ظهرت عندى مشكله بعد ماغيرت العفشه كلها وظبط زوايا السبب العربيه بتعوم وفى رعشه فى الدركسيون بسيطه من 40 kM المهم سألت ناس تقولى علبه الدركسيون عشان جديده لسه عايزه تتلين شويه وناس تقولى ترصيص بس انا لماجيت ابص على العربيه من قدام لقيت الكاوتش داخل لجوه شويه ممكن يكون ده سبب التعويم اللى مستغرب منه ان العربيه وهى العفشه بتاعتها بايظه وعايزه ظبط زوايا ماكنتش بتعوم ياريت تفيدونى
المهم اللي يكون ظبط الزوايا حد كويس لان ده من اهم ما يمكن
الراجل اللى ظبط عنده الزوايا راجل سمعته كويسه جدا
الرعشه لو بتزيد مع السرعه يبقي ترصيص
والعربيه بتحدف معاك ولا لأ ؟
العربيه مابتحدفش معايا بس انا عايز اعرف تقويس العجل لجوه ده من ايه
ممكن يكون العيب فى الكاوتش
لو نقشته ممسوحه هيعوملك العربيه او لو حالته تعبانه
العيب فى الكاوتش ممكن يكون عايز يترصص او ان الكاوتش ملوح
لا ياجماعه انا عندى الكاوتش الأمامى جديد بس انا سألت بتاع زوايا قالى دى حاجه اسمها زوايا الكامبر وبنظيط تقويس العجل من بارات الدريكسيون
التعويم في السرعات المنخفضة والعالية سببه الميزان
اتأكد ان كاوتش الميزان سليم
تأكد من ان الميزان مربوط كويس
بعد كدة لو كل ده سليم يبقي الكاوتش
لو سليم يبقي علبة الدركسيون
المفروض انك تظبط زوايا تاني و تعكس العجلتين الي قدام
موضوع التعويم ممكن يكون من البارات و مفيش حاجة اسمها علبة الدركسيون بتلين ديه جديدة مش محشية
و عموما جرب موضوع عكس العجلتين الاول مع تظبيط زوايا تاني و يفضل يكون بتاع زوايا مرايات مش كمبيوتر
و صحيح المفروض العجل ميكونش مايل او مقوص للداخل او للخارج على ما اعتقد
بص يا سيدي انا هديك نصحتي من كتر ما اشتغلت في 128 بتعتي بيدي فيها
التعويمه بتكون نوع من الاتنان
1)لما تمشي في مايه او تهدي بسرعه: بنسبه كبيره و زاي مكان حصلي بيكون في مشكله في المقصات الخلفيه "مسمار التليفون و جلب المقص الخلفي"
2)لما تجري بالعربيه: واه بيكون بسبب "ميزان او كوتش الميزان , مقص امامي , علبه دركسيون -احتمال كبير- ,ترصيص "
الحل:
1) روح لعفشجي محترم يبص علي العربيه و يقرت علي العفشه كلها
2)روح لحد بتاع زوايه غير الي انت اتعملت معاه و انا انصح بمحطه مصباح "كتكات" او بنزينه التعاون خلف مصرح البلون في الجيزه
خاليه يكشفلك و يبص علي كل حاجه كويس اوي و قله الي بيحصل في العربيه و هو بيطلع معاك يجربها بس ظبتو عشان يعمل
الواجب معاك
اما مشكله الرعشه فا لازم ترصص الكوتش من الاول ,يعني يشيل الرصاص القديم و يرصص من الاول
و احسن عجلتان فيهم رصاص اقل حطهم قدام بعد طبعن ما تنقل الكوتش الجديد علي الجنزط ام ترصيص اقل
و بالنسبه للتقويصه , كدا في حاجه غلط عندك ميش بارات بس و احتمال تحتاج زرجينه عشان تفتح الكوتش و ترجعه مكانه
اما لو التقويصه في الخلف فا داه بيكون بسبب السوسته و لو رحت لحد بتاع سوست هيريحلك السوسته و الدنيا هتظبط معاك
و لو سمحت متديش ودناك لاي حاد عشان انا كان في ناس هتسوحني "صنيعيه" كولو عايز يعمل شوغل و يقلب رزقه و سيبك من الي يئولك "يا باشا اسلو لازم يطبع و الهبل داه"
ألف ألف شكر بجد انت جبت من الأخر وربنا يكرمك
صح موضوع العفشة الخلفية و مسمار التليفون الكل تقريبا اغفلة تحياتي