السلام عليكم
أولا أنا بشكر كل الأخوة و الأخوات اللي شاركوا في الموضوع
بس فيما يبدوا أن أغلبية المشاركين ماوصلوش للنقطة اللي أنا كنت عايز أناقشها .
مفيش أدنى شك أن الشركة المحترمة بتفرض نفسها و مش محتاجة حد يتكلم عليها .
دي نقطة معليهاش خلاف .
أنا كنت بتكلم في نقطة معينة ووضحتها فوق و محدش علق عليها خالص .
ألا و هي :
الشركات المتعددة الجنسيات اللي بتملك شركات تانية .
زي ما قلنا أسكودا المملوكة لفولكس و سيات أيضا مملوكة لفولكس.
نيجي كمان تلاقي عربيات صيني نازلة بمواتير ياباني ...
و شركة جنرال موتورز اللي تملك أوبل و تملك دايو برضه .
و لكن تعالوا نتكلم عن فولكس و سيات و أسكودا .
لما أي حد في المنتدى هنا بيتكلم عنهم يقولك دول ألماني
مع أن مفيش غير واحدة فقط منهم هي اللي ألماني و هي الفولكس نفسها .
و السيات أسباني ......... و الأسكودا تشيكي .
أنامتفق مع الناس ان فيه مكونات كتيرة مشتركة بين عربيات المجموعة الفولكس فاجنية .
بس ده ما يديش صفة بلد منشأ على عربية من بلد تانية .
أولا ده مش تشكيك في أي عربية علشان أنا كشخص مش بيهمني بلد المنشأ بالمقام الأول زي المنتج نفسه .
طيب مش بنطبق نفس المنطق على عربية صيني بمكونات ياباني ؟؟؟؟؟
ليه مش بنقول أن الدايو تصميمات جنرال موتورز و إنتاج جنرال موتورز ؟؟؟؟؟؟؟
أضفنا صفة غير موجودة على واحدة ........ و لم نضيفها على الأخرى لمجرد أن بلد المنشأ ..مش التوب رقم واحد في عقولنا .
الأغرب أن فيه عربيات فولكس فاجن و عليها علامة فولكس فاجن نفسها و لكنها ليست تصنيع ألماني و تلاقي الناس لو العربية دخلت في مقارنة تقول لصاحب المقارنة
بلاش ........ أصلها برازيلي ؟؟؟؟؟؟؟؟؟؟؟؟؟
يعني الفلوكس الأصلي .......... بلاش !!
و الأسكودا أصبحت ألماني .......... !!!
مع أن الأثنين مش على الأقل تقفيل ألماني !! صح ....
يبقى ليه مش برشح الفولكس اللي هو أصل الشركة و أقول عليه مش ألماني ...
و أقول على عربية تانية ....... دي ألماني مع أنها مش ألماني ؟؟؟؟؟
ده مثال يا جماعة مش مقصود به أي عربية بعينها .
أنا بتكلم في نقطة معينة و مش بهاجم أي ماركة بعينها أو بدافع عن ماركة بعينها .
أنا بس بتكلم في المنطق ليس أكثر .
منتظر رأيكم ثانية في هذا الموضوع و شكرا مرة أخرى على مداخلتكم الأولى .
نورتوا الموضوع .
المفضلات