الواحد مش عارف يعمل ايهههههههههههههههه

**Hondawy_2008** · 19-06-2009 05:39 AM

المشاركة الأصلية كتبت بواسطة jisso82

فكرتنى بنكتة المسمار و العربية ال 4×4
كان واحد جايب عربية جيب 4×4 و كان مكتوب كده عليها من الخلف. جه عيل بمسمار بس مثقف شوية كتبله =16
الراجل اتجنن و راح عمل العربية فى التوكيل و كتب عليها تانى 4×4 و نفس القصة اتكررت نزل لقى متجرحة بمسمار =16 .
مرة و اتنين و تلاتة الرجل زهق قال بتوع التوكيل شوفولى حل راحوا كاتبينله على العربية 4×4=16
الواد جه تانى يوم شاف العربية كده راح معلم √

جامدة أوي ههههههههههههههههههههههه

**tutankhamoun** · 19-06-2009 06:37 AM

طبعا الله يكون في عون الناس اللي عربياتها متجرحة من العيال ولاد التيت دول .
لاء و الأغرب و الله العظيم تلاتة ساعات أمهاتهم بتكون معاهم !!!!!!!!! و بدل ما تأخد الواد على قفاه بسبب قلة أدبه ....... بتسيبه يعمل اللي هو عايزه أو تقول :
يا واد أسكت يا واد !!!!!!!!!!

الله يحرق قلبهم زي ما بيحرقوا قلوب الناس .

--------------------------------------

يا جماعة ركزوا في موضوع الخرابيش ده .
لو الخربوش جاب الصاج نفسه و أزال الدهان ..... ووصل للصاج و المعدن نفسه .
يبقى موضوع قلم الدوكو ده مينفعش خالص .
لأنه هايخبي الخربوش و لكن البارومة هاتسرح في صاج عربيتك و بعد سنة أو أثنين هاتلاقي الصاج بيقع لوحده حسب الغسيل و المياه اللي بتيجي على الصاج .
لازم علاج فوري للمشكلة ........ أو وضع مادة زيتية على أماكن الخربيش بعد كل غسلة للعربية
صحيح هاتلم تراب ......... بس أحسن من الصاج يصدي .
( ده في حالة أن الخرابيش مستمرة و مفيش فايدة من الرش )

إنما لو الخربوش كان غير مقصود أو أنت مش معرض لأماكن فيها خرابيش كتير
يبقى الأفضل رش المنطقة اللي تم خربشتها بعد المعالجة طبعا .
و السلام عليكم

**mangere90** · 19-06-2009 04:11 PM

ياريت نعرف ماذا تقصد بعمل قلم دوكو

**MohabSaeed** · 19-06-2009 04:35 PM

ابتسم انت فى مصر

تقريبا مافيش مره ركنت العربيه فى الشارع الى لما لقيت فيها خربوش او تجريح .... المشكله انها مش كلها بسبب العيال .. لا فى ناس كبار عديمى المفهوميه و الزوق و الادب بيببقو السبب

كذا مره الاقى اثار تجاريح لصناديق على الشنطه و الكبوت .. كتير . , عيل ظريف كان رسم جدول ضرب على الكابوت .... كل ده عادى

**ghabbour** · 19-06-2009 04:46 PM

انا شالولى العلامة الامامية و قولت ربنا يعوض
مش هجيب بدلها هسيبها كده
بعد ايام شالولى العلامة الخلفية كمان و ابن المفترية شايلها بمفك بالعافية و جرح الشنطة
.................الله يخرب بيته
بس عادى اتعودت على كده ييبقى انت اكيد فى .............................

**MuhammedSoliman** · 19-06-2009 04:50 PM

معلش يا باشا أدى الله وادي حكمته بس أنا بقا عربيات الزباله اللى حطانى فى دماغها وآخر مره شرخين ليه الفانوس من تريحه بس مش باينه اوي غير الخرابيش اللى على الماشي

تحياتى