الموضوع: تجربة غير تقليدية من قناه OTV

يا جماعة ايه المشكلة الراجل عاجبه حاجة القناة بتقدمها ايه المشكلة يمكن سبعاوي و انا واثق من دي ما شافش من القناه دي غير نشرة الاخبار بالعامية و عجبته الفكرة و لم يتابع بقية البرامج
طيب هو احنا حنعمل زي اخوانا اللي بيقولوا التلفيزيون حرام طيب ما التليفزيون ده برضه بيقدم محمد حسان و عمرو خالد و ابو اسحاق الحويني يبقي نقول علي المطلق كده انه حرام
فسبعاوي عجبه برنامج بتقدمه القناه دي و اشاد بفكرته ايه المشكلة و بعدين طالما ساويرس مش عاجب الناس كده ال 1200000 مليون دول اللي بيتكلموا في خطوطه ما يرموها احسن عشان ما يحشروش مع ساويرس .هل معني اني شاهدت برنامج في OTV يبقي اني بحب ساويريس او هل معني ان معايا خط موبينيل اني بحبه برضه دي نقرة و دي حفرة
معظمنا عارفين دينا كويس و ملتزمين بتعاليمه فمافيش داعي ان احنا نذكر احاديث نبوية شريفة في غير مكانها دي بقي اللي ربنا ورسوله يحاسبونا عليها


محمد فهمي

كلامك سليم يا باشمهندس محمد على موضوع ساويرس و قناته و شبكته و يمكن ده كان رأى فردى مش آراء الناس كلها فوق على موضوع من يحب ساويرس


بس هاوضح أكثر ليه أنا معترض على سياسة OTV أولا برامجها فيها كثير من الإبتذال و إرجع لبرنامج باريس هيلتون و القدوة المتميزة إللى بيقدموها للبنات الصغيرة قد إيه بتشقى و تتعب عشان تجيب فلوس (مش هاوضح أكثر لأن إللى شاف البرنامج عارف و إللى مش شاف عارف مين هى باريس هيلتون) ده مجرد مثال مش أكثر

نرجع لموضوع اللغة العربية - الهدف الأول هو سلخ الناس من العربية التى هى لغة القرآن و لما إعترضنا على النشرة لأن النشرة هى الحاجة الوحيدة الباقية بالفصحى و لو نفتكر زمان قامت حملات تطالب بتدوين الكتب بالعامية و ناس كثير من المشايخ وقفوا لتلك الحملات بالمرصاد منهم الشعرواى رحمه الله و قالوا دى البداية إللى أصحاب النفوس المريضة منتظرها عشان مع مرور الوقت ننسى القرآن خالص و يبقى زينه و بس و محدش بعرف يقرأ منه حاجة

كلمة أخيرة لكل الناس إللى واخدين فكرة طيبة عن رجل الأعمال الكبير ساويرس -- إسألوا أو إبحثوا عن أصل عائلة ساويرس قبل الثورة و إنتم هاتتفجئوا بحاجة محدش منكم كان يتوقعها - (عذرا مش هاقول أكثر من كده بس إللى عايز يعرف ممكن يتعب حبه و يدور عن أصل العائلة و جذورها و يعرف و ساعتها هايفهم حاجات كثير و هايشوف حاجات أكثر ماكنتش واضحه بالنسبة له )

انا كنت أعرف واحد بيتكلم باللغة الفصحى على طول رغم أنه متربي معانا و ده كان دايما موضوع ملفت لأن الكل بيتكلم العامية و النادر هو اللي بيتكلم الفصحى ,
و بالرغم أن فيه نشرات بالفصحى و الكتب بالفصحى و الدراسة بالفصحى ,,,,
لكن إحنا بنتكلم بالعامية ,,,
يا ريت تحاولوا تعملوا زي صاحبي اللى بيتكلم بالفصحى و لو لمدة اسبوع مثلاً و قولولي هتقدروا و لا لأ ,
:?: أعتقد ان فكرة النشرة بالعامية فكرة حلوة و ما أعتقدش ان ده هينسينا القرآن أو ميخليناش نعرف نقراه ,
أما موضوع إجادة قرآءة القرآن و تعلم أحكام القرآءة و التجويد موضوع محتاج مننا مجهود كبير مش بس مع أنفسنا لكن مع أولادنا كمان.

المشاركة الأصلية كتبت بواسطة memo_hefnawy

الحفاظ على الهوية المصرية ؟ أم الإبتعاد عن اللغة العربية ؟؟

أعتقد يا خالد إن الأخبار تذاع بالفصحى و البرامج تتعمل بالعامى بالهندى لكن أخبار بالعامية أنا شخصيا معترض لأسباب كثيرة

+1
هى دية الخلاصة

الأعزاء محمود حفناوى واسلام شاهين

طبعا انا محترم وجهة نظركم بشدة واقدر اللغه الفصحى جدا، لكن لازم نعترف ان فى النهاية اللى بنتكلمه وبنتعامل بيه انا وانت والجميع على هذة الرقعة من الأرض هى العامية المصرية، اللى يمكن بتتشابه فى معظم مصطلحاتها مع العربية الفحصى لكن التركيب اللغوى مختلف الى حد كبير(ابسط مثال ان مافيش جملة فعلية(تبدأ بفعل) فى العامية المصريةو وغيره الكثير)ناهيك عن الختلاف فى كثير من المسميات وكذلك اسلوب نطق العديد من الكلمات لدرجة ان العامية المصرية تصنف لدى الأيزو بكود مختلف عن العربية الفصحى، العربية الفصحى تحمل كود ARA اما العامية المصرية فتحمل الكود ARZ

للمزيد اليكم هذين الرابطين:

http://en.wikipedia.org/wiki/Egyptian_Arabic

http://en.wikipedia.org/wiki/Arabic_language

ولذلك فانا شايف ان اللغة اللى انا بتكلم وبفكر بحلم بيها هى جزء من هويتى ( يا ترى هل فى حد فيكم بيفكر او بيحلم بالفصحى؟) واحييى من لديه افكار جديدة للحفاظ على هذة الهوية من التمييع فى ظل موضة طمس واحتقار الهوية المصرية اللى بقينا عايشيين فيها حاليا لصالح هويات اخرى قومية او عرقية او ايديولوجية وعلى هذا فانا احييى هذة القناه على هذا التوجه

بالنسبة لموضوع البرامج المبتذلة فلم يكن هذا هو وجه مقارنتى لهذة القناة بالقنوات الأخرى ، لكن عموما لو فتحنا هذا الباب للمقارنة فلن بينجوا من المذبحة سوى القناه الوثائثية وناشيونال جيوجرافيكس :lol: :lol: :lol: :lol: ، اما الباقى كله ففى الهم سواء، لكن اللى انا بتكلم عليه ان لو نجحت مثل هذة التجربة هتخلى ناس تانية تفكر بالأسلوب ده وممكن بعد فترة نشوف نسخة من ناشيوانل جيوجرافيكس او انيمال بلانيت بالعامية المصرية وساعتها انا متأكد ان فيه نسبة كبيرة جدا-مش هقول الكل لكن نسبة كبيرة-من اطفالنا، هتلاقى ان الأفيال والكانجارو والتصحر والاحترار العالمى وهجرة طائر البطريق مسلية زى نانسى وهيفا واليسا لأنها بتقدم لهم بلغة قريبة من قلوبهم

بالنسبة للأعزاء اللى حشرونا موضوع الدين بدون داعى فى الردود-فانا مش فاهم ايه علاقة ان انا شايف فى منتج معين بيقدمه فلان انه كويس بأنى احشر مع صاحب هذا المنتج فى يوم القيامة، إذن ما رأيكم ان نقوم جميعا فىيوم جماعى بحرق كل تليفونات موبينيل وسيارات هيونداى وثلاجات كريازى، ونعلن ان السيارات الوحيدة التى سنركبها من الآن فصاعدا هى الشاهين والبروتون القادمة من دول اسلامية(مع جل احترامى لهاتين السيارتين)، يا شباب الدنيا مبتمشيش كدة ، فحتى فى ازهى العصور الإسلامية لم يتوقف التعامل التجارى يوما مع اهل المعتقدات الأخرى والتفاصيل تملأ كتب السيرة وكتب التاريخ، بدون ان ينتقص احد من اسلام الآخر لأنه اشترى سيفا من تاجر يهودى او ترجم كتابا عن عالم يونانى ،

كما انه يحضرنى سؤال هام فى هذا الصدد: هل اخونا الماليزى المسلم الملتزم او صديقنا الباكستانى او الأندونيسى او الإيرانى او حتى المجاهد الأفغانى او الشيشانى الذى لا يجيد من العربية شيئا ولا يفهم معانى القرآن الذى يقرؤه بالعربية سوى عندما يراها مترجمة بلغته، هل فى عمل هذا او ذاك على الحفاظ على هويتة ولغته الأصلية انتقاص من تدينه، وهل فى هذه الحالة يحشر الاندونيسى المسلم مع بوذا ويحشر الباكستانى مع كريشنا ويحشر الإيرانى والأفغانى مع اهورا مزدا؟

ان نتعلم الفصحى ونتقنها فذاك شئ جميل يعطينا اداه قوية لفهم ديننا ويجب ان نشجع عليه، فمثلما يتقاتل الأباء حاليا لتعليم اولادهم الإنجليزية والفرنسية والألمانية لمنحهم فرصا اوسع فى الحياه فيجل ان يكو ن الإهتمام اكبر بتعلم اللغة التى بها نتعلم ديننا، لكن هذا لا يتنافى نهائيا مع ان واقع الأمور يقول ان هويتنا الحالية مرتبطة باللغة التى نتكلمها ونفكر بها ونحلم بها وبالتى فإن تعلم لغتا ولهجات اخرى لن يطمس حقيقة ان هويتنا مرتبطة بلغتنا المصرية المنطوقة