الموضوع: أم في أواخر العشرينات تبيع معطر وإبنها على كتفها في جامعة الدول

هو إنت لو وقفت عند فرغلي أو الناحية التانية عند my queen هتلاقي أكتر من حد ييجي يبيعلك معطرات و هتلاقي شباب لابس بدل و بتاع ! الحقيقة انا مبعرفش أصدقهم ولا لأ بس معظمهم مش بيحاول يفتعل أي قصة عشان يجر تعاطفك .. بييجي يقولك معايا معطر كذا كذا عليه أوفر كذا .. لو عايز أشتريه و محتاجه بجيبه .. لو مش عايز بقوله شكراَ .

البركة في ابو الولد ........ ربنا يديلوه البركة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

المشاركة الأصلية كتبت بواسطة ziabassem

مش عارف والله .. انا مبقتش أصدق الأفلام دي .. وديماً بشك في الناس دي .

المدام نزلت مع اختها وسط البلد .. ولما رجعت حكتلي حكاية تقطع القلب .. قال ايه ولد صغير يا عيني عمال يبيع مناديل في الأرض .. وماسك كتاب وكراسة وقاعد يذاكر (راجل عصامي من صغره) .. والناس اللي رايحة واللي جاية عماله تديله فلوس .. وهي أديتله عشرة جنية تشجيعاً ليه .. طبعاً انا lol ومكنتش مصدق انه قدر يضحك عليها بالسهولة دي ..

المهم بعديها بفترة كنت معاها في وسط البلد برضه .. ولاقيتها بتقولي الولد اللي حكيت ليك عليه أهو .. انا بقى مكدبتش خبر .. ومسكت منه الكراسة .. الولد قاعد عامل نفسه بيكتب .. وبيشخبط أي حاجة في أي حته .. والكتاب كمان كان كتاب مدرسة من سنتين أو تلاتة فاتوا .. رحت قايل ليه أقرأ كدة يا حبيبي .. طبعاً الواد ضرب اخماس في أسداس .. وهو أصلاً مش عارف يفك الخط .. وماسك القلم بالعافية .

النصابين كتروا قوي في البلد .. وتحايلهم على الناس بقى ليه صور كتيرة .. دي بتبيع حاجات وشايلة عيل علشان تستعطف بيه قلوب الناس ويشتروا منها حاجات هما مش عاوزينها .. بس بيشتروها لمجرد مساعدتها .

انا واحد بيحكيلي أن العيال دي بتتأجر في اليوم للمساعدة في جر عطف الناس

*111111111111111111111111111
فعلاُ سمعت موضوع التأجير ده بس مش فاكر الساعة ب50ج ولا اليوم ؟؟؟

المشاركة الأصلية كتبت بواسطة mostafone

سبحان الله

كنت عند فرغلي امس وكانت هذه السيدة واقفة تبيع لبعض الشباب الذين يشربون العصير خارج السيارة الخاصة بهم وكانوا متحلقين حولها وآخذين فى الضحك والهزار معها

ثم اتت سيدة كبيرة حوالى 45 سنة لتشحت من هؤلاء الشباب وإذ فجأة تتحول هذه الشابة إلى " ست شرشوحة " بمعنى الكلمة

من شتائم وتهزيق للسيدة الكبيرة لأنها " داخله تقطع عليها " وهي واقفه مع زبونها وأنها يجب أن تنتظر حتى " تخلص مع الزبون "

و بعد هذا الموقف غادرت السيدة الكبيرة وتابعت الشابة " ذات الولد " البيع للشباب

هذا ما حدث أمام عيني أمس والله على ما اقول شهيد

--------------------------------------------------------------------

أما على الناحية الثانية من اخر جامعة الدول منذ فترة كبيرة أتت ايضا شابة تلبس الاسدال و عرضت علي نفس نوع المعطرات الامريكية واشتريت منها اربعة وكان معها ايضا معطر بخاخ فأخذت منها اثنين

و بعد ان ذهبت للبيت اكتشفت النصباية الكبيرة

المعطر لم يكن اصليا بأي حال من الاحوال بل مغلف بإتقان بنفس غلاف الشركة الاصلي

و المعطر البخاخ كان عبارة عن ماء بصابون !!!!!!

و طبعا كنت دفعت مبلغ محترم في هذه المعطرات ومن يومها حرمت ان اشتري من هؤلاء النصابين الشحاذين

ههههههههههههههههههههههههه هههه
انا كمان حصل نفس الموضوع بس انا الى عملت كده فى نفسى لقيت واحد بيقولى المعطر بى 5 ج اخدت منه 10 وكنت فرحان اوى لئنى بجيبه من اى محل بى 10 جنيه الواحد و اول واحد جى افتحه لقيته مفهوش ريحه اصلا
منهم لله عموما انا من ناحيتى والله لو وحده شيله 200 عيل والله ولا حتى افتح الشباك اكلمها دول كلهم حرميه وعصابات وبعدين لما هى وحده ومتعلمه وبنت ناس ايه الى منزلها تبيع معطر الساعه 12 بليل وكمان ايه الى نزلها اصلا فين جوزها ولا فين اهلها ده كله كلام فارغ وعموما مش لازم الواحد يتخدع بالمظهر
شكرا

الواحد اتعلم من ان الناس دول نصابين بمعنى الكلمه الا ما رحم ربى
مادام الواحد بيدفع زكاه ماله فى الجهه اللى بيثق فيها يبقى خلاص (ولا تؤتوا السفهاء أموالكم)