هل يوجد جهاز الداينو فى مصر

**Mzeid** · 20-06-2009 04:07 PM

بس اجهزة تؤدي نفس الوظيف بس بحرفية أقل و فيه واحد احد الاعضاء طالب في عين شمس ذكر أنه موجود في قسم هندسة السيارات ..
و فيه شركان تجهيز معدات سيارات بتوفره برضه ..

**topgear** · 20-06-2009 06:45 PM

المشاركة الأصلية كتبت بواسطة dasboot

داينو في مصر؟!!! لييييييييييييييييييييييه
استخغفر ربنا يا باشا بعد السؤال إللي انته سئلته ده
ده شيطان و الله

قال داينو ميتر في مصر قال :)

ههههههههههه
مش بعيده علينا

المشاركة الأصلية كتبت بواسطة camaro

هو مش موجود في مصر أولا لأن مفيش حد يفهم فيه ..
و ثانيا لأن سعره غالي و بيوصل ل 50 ألف دولار و اغلى ..
بس فيه أنواع صيني رخيصة ..

فعلا وكمان الكشف فيه مش رخيص بيكلف حوالى 900 للكشف بس والكشف مع التضبيط ب 1500

المشاركة الأصلية كتبت بواسطة camaro

بس اجهزة تؤدي نفس الوظيف بس بحرفية أقل و فيه واحد احد الاعضاء طالب في عين شمس ذكر أنه موجود في قسم هندسة السيارات ..
و فيه شركان تجهيز معدات سيارات بتوفره برضه ..

شركات زى ميين مثثلا ؟؟؟؟؟

**abo_hosni** · 20-06-2009 07:53 PM

الداينو ميتر المصري. من أيام الأبيض و أسود
"اتفضل عالدايناميتر يا كمال"

[youtube]http://www.youtube.com/watch?v=rUcwslkjhLw[/youtube]

**Sharaf2009** · 20-06-2009 08:25 PM

يا ساده....انتو بتتكلموا فى ايه....

الجهاز ده طبعا موجود فى مصر ....

انا شوفته فى اكتر من مكان وفى معامل كليات الهندسه فى مصر واشتغلت عليه كمان.

احب اوضح انه فى نوعين من اجهزة الديناموميتر:

الاول بيقيس القدره الحصانيه عند خارج المحرك Engine Dynamometer

الثانى بيقيس القدره الفرمليه عتد العجل ويعرف بـ Chassis Dynamometer وهو ده الموضح بالفديو ...وفى الحاله دى بيتم اختبار المحرك + الية الجر - تسارع المركبه - الخ

**Ashraf_Ashraf** · 20-06-2009 08:33 PM

شكر للجميع على المعلومات
بس لى سؤال مش الشركات بتحسب الاجصنه من السعه وطول المشوار للبساتم
ولا هما بعد مايعملوا العربيه يقسوها

**PoweRPassioN** · 20-06-2009 08:34 PM

المشاركة الأصلية كتبت بواسطة sharaf2009

يا ساده....انتو بتتكلموا فى ايه....

الجهاز ده طبعا موجود فى مصر ....

انا شوفته فى اكتر من مكان وفى معامل كليات الهندسه فى مصر واشتغلت عليه كمان.

احب اوضح انه فى نوعين من اجهزة الديناموميتر:

الاول بيقيس القدره الحصانيه عند خارج المحرك engine dynamometer

الثانى بيقيس القدره الفرمليه عتد العجل ويعرف بـ chassis dynamometer وهو ده الموضح بالفديو ...وفى الحاله دى بيتم اختبار المحرك + الية الجر - تسارع المركبه - الخ

هل موجود ف مراكز خدمه او ورش تعديل ؟؟
لو أه .. هل في انواع جيده واخرى رديئه؟؟وسعر القياس كام؟؟ ومكانه فين؟؟

**Sharaf2009** · 20-06-2009 08:44 PM

المشاركة الأصلية كتبت بواسطة ash_rsi

شكر للجميع على المعلومات
بس لى سؤال مش الشركات بتحسب الاجصنه من السعه وطول المشوار للبساتم
ولا هما بعد مايعملوا العربيه يقسوها

شكرا لسؤالك...
هو فعلا بيتم قياس او حساب قدرة المحرك بواسطة المنتج وزى ما قال بعض الاعضاء انه بيكون مكتوب فى الكتالوج...

ولكن النوع ده chassis Dynamometer بيقيس قدرة المحرك عند العجل وبالتالى بيظهر تاثير الية الجر (دبرياج - جير بوكس - كارونه) فى التقييم ده والاهم من كده هو تقييم الـ matching او التوافق بين المحرك والية الجر وده من خلال رسم منحنى يعرف بـ Tractive effort - Vehicle speed Diagram مقاسه عند الاطارات ...

انا عارف انه كلام تقيل ....بس خلينى اوضح لك ببعض الامثله : من معايير الاداء المهمه فى المركبه (مثلا) السياره توصل اقصى سرعه بعد زمن اد ايه؟ ما هى اكبر عجله تسارعيه للسياره؟ ما هى الاحمال التى يمكن للسياره التغلب عليها.............

الاسئله دى بيجاوب عليها جهاز chassis Dynamometer من خلال قياسات فعليه....

ده غير انه بيستخدم فى الابحاث ...خاصة عند تغيير المحرك ...لازم نتاكد ان المحرك الجديد بيتوافق مع الية الجر

**Sharaf2009** · 20-06-2009 08:49 PM

المشاركة الأصلية كتبت بواسطة S M A R T M A N

هل موجود ف مراكز خدمه او ورش تعديل ؟؟
لو أه .. هل في انواع جيده واخرى رديئه؟؟وسعر القياس كام؟؟ ومكانه فين؟؟

لا هو مش على مستوى مراكز الخدمه...ولكنه على مستوى مراكز الابحاث
فى منه 4x2 ---4x4 على حسب تصميم الية الدفع فى السياره

**gemy215** · 21-06-2009 05:23 AM

المشاركة الأصلية كتبت بواسطة sharaf2009

لا هو مش على مستوى مراكز الخدمه...ولكنه على مستوى مراكز الابحاث
فى منه 4x2 ---4x4 على حسب تصميم الية الدفع فى السياره

طيب لو حد عمل تعديل في سيارته يقدر يقيس الفارق الي عمله التعديل دا في العربيه ولا لا عن طريق الاجهزه بتاعت الداينو
ولو اه هل ممكن اي حد يروح مراكز الابحاث دي ولا لا وفين اماكنها لو ممكن

**MMamdouh** · 21-06-2009 12:08 PM

المشاركة الأصلية كتبت بواسطة Sharaf2009

يا ساده....انتو بتتكلموا فى ايه....

الجهاز ده طبعا موجود فى مصر ....

انا شوفته فى اكتر من مكان وفى معامل كليات الهندسه فى مصر واشتغلت عليه كمان.

احب اوضح انه فى نوعين من اجهزة الديناموميتر:

الاول بيقيس القدره الحصانيه عند خارج المحرك Engine Dynamometer

الثانى بيقيس القدره الفرمليه عتد العجل ويعرف بـ Chassis Dynamometer وهو ده الموضح بالفديو ...وفى الحاله دى بيتم اختبار المحرك + الية الجر - تسارع المركبه - الخ

السؤال المهم دلوقتى هو:

هل الداينو دة متاح لاسخدام الجمهور؟؟؟ يعنى ينفع اروح بكرة بعربيتى احط العربية على الداينو دة و اخد تقرير باداء العربية؟؟؟

لو الاجابة لا يبقى وجود الداينو دة زى عدمة

و طبعا حنوصل لنفس النتيجة لو تكلفة قياس العربية على الداينو مبالغ فيها زى ما سمعنا قبل كدة

MMamdouh