عرض للطباعة
عايزين شوية أراء خبيرة ...
المقارنة بين كيا ريو و رينو سيمبول مانوال ...
من حيث :-
1- جودة التقفيل و نضافته .و الأداء و التكييف و هكذا .
2- أسعار قطع الغيار و مصاريف السيارة و وجود قطع الغيار خارج التوكيل بسعر أرخص.
3- الميكانيكية و الإصلاح خارج التوكيل .
4- و لو هتختار هتختار أنهى و ليه ..
و شكرا جزيلا
1 - جودة التقفيل ونضافته اعتقد السمبول تتفوق فى النقطه دى
والاداء كمان ممكت تتفوق فيه 98 حصان
اما التكييف فدى النقطه اللى ممكن الريو تتفوق فيها
2 - أسعار قطع الغيار والمصاريف وتوافر قطع الغيار
أكيد الريو لان السيمبول هتبقى غاليه وممكن مش تبقى موجوده نظرا لعدم انتشارها
3 - الميكانيكيه والتصليح بره
برضه اكيد الريو مش السمبول
4 - فى النهايه لو هختار هختار الريو
وبالرغم من انى السيمبول كعربيه تعجبنى اكتر وشايفها انها احسن
لكن مصاريف الصيانه والتشغيل وقطع الغيار عايزه ميزانيه لوحدها
يعنى ممكن بعد ماتمشى بالعربيه سنتين تلاته وتروح تعمل صيانه ال 60 الف مثلا
تلاقيها ب 1000 وشويه
ده غير لما تيجى تبيعها هتلاقى سعرها نازل اوى
وفى معلومه اخيره قريتها مش عارف هتفرق معاك ولا لأ
السيمبول سعرها نزل شويه
بقت مانيوال 79 ( تخفيض الف جنيه )
اوتوماتيك 86 ( تخفيض 4 الاف جنيه )
اختلف معاك ي حسسسس باشا السيمبول تقفيلها مش قد كده (تقفيل تركي) وبعدين عربية شكلها كبير ولما تقرب تلاقيها صغيرة بس الاتنين 1400 سي سي والريو 97 حصان وزي ماقلت لسه السيمبول نازلة فلم تختبر واعتقد الريو تكسب لكن الغريب ان عداد سرعة السيمبول 250 كم !!!!!!!!
والكليو كمان عدادها 250اقتباس:
المشاركة الأصلية كتبت بواسطة mohammedsamirabdeen
أنا مش فارق معايا لا سرعة ولا شد ولا الكلام الفاضى ده ...
أنا كل اللى فارق معايا النقط إللى فوق ...
لأن دى سيارة الوالد ...
و شكرا للإهتمام و على الردود
ريوووووووووووو وببسسسسسسسسس........................
فى حد عايز يشارك باى حاجة تانية؟؟؟
الريو وسعها الداخلى ضيق جدا مقارنتا بالسيمبولاقتباس:
1- جودة التقفيل و نضافته .و الأداء و التكييف و هكذا .
2- أسعار قطع الغيار و مصاريف السيارة و وجود قطع الغيار خارج التوكيل بسعر أرخص.
3- الميكانيكية و الإصلاح خارج التوكيل .
4- و لو هتختار هتختار أنهى و ليه ..
وكذلك الشنطة السيمبول شنطة محترمة
فالسيمبول كعربيه اوسع من الريو
كشكل اظن الاتنين متساويين
كتقفيل وجودة خامات
شكل البلاستيك اللى فى تابلوه الريو الحقيقة يقرف
الاداء الحقيقة مقدرش افيدك لانى لم اجربهم
لكن سقت الكليو واظن السيمبول قريبة من الكليو
انا شخصيا افضل السيمبول على الريو
أسعار قطع غيار السيمبول و أسعار الصيانة
http://www.nilemotors.net/Nile/showthread.php?t=58932
كشرا لكل المساهمات
بصراحة أستبعد العربيتين من الإختيار أساساً
الريو غالية قوي...و فقيرة جداً من ناحية الكماليات
السيمبول شكلها مش عاطفي و مش متناسقة...و مش برتحلها..
ده رأيي الشخصي