كام واحد يا جماعة مقبل على شراء عربية و بيفكر فى الفورد فيستا الجديدة جديا ؟؟
عايزين نعرف بعض عشان ممكن نلم بعض و نروح نشترى ,, فيبقى فى تخفيض مثلا او عروض
و يارت اليقرأ الموضوع و مش ناوى يقولنا ايه رأيوا فى العربية
و شكرا
عرض للطباعة
كام واحد يا جماعة مقبل على شراء عربية و بيفكر فى الفورد فيستا الجديدة جديا ؟؟
عايزين نعرف بعض عشان ممكن نلم بعض و نروح نشترى ,, فيبقى فى تخفيض مثلا او عروض
و يارت اليقرأ الموضوع و مش ناوى يقولنا ايه رأيوا فى العربية
و شكرا
انا نفسى فيها اكيد عشان عندى فيستا 2000
بس للاسف سعرها يجيب mazda 3 automatic
لانى بحس انى مقدرش انفق اكثر من 80 الف فى عربية هاتش باك
يا جماعة مكتوب انهاردة فى جرنال اخبار اليوم ان الدفعة الاولى بتاعت الفيستا خلصت - و الكان قالوا حد من الاعضاء هنا قبل كدة - و انهم فتحوا باب الحجز للدفعة التانية و التالتة
هى بكام وفيه منها فئات ولا فئه واحده بس نازله
ولو فيه فئات ايه الفرق ما بينهم واسعارهم كام وشكرا ليكم
هو مش نازل منها غير فئتين فيهم نفس الاوبشنز و كل حاجة الفرق بينهم بس هو ان واحدة 5 باب و التانية 3 باب
ال5باب ب115
و ال3 باب ب117
و الاتنين اوتوماتيك ستيبترونيك
سيارة تحلفة طبعا و لكنها غالية جدا و خصوصا ان فورد ملهاش سوق جامد في مصر .
ما هو لو فكرى جروب بس ينزل فئات اقل شوية هتبقى فى رنج ال100 و كان هيبقى سعر ممتاز عليها
حلوة جدا بس تمنها مبالغ فيه جامد بصراحة وكمان 1400 سى سى
انا من وجهة نظرى التمن مش مبالغ فى ولا حاجة
العربية تقفيل المانى %100
شكل تحفة من برة و من جوة
و لو قارناها بالفابيا هتلاقى ان الفابيا الاوتوماتيك ب 121 انما دى ب 114
و بعدين هو سعرها مبالغ فى بالنسبة لايه ؟؟
مفيش عربيات فى السوق تنافسها غير الفابيا
و محدش يقولى جراند بونتو ,, الجراند بونتو ب108 و 77 حصان !!
انا هاحاول اعدي ابص عليها النهارده
اخبار حلوة يا جماعة ,,
كلمت توكيل فورد و قالولى هايعملوا تست درايف فى الاستاد الشهر الجاى و لسة هايعلنوا عنه ,,
و الدفعة التانية كمان خلصت و الهايحجز داوقتى هايستلم شهر 10
كمان اربع شهور يعني ؟؟؟؟؟
ايه الي حصل انت متاكدة من المعلومات ديه
طيب معلش ممكن تتعب تتصل بيهم و تسالهم عدد الدفعة كام عربية
علشان الي بيحصل ده مش طبيعي للفورد في مصر
انا كنت سالت عاى مونديو من فترة سالني على اللون الي اعوزة و قالي اه موجود لو فلوسك جاهزة تستلمها بكرة
كلمتهم انهاردة و قالى الدفعة مش بتكون عدد معين ,, و قالى ان هيكون فى تست درايف تانى فى مارينا الشهر الجاى
يا جماعة فى واحد اشترى الفيستا الى كانت فى المعرض الون اللصفر دة موجودة قصاد madera الكلية الحربية مصر الجديدة ما شاء اللة تحفة ربنا يباركلة فيها
يا جماعة خلونا بس نوضح نقطة مهمة ان تكنولوجيا الديوراتك اللي الموتور ده معمول بيها هيخلوك تفهم يعني ايه موتور 1400وبيديك الاداء ده و العزم ده
النقطة التانية قارن العربيات اللي معاها و بتنافسها زي الفيات الجراند بونتو و الفيات البرافو و الاسكودا الفابيا و الفولكس البولو و البيجو 207
والنقطة التالتة كلمني عن اسعار قطع الغيار و الصيانة
ومستعد للرد علي اي استفسار بخصوص العربية دي
روحت امبارح اتفرجت على الفيستا الجديدة العربية صالون اجمل من الفابيا طابلوه طبعا الفورد تكسح شكل خارجي تحفة تحفة تحفة ملهوش حل
الامكانيات و الكمليات اكتر نازلة كلها استيبترونيك الشكل رياضي مساحة العربية الفابيا تكسب السعر 120 الف اعتقد متناسب مع الفئة الرياضية للسيارة
الاخ بتاع المبيعات هناك رد على سؤالي الدفعة الاولى الي خلصت كانت 20 سيارة فقط عشرون سيارة لا غير يعني كانت لازم تخلص بدري و مفيش طبعا تيست درايف علشان مفيش اي عربية فاضية
يتعمل عليها الاختبار علشان تقفريبا مفيش عربيات بتيجي غير بالطلب اما بالنسبة للفوكاس التريند انتاجها مستمر بس طبعا مش هاتنزل غير على اخر السنة و ده طبيعي علشان متاثر على مبيعات الفيستا
والله انا عجباني جدآ ولاني عندي فورد كا وعرفت يعني ايه تبقي الفورد بس انا تعبت منها بسبب المطبات العاليه وخصوصآ وانا مسافر علي طريق مصر القناطر الباجور لذالك انا بافكر في نيسان ليفينيا علشان الارتفاع عن الارض والاتساع فقط وهي بنفس السعر مع تحياتي وشكرآ
يا رجل يعنى كان معاك فورد و عاوز تغير لنيسان تقفيل صينى , معقولة ........
على فكرة الكا الجديدة مختلفة خالص هى و الفيستا الجديدة , و تقريبا نفس ارتفاع النيسان عن الارض ..
بالنسبة للاتساع حتلاقى النسيان سقفها مرتفع اكتر شوية , صحيح دة حيديك براحة شوية فوق راسك , لكن كمان فى الطرق السريعة معناة مقاموة اكتر للهواء و صوت هواء مرتفع .
دة غير انها مش حتكون ثبتاة قوى على السرعات او فى المنحنيات ...
راجع نفسك تانى يا مان خصوصا انك جربت الفورد قبل كدة , حتتعب قوى مع الليفينيا دى
إن شاء الله هاحجز العربية دي خلال 3 شهور بحيث اني استلم في يناير عشان استفيد من التخفيض في الجمرك، بما اني مش مستعجل.
بس هي خلاص دخلت دماغي و حاليا بفكر في اللون. ويبقى تمام قوي لو الدفعات الجاية اقدر اعدل في العربية. صراحة الحساسات مهمة خصوصا ان الرؤية في العربية مش تمام قوي. و ياسلام لو جنوط 17 و بلوتوث.
انت ناوي امتى ان شاء الله؟
برضو استنى بولو 2010 تنزل. لو نازلة تيربو دي اس جي بسعر معقول يبقى بالامانة مفيش منافسة.
بس انا اصبح عندي اقتناع ان فولكس حرامية مستغلين و مش هاينزلو العربية دي بسعر معقول.
بس من ناحية الشكل الفييستا تكسب.
بالمناسبة انا عاجباني البابين اكتر. بس هاجيب ال 4 ابواب عشان تتباع بسهولة.
و اكتر لون عاجبني ده
http://i29.tinypic.com/w8t0k2.jpg
بس دي مش هاعرف ابيعها غير لبنت :shyy:
لسا عارف حاجة مش كويسة عن اللون ده. إن الخدشة فيه صعب تتصلح.
بيقولك فورد عشان بطلعو اللون ده اعدو يشعوذو اصلا، فا مش بيتصلح كده زي الدهان العادي.
اعتقد انك هاتلاقي رقم للون ده ممكن تسال عليه لو لقيتة يبقي عادي لو لا يبقي فكك منه خالص
و عموما الاحمر بتاعها مش حلو ده يهبل انا فضلت زانق واحد بيها ورايا على كبري اكتوبر من العباسية لحد منزل شبرا علشان اتفرج عليها و هيا ماشية بجد تحفة و التابلوه بتاعها حاجة كدة تروش متعرفش تبص على الطريق ولا على جمالة