معروض عليا أوبل أسترا 2001 ... أرجوكم أفيدونى بسرعة

**Mohtofy** · 18-06-2009 07:39 AM

معروض عليا عربية أوبل أسترا بتاع واحد صاحبى وهى موديل 2001 و 1600 سى سى أوتوماتيك جميع الكماليات وكان صاحبى مشتريها من راجل عراقى من سنة وكانت بـ 58000 العربية إلى حد ما حالتها جيدة جدا" وعرضها على48000 ... لو سمحتم أفيدونى من ناحية
1) قطع غيارها هو عابز يبعها عشان قطع غيارها غالية .
2) هو بيقول أن إستهلاكها فى البنزين عالى سنة ولكن محتاج يظبط الرشاشات عشان إستهلاكها يكون طبيعى.
3) أنا عارف أن الموديل دا فى مصر 1200 سى سى مش 1600 سى سى وهو مش عارف لما أشتراها من الراجل العراقى قاله إن ده الماتور بتاع العربية مش متسقط ولا حاجة وأنه جايبها كده من العراق ... فهل فعلا" العربية دى نزل منها الموديل ده 1600 سى سى فى الخليج.

للآمانة العربية شغالة زى الفل وهو طبعا" قابلته شوية مشاكل لما جابها بس عادية ( غير التيل عشان صفر منه - وكمان غير سير الماتور - ومره العربية قطعت كهرباء بس أتعملت وهى دلوقتى زى الفل )

أرجوكم أفيدونى برأيكم.... ولكم جزيل الشكر والإحترام

**Ahmad Allawy** · 18-06-2009 08:02 AM

شوف يا باشا..
لو هي حالتها نضيفة و بالسعر ده فده يعتبر كويس جدا...
و بالنسبة لموضوع النها موتور 1600 وكده.. التوكيل بس اللي هيقدر يفيدك ف الموضوع ده...
ازاي.. هتاخد العربة توديها و تقولهم انا عايز اعرف العربية دي نازلة مصر تبع منصور ولا نازلة من برة..
هيشوفوا رقم الشاسيه و يقولولك اذا كانت فعلا نازلة من برة و الماني ولا نازلة مصر منصور و تقفيل اسباني..

و كل الحاجات اللي انت بتقولها فيها مش مشكلة كبيرة.. حاجات بسيطة..
بس برضه اعرف منهم ف التوكيل الموتور بتاعها ده موجود في عربيات تانية ولا لأ..
يعني علي سبيل المثال هو موتور الاسترا الموديل اللي بعدها؟؟
ولا موتور الفيكترا ال1600 الايكوتك ولا لأ..
عشان قطع الغيار.. عشان لو الموتور ده مش منتشر هنا في مصر مش هتلاقي ليه قطع غيار غير استيراد بقي.. ووجع دماغ..
لو كده يبقي متشتريهاش..
زيارة التوكيل هتوضح كل حاجة باذن الله..

**Mohtofy** · 18-06-2009 09:09 AM

المشاركة الأصلية كتبت بواسطة ahmad allawy

شوف يا باشا..
لو هي حالتها نضيفة و بالسعر ده فده يعتبر كويس جدا...
و بالنسبة لموضوع النها موتور 1600 وكده.. التوكيل بس اللي هيقدر يفيدك ف الموضوع ده...
ازاي.. هتاخد العربة توديها و تقولهم انا عايز اعرف العربية دي نازلة مصر تبع منصور ولا نازلة من برة..
هيشوفوا رقم الشاسيه و يقولولك اذا كانت فعلا نازلة من برة و الماني ولا نازلة مصر منصور و تقفيل اسباني..

و كل الحاجات اللي انت بتقولها فيها مش مشكلة كبيرة.. حاجات بسيطة..
بس برضه اعرف منهم ف التوكيل الموتور بتاعها ده موجود في عربيات تانية ولا لأ..
يعني علي سبيل المثال هو موتور الاسترا الموديل اللي بعدها؟؟
ولا موتور الفيكترا ال1600 الايكوتك ولا لأ..
عشان قطع الغيار.. عشان لو الموتور ده مش منتشر هنا في مصر مش هتلاقي ليه قطع غيار غير استيراد بقي.. ووجع دماغ..
لو كده يبقي متشتريهاش..
زيارة التوكيل هتوضح كل حاجة باذن الله..

مليون شكر ليك ياأستاذ أحمد على سرعة الرد ... إن شاء الله هاروح للتوكيل فى أقرب وقت ممكن وربنا يقدم اللى فيه الخير للجميع وألف ألف شكر لحضرتك

**N.a.j.d** · 18-06-2009 10:30 AM

ادا نظيفه بسعر دا كويس بس انتا لازم توخد بعين الاعتبار بعض الحاجات اللى لازم تشوفها ابل ما تشتري العربيه وهوا موضوع ل استاد احمد علاوي ادخل وشوف الينك دا وربنا يوفقك
http://www.nilemotors.net/Nile/showthread.php?t=73535