للاسف يا استاذ احمد الموضوع صعب " لكن مش مستحيل " تنفيذه
كناحيه عوامل امان
موضوع زى كده لازم يتم عن طريق قانون او الزام لكل الشركات المستورده و المجمعه للسيارات فى مصر بوضع سيارتها تحت اختبار الامان " المصرى " زى اختبار الامان الاوروبى و الامريكى ... ده من ناحيه الامان و ده شئ مهم فعلا .
لكن موضوع هيئه لو جهة تابعه للحكومه لتقيم اداء و جوده تصنيع السياره اعتقد انه مش حيحصل لان تقيم اداء السياره مش من اختصاصهم ..... مثلا عربيه ثابته بعد ال100 ولا بتعوم ... او عربيه تكيفها قوى او ضعيف .. .....
لو جهة خاصه حيبقى الحكم متغير و حيدخل فى المصالح لان موضوع الحكم و التقيم حيختلف من فرد لاخر باختلاف وجهات النظر و الزوق العام .
اولا معاير الحكم على اداء و جوده الخامات و التصنيع حتختلف كتير مابين عربيه تمنها 36 الف جنيه و عربيه تمنها 1700000 جنيه .
حتى بالمقارنه مابين 5 سيارات فى نفس الفئه مثلا جين و اوبترا و لانسر و سيراتو و الانترا .... لو جبت 5 افراد و ال5 جربو ال5 عربيات حيطلعو بنتائج و اراء مختلفه و من هنا مش حينفع يكون فى تقيم ثابت للعربيه .... لان الموضوع حيكون متغير بوجهة نظر شخص عن الاخر .
.... بس فى حاجه مهمه احنا دلوقتى غير زمان بقى فى انترنت ... يعنى الى بيفكر يشترى عربيه بيشوف رأى الناس الى ركبيتها سواء فى مميزات او عيوب " من وجهة نظرهم " و على اساس وجهة النظر ديه ممكن يكون رأى مبدأى عن العربيه الى بيفكر يشتريها .
بس يمكن مشكلنتا احنا ... اننا بنشوف الكلام و التقيم و اختلافات و جهات النظر و بنبقى عاوزين حد يأكدلنا رأينا ... سواء ان العربيه ديه زباله ... او العربيه ديه خارقه , يعنى عاوزين حد يقولنا الى عاوزين نسمعه .. مش يقول رأيه .
و طبعا مافيش عربيه سيئه من كل النواحى او عربيه كلها مميزات و مفهاش عيوب .. من الماروتى الى البوجاتى مرورا بالجاجوار وصولا للرولز رويس و البنتلى .
تحياتى ليك استاذ الحمد و بشكرك على مواضيعك المميزه
المفضلات