الموضوع: أنا محتاج مساعدة ؟؟؟؟؟؟؟؟؟؟؟؟

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

مبدئياً أنا عندي قطعة أرض في موقع مميز والحمد لله .
قمت بتأجيرها لشخص لإقامة محطة لخدمة وتمويل السيارات .
وهذه الأرض كاملة الإنشاءات وكنت مأجرها بكل التراخيص بما فيها موافقة شركة مصر للبترول .
ولكن المستأجر عايز يتعامل مع شركة أخرى غير التعاونية ومصر للبترول ، وكان واخد وعود من أكثر من شركة مثل شل وتوتال بس مش عارف هو أيه اللي مأخره في إنجاز المشروع رغم أن جميع البنية التحتية والإنشاءات للمحطة جاهزة ؟
وكل ما أسئله عن سبب التأخير مرة يقول أنه منتظر موافقة الهيئة العامة للبترول ، أقول له إزاي وترخيص البناء من الحي لا يصدر إلا بعد جميع الموافقات الخاصة بالبترول يرد ويقول إن الشركات الوطنية ( مصر للبترول والتعاونية ) لا تحتاج موافقة الهيئة ، إنما تحتاجها فقط الشركات الأجنبية .
طيب مش كان عندك وعود من شركات أجنبية أه بس حصل حركة نقل للموظفين .
المهم أنا شايف إن الراجل مش بيكذب عليا وهو صرف مبالغ ضخمة في المشروع تكاد تتخطى المليون جنيه بدون أي عائد بل مر من عقد إيجاره سبعة أعوام لم يجن فيها أي ربح .
فكنت أسأل إن كان من الإخوة الأعضاء من يعمل في الهيئة العامة للبترول أو في أي من شركات البترول الأجنبية في مجال إنشاء المحطات أو التسويق ويستطيع المساعدة فله مني جزيل الشكر ، وعلى فكرة هو مش عايز يأجر للشركات هو عايز يدير بنفسه لأن له خبرة طويلة جداً في هذا المجال .
ومن لا يعمل في هذا المجال فأسئله الدعاء بأن يوفقنا الله إلى ما يحبه ويرضاه .
ملحوظة : هذه المحطة على شارع رئيسي وحيوي جداً بعرض 32م وقربية جداً من منزل الطريق الدائري

المشاركة الأصلية كتبت بواسطة the_fox_arab

يا باشا مش اي حد في مجال البترول ممكن يفيدك في موضوع محطة التموين ( و ليس التمويل ) ... حضرتك يا إما عايز حد في الهيئة نفسها أو حد يكون شغال في شركات التوزيع اللي هي زي شل و توتال و موبيل و إسو و وطنية .... إلخ ... صدقني انا شغال في شركة بترول بس ملناش اي علاقة بموضوع محطات البنزين .. احنا شركة لاستخراج الزيت الخام فقط ... بس صدقني لو كان في ايدي حاجة اقدمهالك مكنتش هتأخر

ألف شكر يابشا على الإهتمام .
وألف مليون شكر على التصحيح والفرق طبعاً واضح ومعلوم بس السرعة بئه وعدم التركيز .
وفعلاً أنا أقصد بشركات البترول الشركات صاحبة الحق في إنشاء المحطات أو الهيئة نفسها .
مرة أخرى شكراً للإهتمام .