تظبيط الفيستا على الكمبيوتر

**aYaBooY** · 18-06-2009 09:36 AM

صباح الورد على الناس السكر الي هنا
رحت امبارح ظبط العربية عند قطب بتاع الضاهر
كانت بتعلي و توطي لوحدها و كل غيار العربية تعد تخبط و تنطر و مش عاوزة تمشي عدل
المهم روحت حط الجهاز وصلة بالعربية و اعد تقريبا ساعتين شغال و بعد كدة ظبطت و زي الفل الحمد لله
اصل المشكلة ان البوابة اتلعب فيها و طبعا بنائا على تحريكها من وضع الفبريكة لوضع تاني بقي فيه تسجيل معلومات غلط على
الكنترول بوينت وكان التشخيص الاخير من واحد تاني اني محتاج اغير حساس البوابة tps و طبعا لما سالت عليه جديد 553 شامل الضريبة في التوكيل
و 450 عند الخليل الله اعلم بلده ايه طبعا و لما شوفتة استيراد لقيتة هو و البوابة مع بعض بـ 450 و طبعا كنت ناوي اجيب جديد و مكنتش المشكلة هاتتحل
و التشخيص التاني ان الايدلر الملف بتاعة باز و محتاج ادلر جديد و ده بـ 1040 في التوكيل و بحوالي 600 او 650 و استيراد اتقالي بحوالي 350 و طبعا كنت هاجيب استيراد
و مكنتش المشكلة هاتتحل
بس الحمد لله لما ظبط على الكمبيوتر الtps اشتغل كويس و الايدلر و كله تمام و في الاخر تكلفة 80 جنيه
و العربية ماشية الحمد لله كويس و طبعا هوافيكم بالجديد لو حصل حاجة تاني

**eltorky** · 18-06-2009 11:25 AM

1000 مبروك علي حل مشكلتاك بس انا كان لية عندك سؤل هو الاسكانر اللي عندة داة بيشتغل علي أي عربية ولا فورد بس

**aYaBooY** · 18-06-2009 01:24 PM

هو برنامج بيشتغل للفورد و المازدا و الجاجوار

**m_s_h_a** · 19-06-2009 08:11 AM

انا لما هنزل القاهره لازم اروح انا كمان اتعرف على الراجل ده واجربه ونشيك على العربيه مش هنخسر حاجه بس ادينا تليفونه ياريت يا جوزيف وعنوانه

**aYaBooY** · 20-06-2009 01:14 PM

اسمه قطب
عنوانة شارع بركة الرطل متفرع من شارع رمسيس في الداهر
تـ 0101468854

**aYaBooY** · 02-07-2009 12:21 PM

ظهرت عندي بعد يومين مشكلة ان العربية بتبطل لوحدها في وضع السلانسيه و لما اشيل رجلى مرة واحدة من على البنزين
روحتلة المفروض زي غيرة يقولي ايدلر بس هوا عمل حاجة بجد حسيت منها انه راجل بيفهم هو قالي كدة ادلر بس لازم نتاكد
و البرنامج مش هايقدر يحدد الايدلر علشان هوا جزء متلقي يعني اقدر اعرف رايحلة كهرباء كويس ولا لا بس مفيش خرج منه
لقيتة فك الايدلر من عربيته الخاصة و ركبة عندي و قالي يلا نطلع نجرب و فعلا محصلش اي حاجة من الي بتحصل مع الايدلر بتاعي
المهم من ضمن الكلام قلتلة على المقاس الي معمولة التكيهات عليه عندي و طلع غلط و قالي اجيبلة جوان غطاء تكيهات و هو يظبطهم
عملت كدة الحمد لله الموتور ريح و التبطيلة قلت خالص عن الاول و بعد ظبط التكيهات الراجل مرضاش ياخد مليم و قالي كدة انت العربية اتظبطت يعني كله مع حساب اول مرة

**aYaBooY** · 02-07-2009 12:29 PM

على فكرة اتعلمت من الراجل ده شوية حاجات في موديلات تانية يعني الناس الي راكبة مونديو و فوكاس مينفعش انهم يعملوا الفرامل عند اي حد
علشان المفروض بعد ما يخلص و يجي ياخد الهواء من الدورة الموضوع ده المفروض يتعمل على الجهاز
المونديو الجهاز مع شوية حركات مانبوال اما الفوكاس البرنامج بيعمل كل حاجة مع نفسة

**goofy301** · 08-07-2009 05:41 PM

المشاركة الأصلية كتبت بواسطة ayabooy

صباح الورد على الناس السكر الي هنا
رحت امبارح ظبط العربية عند قطب بتاع الضاهر
كانت بتعلي و توطي لوحدها و كل غيار العربية تعد تخبط و تنطر و مش عاوزة تمشي عدل
المهم روحت حط الجهاز وصلة بالعربية و اعد تقريبا ساعتين شغال و بعد كدة ظبطت و زي الفل الحمد لله
اصل المشكلة ان البوابة اتلعب فيها و طبعا بنائا على تحريكها من وضع الفبريكة لوضع تاني بقي فيه تسجيل معلومات غلط على
الكنترول بوينت وكان التشخيص الاخير من واحد تاني اني محتاج اغير حساس البوابة tps و طبعا لما سالت عليه جديد 553 شامل الضريبة في التوكيل
و 450 عند الخليل الله اعلم بلده ايه طبعا و لما شوفتة استيراد لقيتة هو و البوابة مع بعض بـ 450 و طبعا كنت ناوي اجيب جديد و مكنتش المشكلة هاتتحل
و التشخيص التاني ان الايدلر الملف بتاعة باز و محتاج ادلر جديد و ده بـ 1040 في التوكيل و بحوالي 600 او 650 و استيراد اتقالي بحوالي 350 و طبعا كنت هاجيب استيراد
و مكنتش المشكلة هاتتحل
بس الحمد لله لما ظبط على الكمبيوتر الtps اشتغل كويس و الايدلر و كله تمام و في الاخر تكلفة 80 جنيه
و العربية ماشية الحمد لله كويس و طبعا هوافيكم بالجديد لو حصل حاجة تاني

على فكرة انا كان عندى نفس مشكلتك (بس انا معايا اسكورت 1600 كاربيراتير) وروحت لحمدى بس أساسا قبل كده كنت عنده مره باغير سيور وهو لاحظ ان الاكتيويتور بيعلق (على فكرة هو اسمه كده فى الكتالوج اما ايدلر ده للانجيكشن بس واللى يقولك غير كده يبقى مش فاهم حاجة) وكان صوت العربية عالى شوية فقالى ان ده سبب من الاسباب ده غير ان الكاربيراتير محتاج يتنظف ...المهم بعد ما خلصت ومشيت شوية لمدة شهر ابتدت تعمل معايا زى عندك بالظبط تعلى شوية وتوطى بمزاجها وتبطل فى السلانسيه وكتير بقى...روحت واخد بعضى وقولت لازم اشتريه حتى لوكان ايه فلاقيته فى التوكيل بسعر 1670جم وعند سامى فخرى بسعر 1400جم ومفيش فى التوفيقية خالص ..فروحت نازل على الوكالة عن بطاح وجبته استيراد وفكوهولى من مكنة كاملة (موتور زى اللى عندى بالظبط ) اخته منه بصراحة بدون فصال لأنى كنت محتاجلة ب 250جم مع العلم انه ممكن يتجاب بأرخص من كده بكتير بس انا خايب شوية فى موضوع الفصال ده...المهم خليت حمدى يركبه والحمد لله من ساعتها اتظبتت معايا ...بس تفتكر بقه لو كنت روحت لقطب الاول ماكنتش احتاج اغير ولا ايه رأيك ؟؟

**aYaBooY** · 09-07-2009 10:16 AM

اولا يا ريت عنوان و تليفونات الاخ بطاح ده علشان انا معرفهوش و نفسي ابقي عارف ناس اكتر بتوع استيراد غير الجوز الي في الحرفيين
بالنسبة للكربراتير مش عارف ايه نظام العربية بالظبط بس ممكن علشان انا كان عندي الايدلر و التي بي اس كان فيه اجماع بالحاجة لتغيرهم و انا الي كنت مش عاوز لحد و الحمد لله اتظبطم
و طبعا مع عفرتت المنظومة الي كانت عندي غالبا بوزت الايدلر و خلته محتاج تغير بس عموما فتح التكيهات خلي موضوع التبطيل قليل اوي
طيب ممكن تروحلة بيها و لو عرف يظبطلك القديم يبقي خير و بركة و ممكن تخلي واحد احطياطي او تعرضة هنا للبيع

**aYaBooY** · 09-07-2009 02:01 PM

صحيح انا كنت شوفت واحد باسكورت عند حمدي بتاع مجينة نصر و كان عنده مشكلة في نفس القطعة بتاعت الكربراتير و قاله في الحرفيين استيراد ممكن تلاقيها في حدود 450 جنيه يعني واضح ان الوكالة ارخص شوية

الموضوع: تظبيط الفيستا على الكمبيوتر

LinkBack

أدوات الموضوع

عرض

تظبيط الفيستا على الكمبيوتر - انشر الموضوع فى :

-

-

-

-

-

-

-

المواضيع المتشابهه

كلاكس الفيستا

مشكلة فى الفيستا

تكييف الفيستا

عفشة الفيستا

الفيستا خفت

الكلمات الدلالية لهذا الموضوع

المفضلات

المفضلات

ضوابط المشاركة