عرض للطباعة
السلام عليكم ورحمة الله وبركاته
انا ساقوم ان شاء الله بشراء سيارة اوبل استرا موديل 2001 1600 سي سي اوتماتيك مستعملة من المانيا
وساقوم باستيرادها باسمي نظرا لحصولي علي موافقة القومسيون الطبي للمعاقين
قيل لي ان جمارك تلك السيارة 65 الف جنيه قبل خصم الاعفاء لكني غير مقتنع :Copy of majd(4):
اريد ان اعرف هل تلك القيمة صحيحة وان لم تكن فماهي تقريبا قيمة الجمارك المستحقة علي تلك السيارة؟
دلوني يا جماعة:U_thin1[1]:
بص يا باشا اللي تقدر تحسبه الموديلات الحديثه
وده بيتحسب علي ال سي سي لان المويل بيقي عالبا نفس السنة
اما في حالتك فأمرك لله
بس نصيحه اعرف سعر السوق كام
وحاول تعرف جمارك السيارات ذات الفئه اللتريه الاقل
ما هو سعر السوق فى مشاركة للاخ Mohtofy لينا فى المنتدى كتب التالى
معروض عليا عربية أوبل أسترا بتاع واحد صاحبى وهى موديل 2001 و 1600 سى سى أوتوماتيك جميع الكماليات وكان صاحبى مشتريها من راجل عراقى من سنة وكانت بـ 58000 العربية إلى حد ما حالتها جيدة جدا" وعرضها على48000
انا قرات هذا السعر اليوم استغربت و حسيت ان اللى بلغنا بقيمة الجمرك ده و هو اصلا شغال فى الجمارك بيلعب بينا علشان كده عايز رد سريع هل كلامه صح ولا غلط
عادي جدا ... انا اي حاجة في الجمارك بقيت بصدقها ...
عربية تويوتا كرسيدا موديل 1993 جماركها دلوقتي اكتر من 90 ألف جنيه !!!!
والله عمري ما هنسى لما كان الوالد بيسأل على جماركها و اتقال له دا 2400 سي سي يا بيه ... و مرايات كهربا!
و كمان إزاز حراري !! تخيلوا ؟
حاجة تكسف... عربية بقالها اكتر من 15 سنة و جماركها بالمبلغ دا ..؟
إذا كنت بتدفع 4,20 جنيه رسم استعمال راديو، و إذا كانوا بيعتبروا حزام الأمان كماليات عند احتساب الجمارك
قرأت في ملحق الجمعة من فترة واحد بيسأل على جمارك عربية مرسيدس e240 بعد ما غير لها الموتور بواحد أصغر، رد عليه خبير الجمارك يقول له لأ على مين يا حبيبي، برضه هتدفع جمارك ال e240.
أعتقد لو واحد معاه مثلاً e200 و ركب لها موتور أكبر ساعتها حيحسبوا الجمارك على الموتور الكبير. مش كده. هي دي مصر
ظروف بلدك هي اللي جعلت أقصى طموحنا كعامة الشعب مواتير 1600سي سي في عربيات للاستهلاك المحلي بجودة نص نص و بعد ده كله تعتبر غالية
حسبنا الله ونعم الوكيل
السلام عليكم ورحمة الله وبركاته
شكرا لكم جميعا على رودودكم بس على فكرة اختيارنا لموتور 1600 سى سى ده اجبارى من قرار القمسيون المشكلة انى لما بادور مش بلاقى 1600 اصلا بسهولة ده هناك فى المانيا تعتبر نادرة بس بقى حكم القوى و لا و اللى يصعب ع الواحد انه لو جاب المستعمل من هنا هيبقى ارخص من انى اشترى من الخارج و اشحن و كمان ادفع جمارك قال ايه عليها اعفاء عجبى
حتى بورسعيد بيبيعوا الهوااااااااااااااااااااا اا بفلوس
بس لازم فاتورة من الجمارك و هلم جر :shyy:
حاجة تخنق:T_thum1[1]:
طيب ما بدل ما نقعد نشتكي لبعض نشتكي للحكومة علشان تعرف أن دة ظلم ..
علشان بيعملوا قرارات و فاكرين ان المصؤيين ليس لهم أي وسيلة للتعبير عن رفضهم لهذا القرار ..
بص ياباشا انا هقولك حاجة لاحظتها وانا فى المنطقة الحرة فى بعض العربيات الالمانى الى بتيجى من المانيا بالزات
زى الفولكس والاوبل بتكون سعرها على الارض رخيص جدا لاكن بالجمارك وبردو بعد التخفيض الجمركى عليهم بتلاقى سعرها
بقى مبالغ فعلا ومقاربة لنفس السوق عندنا
عارف لية ياباشا عشان فرق العملة بينا وبين البلد الى بتيجى العربية منة يعنى مثلا ممكن عربية جولف وارد الخليج تلاقى سعرها اقل بكتير من عربية جولف نفس الفئة والموديل وارد المانيا
لذلك بتلاقى اغلى العربيات الى بتكون فى المنطقة الحرة وارد المانيا
ويارب اكون قدرت اسهل المعلومة شوية
معلش عشان اكمل المعلومة بردو
انت لما بتيجى تاخد عربية من المنطقة الحرة
بتشتريها بتمنها فى نفس البلد بما يعادلها بالدولار الامريكى
وبتدفع بالدولار او بالجنية المصرى بما يعادل سعرها بالدولار مع مراعاة فرق العملة طبعا