السلام عليكم
كان عندي سؤال بس عاوز اعرف ايه الي بيتعمل في صيانة الاربعين الف في التوكيل بتاع كيا يعني ايه الي بيتغير و كده لو حد ليه خالفيه ياريت يقولي و هل يستاهل اني اتروح التوكيل ولا اغير زيت و خلاص انا اتصلت بيهم قالولي هيتكلف في حدود 600 الي 850 جنيه لو غيرت الزيت عندهم بس مقالوليش الي هيتعمل ياريت حد لو عمل صيانة 40 الف هناك يقولي عشان ده مبلغ كبير و مشوار من مصر الجديدة الي ابو رواش .
و شكرا
http://www.nilemotors.net/Nile/showthread.php?t=31406
لو غيرت زيت برة ممكن تطلع من الضمان
لو ابو رواش بعيد
ممكن تروح
روكسى
القطامية
وعلى فكرة غيه مراكز خدمة معتمدة
بس مش عارف اخبارها ايه فى الصيانات
إستبدال الأتي:
فلتر هواء
فلتر بنزين
زيت محرك
فلتر بنزين
بوجيهات
زيت فرامل
زيت فتيس
ماء تبريد
والكشف على سيور البلي
و فرع القطامية ممتاز إسأل عل مهندس محمد هاشم
و لو تحب يكون هناك إتصال قبل الصيانة بلغني و أقوم بالواجب
فين كيا القطامية ده؟
بجوار معرض محمد زكي
قولي حتيجي منين و أوصفلك
الحمد لله عملت الصيانة في فرع روكسي المكان صغير و مش قد كده بس اهو ارحم مليون مرة من مشوار ابو رواش بما اني من مصر الجديدة بس حاسس انه ابو رواش احسن يمكن عشان فيه عمال اكتر هناك اسرع يعني انا دخلت عندهم 9و ربع الصبح خرجت علي اتناشر و نص وحدة و التكلفة معرفش غاليه ولا ده العادي في الاسعار اتكلفت حوالي 600 جنيه و المصيبة طلع ان علبة الدركسيون لازم يتغير و ده تكلفته 957 بلمصنعية و التركيب و الضرائب هيوصل الي الف و تلتميت جنيه 1,300 مش عارف حاسس ان سعر مبالغ فيه وانا مش عامل حسابي و بيني و بينكم مش بفهم في المكانيكا و مش عارف هل ده لازم يتغير و لا عادي اسافر بيه و اروح بي مشاويري علي اساس انا مش حاسس ان فيه اي عيب ولا حاجة و ماشي بلعربيه عادي معرفش المهندس الي هناك قالي لازم تغيره و سكت بس السعر هو الي انا شايف انهم مبالغين فيه اوي
بس لو حد يقدر يشرحلي ايه هو علبة الدركسيون ده و منين ممكن اجيبه او اغيره بره التوكيل لو حابب مع العلم انه دركسيون عادي مش باور . اكون شاكر لو حد فهمني و نورني .
شكرا لكل واحد رد تحياتي