تليفزيون فلات LCD ب1300 جنيه فقط....فكرة مفتكسة

**Sharky** · 08-10-2007 01:07 AM

بجد سبعاوى هانقول إيه

واحشنا أوى يا أبو السباع و الله نايل موتورز كله يفتقدك مش أنا بس كل الأعضاء و الناس كلها بتناديلك و تقول سبعاوى

+1

فكرة حلوة منك يا باشا
أهه دا الكلام إنت فين من بدرى يا أبو السباع

مستنين منك الصورو أفكار تانية

**Falcon** · 08-10-2007 03:49 AM

فكرة جميلة جربتها من فترة في مونيتور 21 بوصة
ممكن للى عايز يوفر يجيب مونيتور LCD استعمال خارج هيكون ارخص بكتير جدا من الجديد

**ayman_elkholy** · 08-10-2007 04:12 AM

سبعاوى طبعا لازم كل افكاره تكون جميله شكرا يا باشا

**PAYOO** · 08-10-2007 08:16 AM

عشره على عشره يا هندسه وبجد واحشنا جدا أنت وأفكارك الـمـُفتكسة

بس ياريت حد يقولنا اكبر شاشة LCD في الأسواق حاليا كام بوصه وسعرها كام
غير إللي رشحهم سبعاوي طبعا

**E_Farid** · 08-10-2007 08:30 AM

السلام عليكم

جزاكم الله خيرا على طرح الفكرة يا بشمهندس سبعاوى،

فيه بس شوية ملاحظات استأذنكم فى انى أعرضها لأن ده ليه علاقى شوية بمجال شغلى،

بداية مش كل شاشات ال LCD هيشتغل عليها ال TV - Box فلازم تسأل الأول أو تحاول تجرب على شاشة حد تانى أو العكس،

وغالبا خليك فى الشاشات الحديثة ان شاء الله مش هتلاقى معاها مشاكل،

وانا خمنت سبب المشكلة دى لأنى واجهتها من سنة تقريبا ان يكون السبب هو فى ال Refresh Rate بتاع الشاشات القديمة،

وبمناسبة ال TV-Box

كان اتعرض عليا من الصين TV-Dongle !

ده عبارة عن مستقبل للبث التلفزيونى بس خاص بالكمبيوتر،
وبيتركب على ال usb وحجمه فى حجم اتنين فلاش ميمورى ،

وده كان ممكن يشتغل على الابتوب طبعا أو اى كمبيوتر لأنه بيشتغل على ال usb.

وافتكاسات الكمبيوتر كتير خالص،

منها على سبيل المثال قاعده لتسخين المشروبات حجمها صغير على قد كباية أو مج وبتتوصل بال usb وتحافظ على مشروبك سخن لأطول فترة ممكنه،
وكان فيه العكس برده ، على تبريد يعنى.

ده غير شحن الموبايلات من الكمبيوتر العادى او الابتوب، وغيرها من الحاجات الكثير جدا..

**Akram** · 08-10-2007 10:54 AM

يا ريت يا سبعاوي باشا تعمل رسم لتوصيل الريسيفر مع TV Box مع التليفزيون للتوضيح ,
يا ريت كمان مقارنة بين TV Box و TV Tuner

**eng_mkhalaf** · 08-10-2007 11:00 AM

اللة ينور يا باشا

**sherif Anton** · 08-10-2007 12:18 PM

الف شكر ياسبعاوي باشا علي الأفكار الحلوة دي ... ياريت تقول لنا على نوع ال TV BOX ... لان انا شغال ب TV tunner متوصل داخل الكمبيوتر وموصل الرسيفر عليه ... بس الصورة مش اد كده ... غالبا العيب في ال driver بتاع كارت ال TV ... ياترى ال TV BOX ده متوصل على الكمبيوتر برضه ولا جهاز مستقل ؟؟؟ وشكرا مرة اخري على الأفكار الجامدة دي

**جندى مجند** · 08-10-2007 03:28 PM

المشاركة الأصلية كتبت بواسطة Nader

أنا جربت الموضوع دة قبل كدة عندى بس كانت جودة الصورة سيئة جداً ... هو نوع الـ TV Box اللى عندك ايه؟

مش النوع هو المشكلة، الصورة بتبقى وحشة بسبب الاريل الخارجي بيكون محتاج تظبيط، لو جربتة على رسيفر او ديكودر هتلاقي الصورة صافية وواضحة.

لا يا فندم كنت موصله على ريسيفر مش اريال خارجى بس الشاشة الـ LCD اللى كنت بأجرب عليها كانت قديمة شوية عشان كنت جايبها استعمال (هى صورتها مع الكمبيوتر حلوة جداً لكن مع الـ TV box والريسيفر كانت سيئة للغاية)