تفويل اللانوس

**abzoabzo** · 19-06-2009 05:12 PM

كلام جميل ياريت حد يفدنا فى الموضوع ده

**morsi** · 19-06-2009 05:43 PM

المشاركة الأصلية كتبت بواسطة se_coralsea

الكلام ده في أعتقادي صح طبعا أول تكة و بعدين خلاص لكن العامل اللي في المحطة يفضل يحط بنزين لما البنزين يفور و ينزل من التنك و يسيل علي العربية هل ده صح ؟؟ لأ طبعا

اكيد الكلام اللي قالوه في التوكيل صح و أفتكر كده انت لما بتأكل بتملي معدتك للأخر و لا بتتوقف عن الاكل اول ماتحس بالشبع ؟؟
أكيد لو فضلت تأكل مش هاتعرف تتنفس

ياباشا طبعاً كلام حضرتك صح الصح ومع ذلك لو الأكل 95 أقصد 5 نجوم هاأفضل أأأأكل.وعلى فكرة العامل فى المحطة بعد اول تكة بيفضل يزود ويظبط نفسه على ان يكون باقى الفلوس على الاقل 75 قرش علشان تسيبهمله.

**heshamtaher** · 19-06-2009 07:06 PM

العمال فى محطات البنزين دايما يقولوا أن تانك اللانوس مخنوق. و هو فلا بعد أول تكة لو فضلت معاة بتحط 7 لتر زيادة. لاكن المشكلة ان تانك اللانوس حجمة 48 لتر فقط و الـ7 لتر كنسبة منها تعتبر كمية مش قليلة.
بس عموما انا مش بفول التانك لأخر الا فى حالة السفر فقط

**moso** · 21-06-2009 12:39 AM

على فكرة الكلام ده م التوكيل و لو على عمال البنزينة نديهم فى الول جنيه و لا أقل و نقولهم فول على أول تكة

**nasroo** · 21-06-2009 12:36 PM

المشاركة الأصلية كتبت بواسطة omar1978

يا جماعة انا عندى نفس المشكلة فعلا لما بفول على الآخر خالص المؤشر بيخرف ولما تقل شويه بيبدأ يشتغل كويس
يبقى اعتقد ان الكلام سليم والله اعلم

نفس الكلام عندي

**swimmer25** · 21-06-2009 01:14 PM

انا مش عارف الكلام ده بس اناعندي بفول للزور والمؤشر مبيخرفش ولا حاجة

هي فعلا بتاخد 7 الي 8 لتر بعد المسدس ما يفصل

انا من يومين سيبت التانك لحد ما المؤشر بقي علي الاحمر يعني اقل من اخر شرطة بيضا وكنت حاسس خلاص ان اللمبة هتنور

لما روحت فولت لحد الزور اخدت 46 لتر ونص
انا طبعا معرفش كان فاضل في التانك قد ايه بس هما ال 46 اللي بيقول عليهم الكتالوج
بعد ما المسدس فصل اخدت 8 لتر(دول داخلين في ال 46 لتر) فمعقول كان في العربية 8 لتر لما المؤشر كان علي الاحمر يعني اقدر اعمل بيها 80 كم كمان

الله اعلم

**abzoabzo** · 21-06-2009 01:25 PM

انا امبارح فولت للاول تكة والمؤشر مجابش للاخر

**moso** · 22-06-2009 03:51 PM

مؤشر البنزين فى اللانوس الطبيعى ما بيوصلش لأخر شرطةده الكتالوج و التوكيل بيقول كده
لما اللمبة تنور يبقى قدامك حوالى 5 إلى 10 كم و تقف منك
و يلريت ماتوصلش لكده علشان الرواسب ماتسدش و تبوظ حاجة

**w11905** · 22-06-2009 05:30 PM

المشكله عند حساب استهلاك البنزين للعربيه فى ناس بتحسب على اساس فصل مسدس البنزين و اعتقد انها بتختلف من محطه الى اخرى بس لو كان فى خطر على العربيه فى حاله التفويل الى اخر التنك كان لابد ان تقوم الشريكات بالتنويه الى ذلك فى الكتلوج الخاص بالعربيه