الموضوع: النقد الموضوعى

المشاركة الأصلية كتبت بواسطة mezo73

انا متفق مع كل الاخوة هنا في المنتدي بتاع البروتون
علي الرغم اني لا امتلك البروتون الا اني يوميا لازم اعدي عليكم وممكن اقول رأي في بعض المواضيع
الا اني لي ملحوظة عامة سواء هنا اوفي مكان تاني
انك ممكن تقول رأيك ومش بالضرورة انة يكون متفق او مختلف عن رأي حد تاني
فلوكان مختلف احيانا تجد هجوم عنيف وتهكم لمجرد اختلافك في الرأي
واعتقد ان دة خارج نطاق الموضوعية
ولازم احنا كشعب نتعود نسمــــــــــــــــــــــ ـــــــــــــــــــــــــ ـــع بعض
لان للاسف احنا اتعودنا علي المصادرة علي الاراء
وياريت دة يتغير اكيد في حجات كتير هاينصلح حلها
احب اقول اني بتكلم من خلال خبرتي في العربيات بصفة عامة وهي حوالي 15 سنة ركبت اكتر من 10 عربيات واحتكيت بالعديد ايضا
ويمكن انا قولت رأي في صالح البروتون بصفة عامة في موضوع اسمة بروتون فخر الصناعة الماليزية
وكان كالاتي
انا حاولت اشارك معاكم 50 مرة كل مرة بعد مااكتب كلمتين ماعرفش اكمل واخرج من الموضوع
مش عارف الموضوع دة باين علية جملي
المهم انا سألت الاخوة علي وزن العربية وتفضلوا بالاجابة بأن وزن العربية حوالي 1200 كجم تقريبا
وكنت نوهت عن الوزن ان لية اهمية كبيرة ولكن للأسف ماعرفتش اتواصل معاكو
المهم انا لا امتلك الجميلة ولكني من احد معجبيها ومؤيديها جداااااااااااا
ولاسباب يطول شرحها والاخوة في كذا موضوع عددو مزايها الكثيرة
ولكن انا هاتكلم عن ميزة واحدة مايفهمهاش غير واحد بيجري وبيقرص وبياخد غرز ويحس بالعربية اللي هو سايقها خافيفة ولا ثابتة
هاتكلم عن الفيرنا اللي بستغرب ان الناس بتشتريها اولا في الجري مالهاش حل ولكن سوقتها مع واحد صاحبي كنت حاسس اني راكب الهوا
الافيو نفس الموضوع اللي لفت انتباهي كنت عند الميكانيكي بتاعي وكان عندة افيو وفاتح كابوتها وصعقت عندما قريت وزن العربية
810 كجم
شوفتو المصيبة انا طبعا اتخضيت لا وزن عربيتى اللي في الصورة هو
حوالي 1440 كجم
علشان كدة انا مش من مؤيدي اي عربية والسلام
طبعاعلشان ماحدش يعلق الوزن بتاع عربيتي ماعدش بينتج دلوقتي
ولكن متوسط وزن العربيات الكويسة 1200 كجم
زي الاوكتافيا والفوكس والانترا علي الرغم انها اقل شوية
انما يبقي في حدود مقبولة مش فرق 400 ك
ودة طبعا لية تأثير علي الفرامل المفاجأة وعلي اي خبطة متلأيش اي حاجة موجودة في العربية بتبقي عاملة زي السندوتش ونادرا لما يخرج منها احياء
الي كل اصحاب البروتون مش الجين بس
العربيات دي محترمة بجد ومش مهم الناس اللي بتتكلم علي الفاضي والمليان بدون علم
واوعوا تزعلو من من الناس اللي بتجادل معاكو وايضا ماتزعلوش من التوكيل علشان العربية دي تستحق بجد
وزي ما بيقولو مالقوش للورد عيب...................
وشكرا
اخوكم محمد حمزه

استاذى الفاضل اتفق مع حضرتك تماما و خبرة حضرتك وخبرات الناس كلها هى المحرك الرئيسى لجميع المواضيع

على السايت و اكيد الخبرات دى نكن لها كل احترام و راى حضرتك اكيد له احترامه حتى لو اختلف معاه حد وعلى

فكره الموضوع ده كان له خلفية قبل كده فى موضوع تانى كان الكلام عن حق ابداء الراى لاى شخص بس كان لازم

نكمل الجزا التانى وهو كيف يكون الراى بحيث كل الناس تاخد حقها http://www.nilemotors.net/Nile/showt...t=79467&page=2

وشكرا لمشاركة حضرتك واهلا بيك دائما فى بروتون

المشاركة الأصلية كتبت بواسطة ahmedsiyam

بارك الله فيك
وهو ده الكلام فعلا

وياريت الناس اللى بتفتى و بتتكلم بدون سابق تجربة تلتزم الصمت بدل ماتعبر عن جهلها باى كلام غير واقعى و لايمت للواقع باى صلة

اكيد يا استاذ احمد وياريت الناس تكون عندها فكره كلامها فى موقع زى ده ممكن ياثر على الناس ازاى وشكرا لحضرتك

المشاركة الأصلية كتبت بواسطة drguevara

مفيش بعد كدا كلام والله

صح يا باشا ١٠٠٪ كلام حضرتك ، و معك فيه طبعاً

شكرا يا دكتور ويارب يكون الموضوع اثر فى الناس او اضاف للجميع

المشاركة الأصلية كتبت بواسطة momenhamdy

الله ينور يا باشمهندس احمد

وربنا يكرمك

وتقبل تحياتي

شكرا يا باشمهندس مؤمن وشكرا لمرورك على الموضوع