بالطوب اوعي تقول ربيع ياسين ولا الجوهري هحدفك بإزازة

**bassem.naguib** · 18-06-2009 03:06 PM

المشاركة الأصلية كتبت بواسطة jisso82

مش عارف بس مفاجأة غير متوقعة يا رب بس ما نتدبسش فى حد أى كلام عشان التوقيت مع إنى نفسى فى مدرب هيخلى الناس كلها تشتمنى و تتخانق معايا من غير ما يفكروا بس أنا شايفه أحسن مدرب فى مصر دلوقتى و يستاهل يكون أول مدرب وطنى للأهلى بعد المئوية

أوعى تقولي حسام حسن

**jisso82** · 20-06-2009 02:11 AM

ده واضح كده إن اسم المدرب أفقدكم النطق أنا آسف عموما

**Tam** · 20-06-2009 02:37 AM

بصراحة..أنا شايف إن عندك حق..الراجل جريء وفعلا مدرب كويس وخامة كويسة..غير إننا مش لازم يعني نجيب المدرب عنده 60 سنة عشان يبقى خبرة!
بس برضه نفسي أعرف..ليه مش حسام البدري؟؟