عدم وعى وتقدير ضباط مرور دمياط

**ahmedstaff** · 19-06-2009 12:11 AM

السلام عليكم ورحمة الله وبركاته أحبابى أعضاء المنتدى الكرام
اسمحوا لى أن أختصر فى قصة قصيرة حدثت لى يوم الثلاثاء من هذا الأسبوع ، حيث توجهت لمصيف رأس البر بسيارتى وكان الطريق شبه خالى وكنت أسير بسرعة حول 90 إلى 100 كم/ساعة وكان معى أسرتى ومبلغ 200 جنيه لزوم قضاء يوم واحد ، وعند وصولى لبوابة الدخول فوجئت بضابط وعسكرى مرور عند المدخل (بوابة دخول رأس البر) يطلبان منى رخصة القيادة لأن الرادار صورنى بسرعة 96 كم/ساعة ، وتحدثت مع الضابط وقلت له أننى جئت لقضاء اجازة بالمصيف والمبلغ الذى معى من أجل ذلك ، فقال أنه إما دفع 150 جنيه أو سحب الرخصة ، فدفعت مرغما وقطعت بعدم العودة لهذا المصيف بعد ذلك .
اسمحوا لى أننى إن كنت مخطئا فى زيادة السرعة ، فالخطأ الذى أرتكبته إدارة مرو دمياط بعمل كمين عند بوابة دخول مصيف رأس البر حيث يدفع الناس ما معهم من نقود للمرور قبل دخولهم وهم بعد ذلك أحرارا إما يدخلون المصيف بلا نقود أو يتركوا رخصهم للمرور وأكيد يقطعون على أنفسهم ألا يعودوا بعد ذلك .
ما {يكم فى ذلك ، أعتقد أن إدارة مرور دمياط تتصرف بغباء شديد لمنع الوافدين للمصيف من قضاء يوم سعيد أو أكثر وهمهم هو جمع المال فقط حتى يحصل ضباطهم على مكافئات نتيجة المبالغ التى يحصلونها دون وعى أو فهم أليس كذلك ؟
د/أحمد
dr.ahmedr@yahoo.com

**Ashraf_Ashraf** · 19-06-2009 12:18 AM

معلش ربنا يعوض بيوم افضل فى مكان افضل
بس ومن غير زعل اعتقد ان تصرف الظابط مافيهوش حاجه غلط ( بمنتهى البساطه ممكن كل واحد يقول زيك كدبا )
اعتقد من اخطر المخالفات زياده السرعه والسيرعكس الاتجاه
انا مش بدافع عنه لا بس بعد ماتفكر هتعرف ان تصرفه صح
مره تانيه ربنا يعوض باحسن من اليوم ده

**ابو حسين** · 19-06-2009 12:34 AM

معلش ربنا يعوض

**zico900** · 19-06-2009 12:47 AM

ربنا يعوضك

بس لو السرعه المسموح بها 80 مثلا و انتى ماشي 96 يبقى الضابط معملش حاجه غلط...حصل خير

**pro_samir** · 19-06-2009 01:20 AM

مسيبتلوش الرخص لية وخلاص ؟

**kloda** · 19-06-2009 02:18 AM

المشاركة الأصلية كتبت بواسطة dasboot

بصراحة الضابط كل إللي عمله انه قام بواجبه و يشكر كمان انت اجرمت و لازم تعاقب، هو المفروض يقدر الظروف في حالة الطواريء لكن حضرتك كنت رايح فسحة مش طوارئ

اسف لو كنت حاد شوية لكن الحق احق ان يتبع بصراحة و ربنا يعوضك يا رب بصيف كامل في فينيسيا كمان ولا تحب تروح هاواي؟ :)

بس اقولك سر؟! هو الضابط واقف هنا بسوء نية بصراحة اكيد عارف ان كل إللي جاي معاه قرشين و هيدفع التصالح و مش هيخنقه بإيصال سحب و بعد كده يفضل طول الليل يسرك في الرخص المسحوبة تصالح و لم الفلوس اسهل و يوردهم و ياخد النسبة و خلصت المهمة
يخرب بيت شيطانه!!!

+1111111111111111111111111111

**Bossy_Fadl** · 19-06-2009 05:55 AM

حضرتك اسرعت و كان لازم تدفع الغرامة

شيء منطقي

متل ما بنزعل لما القانون مبيتطبقش المفروض نفرح لما نلاقيه بيتطبق

حضرتك بس كان المفروض تحرص شوي و تاخد بالك من السرعة

و كان ممكن تتركله الرخصه افضل عشان تقدر تقضي اليوم بالفلوس اللي معاك

عموما الواحد مبيتعلمش ببلاش

و ربنا يعوضك