تجربة غير تقليدية من قناه OTV

**sab3aawy** · 07-10-2007 11:48 PM

قناه OTV التى احترمها جدا بوصفها احدى القنوات المغرقة فى المصرية والمعتزه جدا بجنسيتها المصرية فى خضم الغزو الثقافى الخليجى والشامى

تقوم هذة القناه بتجربة فريدة غير مسبوقة فى اي منبر اعلامى عربى آخر على حد علمى

تقوم القناه بإذاعة نشرة الأخبار باللغة العامية المصرية

نشرة الأخبار نفسها تم اختيار اسم عامى مصرى لها هو: "حال الدنيا"

تذاع كل الأخبار سياسية واقتصادية ورياضية ..الخ باللغة العامية المصرية مع التمسك بأرقى اشكال اللغة العامية المصرية ، والبعد التام عن اى مصطلحات قد تحمل شبهة الإبتذال

ولتدعيم فكرة البعد عن الإبتذال فإن مقدمى النشرة مجموعة من الإذاعيين اللامعين يحضرنى منهم حاليا اسم المذيعة اللامعة اميمة مهران

تجربة غير عادية ان تستمع الى كل احداث العالم بنفس اللغة التى اعتدت التعامل بها يوميا،

عموما فانا اتمنى النجاح لهذة القناه التى اثبتت انها تستطيع الحفاظ على هويتنا المصرية بدون ابتذال وفى نفس الوقت جذب عدد كبير جدا من المشاهدين

**memo_hefnawy** · 07-10-2007 11:58 PM

الحفاظ على الهوية المصرية ؟ أم الإبتعاد عن اللغة العربية ؟؟

أعتقد يا خالد إن الأخبار تذاع بالفصحى و البرامج تتعمل بالعامى بالهندى لكن أخبار بالعامية أنا شخصيا معترض لأسباب كثيرة

**إسلام شاهين** · 08-10-2007 12:04 AM

+ 1000000000000000000000000

يعني بدل ما نعلم ولادنا لغة القرآن نعلمهم لغة الشارع ، وده طبعا مش فكرهم ده فكر الناس اللي عايزانا ننسلخ من لغتنا ونبدأ نتكلم باللغة الدارجة وواحده واحدة ننسنى اللغة اللي بنقرأ بيها قرآنا الكريم

لاحول ولا قوة إلا بالله .

**PRO-DRIVE** · 08-10-2007 12:15 AM

المشاركة الأصلية كتبت بواسطة memo_hefnawy

الحفاظ على الهوية المصرية ؟ أم الإبتعاد عن اللغة العربية ؟؟

أعتقد يا خالد إن الأخبار تذاع بالفصحى و البرامج تتعمل بالعامى بالهندى لكن أخبار بالعامية أنا شخصيا معترض لأسباب كثيرة

+1000000000

**Sharky** · 08-10-2007 12:58 AM

الحفاظ على الهوية المصرية ؟ أم الإبتعاد عن اللغة العربية ؟؟

أعتقد يا خالد إن الأخبار تذاع بالفصحى و البرامج تتعمل بالعامى بالهندى لكن أخبار بالعامية أنا شخصيا معترض لأسباب كثيرة

+1

**Nader** · 08-10-2007 01:10 AM

انا مرة كنت بتفرج على فلم اجنبي بيتعرض على القناة دي.... مش عاوز اقول شفت اية.. يكفي اني اقول انة كان :shock: :shock: :shock: uncut

فانا شايف انها مش بتحافظ على الهوية المصرية ولا حتى العربية... دي بتسئ لها كمان.

**الصاوي** · 08-10-2007 02:18 AM

تجربة غير عادية ان تستمع الى كل احداث العالم بنفس اللغة التى اعتدت التعامل بها يوميا،

عموما فانا اتمنى النجاح لهذة القناه التى اثبتت انها تستطيع الحفاظ على هويتنا المصرية بدون ابتذال وفى نفس الوقت جذب عدد كبير جدا من المشاهدين

أضم صوتي لصوتك و هي اكثر جذبا من الكلام المكلكع اللي في النشرات العادية و كفاية ان مالهاش علاقة بمين استقبل و مين ودع و مين راح و مين جه
+1000000000000000000000000000000000000000000000000 000000000000000000

**Ahmed Samy** · 08-10-2007 03:02 AM

أولا علشان أكون واضح : أنا من المنحازين تماما للغة العربية الفصحى , ولما باسمع طفل مابيعرفش ينطق حروف المصحف بيركبني ميت عفريت و باحاول اني أطاع منه الحرف (و بالذات ذ, ث, ض, ظ, )

ولكن

O TV ليست MBC3 أو Space Toon يعني مش بتاعة أطفال
و كل برامجها موجهة للكبار فقط - دي حتى مابتجبش كارتون

و النشرة برضه topic ليس للأطفال أساسا فبلاش نحاكمها من الناحية دي

فكرة النشرة دي خفيفة (وليست تقارير اخبارية كاملة مثل العربية والجزيرة ) يعني كأنك بتسمع من واحد صاحبك
حكاية الأفلام ال uncut وحشة فعلا بس مش ده الموضوع اللي بنتكلم فيه أساسا

تقييمي العام للقناة : 40 % خفيفة و لا يعتمد عليها بشكل أساسي