التعليم العربى ولا اللغات

**Bob2009** · 19-06-2009 04:59 AM

اللغات طبعا افضل بكتيررررررررررررررررررررر ررررررررررررررررررررررررر رررررررررررررر
تعليم حكومى ايه هو ده تعليم اصلا انا كنت فى ابتدائى لغات وبعد كده حكومى على شان مجموع اللغات بتاعى كان قليل المدرسه الى كنت فيها ابتدائى بس من هنا الاهم ان تكون المدرسه اللغات ابتدائى واعدادى وثانوى على شان ده افضل بكتير
اما عن الحكومى لما دخلت اولا المستوى بتاعهم منعدم جدااااااااااااااااااااااا اااااااااااا المدرس بيشرب الشاى ومفيش اى حاجه فى المدرسه وكله على الدروس وبصراحه مكنش تعليم حتى الدرس مفيش شرح وافى كان بيقولى انت مش ليك انك تنجح كان نظام علامات فى ورقه الامتحان بصراحه يعنى ودخلت على الثانوى اتبهدلت تمام على ما عرفت اخرج منه الحمد لله ودخلت معهد خاص كمان على شان المجموع عموما اللغات افضل وفى الثانوى دبلومه امريكيه هى غليه شويه بس الواحد يضمن بيها جامعات محترمه وده الى بنعمله مع اخويا الصغير الحمد لله دايما الكبير بيكون الضحيه
ياريت اكون قدرت اوصل المعلومه عن واقع تجربيه

**gemy215** · 19-06-2009 06:02 AM

هوا فيه حاجه مهمه جدا اول حاجه هيا البيت والمتابعه سواء في عربي او لغات بس لو الاساس كويس هيكون الي بعد كدا كويس اكيد
دا اول حاجه لازم نكون متفقين عليها
تاني حاجه انو العربي مش وحش بس اللغات احسن لاسباب كتيره اول حاجه اللغه تاني حاجه المناهج وطريقه التدريس بتكون افضل انا مكنتش في مدارس لغات ولا حاجه بس في الجامعه شوفت ناس صحابي كانو في لغات حسيت انو احنا مكناش بنتعلم اصلا وكمان مستوي الانجليزي بالنسبه لزمايلي في المدرسه كنت متفوق جدا في الجامعه فاانا اعتبر نفسي كأني هندي معرفش اي حاجه
وطبعا دا دلوقتي مأثر عليا شويه في الدراسه وبيخليني ابذل جهد عن زمايلي الي كانو لغات
وحكايه الجامعات الاجنبيه الي موجوده في مصر فاهيا ممتازه من حيث التعليم عن الجامعات الحكوميه او حتي الخاصه ودا كلام عن تجربه لانو انا في الجامعه البريطانيه وشايف الفرق بينها وبين الحكومي بس فيه حاجه مهمه جدا لازم نخلي بالنا منها انو الجامعات الاجنبيه بتكون افضل من ناجيه الدراسه وطريقه التدريس والشهاده وكمان عنده قدره علي الاداره والاعتماد علي النفس ودا كله مش موجود في خريج الجامعات الحكوميه
بس طبعا ممكن الي في جامعه حكوميه انو يكون المهارات دي عن طريق الكورسات والدورات الي بتكون موجوده في كل ايام السنه وبالذات في فتره الصيف بس المشكله الي بتيجي انو معظم الطلبه بتكون مكسله تعمل حاجه في الوقت دا وبتفضل انها ترتاح ودا الي بيعمل فرق بين الناحيتين
بس في نفس الوقت فيه طلاب في الجامعات الحكوميه متفوقين عن طلبه في امريكا وبريطانيا زات نفسهم بس دا بيكون بأراده الطالب نفسه
وكنصيحه مني ودا الي ان شاء الله هعمله مع اخويا الصغير واولادي ان شاء الله في المستقبل انو اكيد هدخلهم مدارس لغات وهيكون النظام البريطاني لانه احسن نظام تعليم وافضل مناهج في العالم كله
وربنا يوفق كل الناس الي في نفس الموقف دا واهم حاجه ياجماعه خليكم قريبين من ولادكم وخليكم اصحابهم وخلو فيه مجال للنقاش من دلوقتي من اول بدايه المدرسه كدا وبقول لكل الاباء والامهات حاولو تنزلو بعقليتكم لعقليت اولادكم هتقدرو تفهموهم وتوجهوهم صح وربنا يبارك لكل الناس في ولادها ويجعلهم خير لهم في الدنيا والاخره ان شاء الله واسف اني طولت كدا

**yahyanaabil** · 19-06-2009 11:32 AM

حضرتك يا دخل مدارس لغات محترمه وتدفع مبلغ وقدره كل سنه يا إما تدخل مدارس عربى خاصه كويسه وتديى لاولادك كل صيف كورسات فى الانجليزى
انا عن نفسى كنت مدارس عربى خاصه ودخلت هندسه قسم كهرباء وكانت اللغه عقبه كبيره اوى عشان الاقى شغلانه كويسه
حضرتك لما بيجيلك خريجين جداد معندهمش خبره حتحددهم على أساس ايه هنا بقى اللغه بتبقى عامل جامد جدا يعنى لو حبيت يكون لابنك مستقبل فى شركه ملتى ناشونال اهم حاجه بتبقة اللغه بعد كده المهارات بتاعته
تانى حاجه حكلم فيها الجامعات الخاصه الشركات بتحب تشغل طلبه الجامعات على الأسامى يعنى لو واحد جامعه المانيه مثلا و مستواها ضعيف ممكن تشغله انما لو جه واحد وكان مثلا الاول على دفعه وكان جامعه مصريه ده بيتركن على جنب
انا مع الناس اللى بتقول الجامعات الخاصه تعليمها احسن بس نوعيه الطلبه اللى بتدخل اغلبيتها العظمى سيئه جدا بيدخلوا عاى اساس انته تقدر تدفع ولا لأ مش عشان انته مؤهل لكده عندك مثلا الاكاديميه اللى عندنا فى اسكندريه فيها شويه طلبه انا مش عارف ازاى دول ممكن يكونوا مهندسين ومع ذلك بيشتغلوا احلى شغل

**Dr Zezo** · 19-06-2009 11:33 AM

الرك علي اللي بيتعلم وبس .

**M.Mekawy** · 19-06-2009 12:28 PM

المشاركة الأصلية كتبت بواسطة baskota

هنا دار سؤال اخر فى ذهنى هل من يلحقون ابناءهم بمدارس لغات سوف يلحقون اولادهم بجامعات اجنبية

حيث ان فرص العمل الحقيقية تكون اكثر وافضل وايسر بكثير لخريجى مثل هذه الجامعات

لكن خريجى الجامعات المصرية حتى وان كانوا خريجى مدارس لغات فيما قبل الجامعة تظل فرص العمل المتاحة لهم قليلة وان توفرت تكون رواتبهم اقل بكثير من نظرائهم خريجى الجامعات الاجنبية على ارض مصرية

فما رأيكم اتلحقون ابناءكم بمدارس لغات وتتكلفوا الكثير من المال على مر سنين الدراسة ومراحلها المختلفة وفى النهاية تلحقوهم بجامعات مصرية؟؟؟؟؟؟؟؟

ام تلحقوهم بمدارس عربية وتوفروا الكثير من المال الذى ربما يفيدهم اكثر فى المستقبل فى انشاء مشروع خاص لهم والعمل به وعدم انتظار الحصول على وظيفة؟؟؟؟؟

انا بس اتوقفنى حاجتين مهمين
1- مين قال ان اللغة مش مهمة فى الجامعات المصرية , انا هكلم من واقع تجربتى فى الكلية , انا كنت مدرسة لغات و كذلك اختى , انا الان معيد فى الهندسة و اختى معيدة فى طب , طبعا كانوا زمايلنا و الطلبة اللى تحت ايدينا اللى من مدارس عربى حايسين و يا اما بذلوا مجهود مضاعف عشان يعوضوا فارق اللغة يا اما فشلوا , لان اكتر من 80% من الدراسة بالانجليزى ( طب 100% من الدراسة انجليزى)

2- مين قال ان خريج الجامعات المصرية معليهوش طلب , احنا اقل واحد عندنا فى عين شمس اللى بنقول عليه مينفعش , مش بيشتغل و بس , بيشتغلوا فى أكبر شركات هندسة فى مصر , طالما مكتوب بس انه متخرج من عين شمس او القاهرة او اسكندرية .....

**Michael_Lanos** · 19-06-2009 12:50 PM

طبعا لغات

**OlaOsman** · 19-06-2009 12:53 PM

خلينا نتكلم بواقعية و نقول ان فعلا خريجين مدارس العربي فرصهم في وظيفة "جيدة" أقل بكتير من خريجين المدارس اللغات حتى و لو جامعات مصرية، و ده من واقع خبرة 11 سنة في مجال التوظيف. شئنا أم أبينا هو ده الوضع و لا فائدة من محاربة طواحين الهوا.

**نور العمر** · 19-06-2009 01:23 PM

لغات طبعا ....
ده حتى اللغات مش حيكون ليها مستقبل في العشرين سنة إللي جاية
المستقبل ... للأمريكان والبريتش والكندية والالمانية ... أما خريج اللغات حيقف بعدهم وإن بقالوا فرصة
العربي بقا ... ده حيعادل محو الامية في المستقبل

منهم لله ... دمرو اللغة العربية .... وحطموا نفوس خريجي العربي

**نور القمر** · 19-06-2009 01:37 PM

انا عن نفسي فضلت ادخل اولادي مدارس خاصة عربي لسببين
الاول ان اللغات محتاجة رعاية غير طبيعية للاولادي ومتابعة باستمرار
الثاني ان الارزاق بايد ربنا والموضوع مش محتاج نعقد الطفل باللغة وهو لسه بيبدأ حياته الدارسية عشان لما يتخرج من الجامعة يلاقي فرص عمل افضل !!!
محدش عارف المستقبل فيه ايه وخير الامور الوسط وانا شايفه ان المداس الخاصة العربي حل وسط
المدارس الحكومه العادي طبعا مرفوضة تماما ولو الموضوع موضوع توفير للماصريف فكان ممكن مدارس لغات حكومي ودي تكاليفها اقل بكتير من المدارس الخاصة العربي
اذن المشكلة مش في المصاريف الزيادة
وانا شايفه ان الهاي ليفل في المدارس العربي الخاصة الككويسه كافي اوي لاكتساب اللغة

**Sameh** · 19-06-2009 02:23 PM

المدارس اللغات أفضل عشان تعليم اللغة فى سن صغير أسهل كتير واللى بيتعلمه بدرى مش بيتعوض تانى ، يعنى اللى درس فرنساوى فى إبتدائى غر الل درسه فى ثانوى مثلاً
الحاجة اللى لازم ناخد النا منها لو حسينا إنها ضعيفة فى مدارس اللغات هى العربى والدين ، لو حصل يبقى لازم تتعوض بالقراءة وبحفظ القرآن

على فكرة بالنسبة لموضوع لما بيشوفوا مدرسة حكومة فى ال CV بيرموه فى الزبالة ، أنا شايف إن أى CV بروفيشنال مش بيتكتب فيه إسم المدرسة ، والعبرة بالشهادة الجامعية + ال skills اللى عندك بيتقاس بشهادات ومهارات معينة ، يعنى جايب كام فى ال TOEFL ، معاك كورسات إيه فى الكمبيوتر ، إشتغلت فين قبل كدة ، إتدربت فين أثناء الدراسة . إنما مش كنت فى مدرسة إيه !!

الموضوع: التعليم العربى ولا اللغات

LinkBack

أدوات الموضوع

عرض

-

-

-

-

-

المواضيع المتشابهه

راى الخبراء فى مراكز اللغات

إستفسار عم مدارس اللغات بمدينة نصر

الشاطرين فى اللغات ؟

إلي خبراء الـ Hr: التعليم عن بعد .....هل بيقيم زي التعليم العادي..

الكلمات الدلالية لهذا الموضوع

المفضلات

المفضلات

ضوابط المشاركة