اقتباس:
المشاركة الأصلية كتبت بواسطة Mahmoud Saloum
اياكى تشترى مستعمل اوعى .... كل اللى ردوا فوق شباب يعنى العربية تعطل هيقدر يتصرف انتى هتحتاسى حوسة سودة. وهيطلع عينك فى اللف على محلات قطع الغيار و التعامل مع الميكانيكية والكهربائية ده غير المواقف اللى ممكن تشوفيها من عربية مستعملة. الزيرو امان واطمئنان وندرة للمشاكل مش اقل من خمس سنين وممكن اكتر بكتير حسب استعمالك وصيانتك للعربية لو معاكى تمن الزيرو هاتيه وافضل حاجات فى المنطقة السعرية الاولى هى بالترتيب اى 10 ثم بيكانتو ثم سيلاريو ثم سبارك ثم التو ثم كليسا ثم ماروتى ثم كانشيل. وابعدى تماما تماما عن الصينى.
بسم الله الرحمن الرحيم
بصراحه كل الردود الي فاتت جميله وكل واحد بيقول الرأي الي هو شايفه صح والحمد لله كل المشاركات في النهايه هدفها واحد وهو مصلحه ومساعده صاحب الموضوع .
لكن انا مع راي الاستاذ محمود في حكايه ابعدي عن المستعمل علشان عن تجربه شبه شخصيه وهي تجربه صديق كان محتار بين سياره صغيره زيرو او سياره محترمه وكبيره ومستعمله .
وطبعا عندما سأل الاصدقاء والمعارف الكل اجمع علي السياره الكبيره المحترمه وحتي قالوله بالحرف الواحد العربيات الصغيره دي زي الماروتي والصيني بكل بساطه شبه المكواه وماليهاش بريستيج خالص.
المهم علشان لا اطيل عليكم اشتري صاحبي سياره هيونداي اكسيل وطبعا وهو بيشتري اخد معاه اهل الخبره والميكانيكي وراح محطه البنزين ورفع العربيه وكله تمام والكل اجمع ان السياره فله وحالتها كويسه .
وفعلا السياره ظلت كذلك وكويسه طبعا ما عدا الاحتياجات الروتينيه للسيارات المستعمله الي ان حدث موقف بسيط جدا وهذه كانت نطقه المحك الاساسي بين الزيرو والمستعمل
مره وهو راجع من مشوار هو وزرجته واولاده والعربيه وقفت علي الدائري وكان بالليل والعربيه حلفت ميت يا مين ما هي متحركه والراجل بصراحه ويله ولين .
ازاي يروح يدور علي ميكانيكي حول الدائري ويسيب مراته وعياله فيها ولا ياخدهم معاه ويلف بيهم علي الميكانيكيه ويرجع يلاقي العربيه علي حالتها او الله اعلم ممكن الحراميه ما شاء الله علي الدائري كلكم عارفين
( علي فكره صديقي هذا معلوماته عن ميكانيكا وكهرباء السياره شبه معدومه واظن والله اعلم انه زي صاحبه الموضوع ولهذا اقوم بذكر هذه القصه )
المهم صاحبنا فضل كده لغايه ما واحد سواق ميكروباص ابن حلال وقف وشافله العربيه فيها ايه وحسب ما قله الموضوع كان ابسط من البساطه ولا يحتاج الوقفه دي ولا الحوسه الي صاحبنا كان فيها .
كان تقريبا خرطوم البنزين وقع من مكانه او بوجيه اتحرق مش عارف لكن هي حاجه زي كده
المهم وبكل بساطه لما كلن بيتكلم وبيحكي قالي ان الموقف ده خاله بكل بساطه يعرف قيمه المكواه :F_eyeb1[1]:
( قصدي طبعا السيارات الصغيره الزيرو )
طبعا انا عارف ان المواقف دي ممكن تتعرض ليها اي سياره لكن برده نسبه السيارات المستعمله اكبر بكتير من الزيرو.
وطبعا بعد القصه الطويله دي صاحبه الموضوه لها مطلق الحريه في الاختيار
سلام