العربية مرفوعه ...أول ما تنزل أعمل ايه ؟

**sgharib** · 18-06-2009 12:10 PM

عربيتي أوبترا 2008 عملت بيها 2000 كم و بعدين رفعتها زي ما هي بقالها سنة ...كل اللي عملته اني فصلت البطارية بس و رفعت العجل عن الأرض.

تفتكروا اول ما أنزلها ايه الخطوات اللي أعملها ...يعني هل أغير الزيت و اللا أسيبه و مياه الردايتير و زيت الفرامل .... طقم الكهرباء

أنا خايف امشي بيها على طول يحصل حاجة لا سمح الله

و طبعاً هي لسه في الضمان ...لكن صيانة الاوبترا زي ما أنتوا عارفين كل 5000 كم .

أشيروا عليا يا أهل الخبره

**abou-yahia** · 18-06-2009 01:24 PM

ربنا يبارك حضرتك فيها انشاء الله
انا شايف ان اول حاجه تعملها انك تتاكد من مستوي الزيوت بتاعت العربيه في الاول وخصوصا زيت الموتور وده عشان حتي لو انت موش مشيت بيه المسافه لاكن هوه ليه صلاحيه فا انا شايف انك اول مشوار تعمله هوه تغيير الزيت وده لو انت لسه موش حتروح التوكيل بسرعه .
تاني حاجه شيل البطاريه في الاغلب حيحتاج انك تعيد تكويد الكاسيت من النظام الامريكي الي المصري علشان المحطات لانك موش تعرف تجيب 100.60 علي سبيل المثال .
تسخين العربيه فتره كافيه قبل التحرك بيها اول مره .
مستوي المياه في القربه بتاعت الميه
واتاكد من حاله الكاوتش بتاعك برضه وخد بالك وانت ماشي خد العربيه براحه عشان العفشه تاخد وتدي معاك موش تقرص عليها .
ديه اللحاجات اللي انا متهيالي مهمه عشانك ومرحبا بنصاح الزملاء

**sgharib** · 20-06-2009 12:29 PM

الله يباركك فيكم و شكراً على النصائح بس موضوع التكويد بتاع الكاسيت ده ازاي .... مع ملاحظة اني مش ناوي أروح التوكيل أول ما أنزل أجازه طبعاً

**walwal** · 20-06-2009 09:03 PM

اهم حاجه تنزل التراب من علي المساعدين و الاجزاء الخارجيه لان المساعد بيتلف من الاتربه , و خد بالك من ان التنك لازم يكون مليان و اوعي تمشي علي الاحتياطي خالص لحد ما تروح التوكيل

**yoko** · 20-06-2009 10:28 PM

المشاركة الأصلية كتبت بواسطة sgharib

عربيتي أوبترا 2008 عملت بيها 2000 كم و بعدين رفعتها زي ما هي بقالها سنة ...كل اللي عملته اني فصلت البطارية بس و رفعت العجل عن الأرض.

تفتكروا اول ما أنزلها ايه الخطوات اللي أعملها ...يعني هل أغير الزيت و اللا أسيبه و مياه الردايتير و زيت الفرامل .... طقم الكهرباء

أنا خايف امشي بيها على طول يحصل حاجة لا سمح الله

و طبعاً هي لسه في الضمان ...لكن صيانة الاوبترا زي ما أنتوا عارفين كل 5000 كم .

أشيروا عليا يا أهل الخبره

أنا كنت رافع ال١٢٨ زمان أولا لازم تغير الزيت لإنة أكيد سلم نمر ويستحسن تغير مية الرادرياتير وتزود زيت الفرامل والفتيس لو كانوا ناقصين وتروح على الميكانيكي يبصلك على كل السيور والأنابيب لو فيهم حاجة بايظة وبعد كده عرى الكهربائي يبص بصة على الكهربى لو سلك فية مشكلة أو حاجة وتبعى بالهوا على المساعدين وعلى التيل لإنهم أكيد لمين تراب
وعلى فكرة في الصيانة مبيشيكوش على حاجة غير تربيط العفشة والتيل وشكرا عن تجربة ووقفت على إدهم كذا مرة
ولازم تروحلوهم وتعمل الصيانة وتقولوهم إنها كانت مرفوعة عشان ميتلككوش ويلغوا الضمان
وأول ما توصل العربية الكاسيت هيسألك على الكود هتحط بتاع مصر موجود في كتالوج الكاسيت هو يا ٤ يا ٥ مش فاكر بصراحة