مطلوب شراء لانسر او كورولا اتوماتيك تكون بحالة جيدة جداً فى حدود 50-55
عرض للطباعة
مطلوب شراء لانسر او كورولا اتوماتيك تكون بحالة جيدة جداً فى حدود 50-55
لانسر اتوماتيك تحت 55 ألف لن تتعدى موديل 99 و 1300
طيب دى سيارة جيدة يا د. أحمد ولا ايه ؟
أوتوماتيك اللانسر 1300 مش هيعجبك فى السحب ولا استهلاك البنزين خاصة فى الموديلات القديمة نسبيا اللى فيها مشكلة تانية انها واطية سنّة عن الموديلات بعد 2000
فلو بالسعر دا فكر فى المانيوال أفضل وكده ممكن تجيبها 99 ممتازة أو حتى 2000 ورشة أى حاجة مش مهمة..
أما كرولا فلا أعلم
هو اهم حاجة فالموضوع الاتوماتيك...طيب ايه الاختيارات المتاحة سيارة سيدان فالرنج ده
نيسان صنى لحد سنة 2000 على ما أظن
أو كيا ريو.. عربية رائعة فى نفس الرينج
واستنى رأى باقى الناس هتستفيد أكتر..
مع صديق ليا لانسر 97 اوتوماتيك سحبها فعلا ضعيف خاصا لما بتشغل التكيف سحبها بيضعف جدااااااااقتباس:
المشاركة الأصلية كتبت بواسطة Dr Ahmed
نصيحة بلاش اوتوماتيك علي 1300 ...حتي لو موديل 2009....الفتيس الاوتوماتيك محتاج موتور عزمة كبير علشان الطلعات والتسارع وقوة الحصانية عالية علشان التكيف والسرعه ....انا في رأي الاوتوماتيك دة بدايتة من 2000 CC ...
يا جماعة هو أنا داخل سبق.....هى العربية دى مش هتسبق السيات مثلاً ولا قصدكو هتبقا زى توك توك :mrgreen:
مش حكاية سباق ....الحكاية ان العربية لما بتكون مشغل التكييف ...صوتها بيعلي قوي زتلاقي الار بي ام بتاع الموتور بقي في السما لمجرد انك عايز توصلها مثلا لسرعه 60 كم /ساعه....دة غير انك هاحتاج تحرق علي الموتور كتير جدااا لو بتسافر علي طرق فردية وعايز تجاوز عربية قدامك بطيئة زي نقل او جرار او اي شيء ....
المهم ان العربية مع التكييف بتكون شبة بتزحف الا لو قرصت علي الموتور جامدوالقرص طبعا مش كويس في استهلاك البنزين او عمر الموتور....
انا شايف ناس بتبيع وعربياتهم موديل 93 و 95 و 99اقتباس:
المشاركة الأصلية كتبت بواسطة hero
يعني معاهم العربية من 14 سنة عايشين بيها ازاى بالوصف اللى حضرتك وصفته طيب؟؟؟؟؟
السلام عليكم ورحمة الله وبركاته وكل عام والاخوة اعضاء المنتدى بخير وبصحة وعيد مبارك علينا وعليكم :
بالنسبة لموضوع الاتوماتيك والسحب وعيوب ومميزات العربيات الاتوماتيك افضل وان لم يكن من وجهة نظرى انا هى الاوبل 94 عربية 2000 سىسى وسعرها فى الحدود 50000 و55000 والله اعلم بس ياريت باقى الاعضاء يعطوك استشارتهم