ميكانيكى بيفهم

**waelsaleh** · 19-06-2009 11:38 AM

انا اتخانقت مع الميكانيكى اللى بتعامل معاه
لانه ميكانيكى خسرنى حوالى الف جنيه على الفاضى
انا معايا اونو2000 حصل عطل فى العربيه قالى دة الانجكشن هو اللى بايظ
وبعد عزاب فى الوكاله عشان اجيبه يقولى ده بايظ روح رجعه وهات واحد تانى
5 مرات اروح واجى الوكاله وفى الاخر طلع العيب مش فى الانجكشن خالص طلع العيب فى الكونترول يونت
ويا ريت على اد كده ده كمان حرق الموبينه وهو عمال يشتغل فيها
بالزمه ده يبقى اسمه ميكانيكى ايه.
يا ريت يا جماعه لو حد يعرف ميكانيكى يكون محترم وبيفهم فى الانجكشن
اهم حاجه يكون بيفهم ولو مش عارف العطل منين يقولى.
وكمان عفشجى كويس عشان عندى المساعدين اللى قدام عايزين يتغيروا.
انا ساكن فى فيصل يعنى ممكن فى فيصل او الهرم او شارع السودان او المهندسبن او امبابه(مكان شغلى) ماشى
او اى مكان بعيد بش يكون يستاهل المشوار
وشكرااا لكل الاعضاء.

**faron525** · 20-06-2009 09:45 PM

ممكن حضرتك تروح الحرفيين هتلاقي هناك ورش كثيرة وامكانيتها عالية بس هي بعيدة عن فيصل شوية لو تعرف مكانها فين قولي وانا هوصفلك الطريق.
وربنا يوفقك

**faron525** · 20-06-2009 09:47 PM

ممكن حضرتك تروح الحرفيين هتلاقي هناك ورش كثيرة وامكانيتها عالية بس هي بعيدة عن فيصل شوية لو عايز تعرف مكانها فين قولي وانا هوصفلك الطريق.
وربنا يوفقك

**ams** · 20-06-2009 10:08 PM

و ممكن كمان تقول اسمه و عنوانه عشان الناس متروحلوش

**waelsaleh** · 21-06-2009 04:02 PM

شكراا ا فارون على الرد
ايوا اعرف ان الحرفيين اخر الطريق الدائرى عند موقف العاشر بس عمرى ما رحتها قبل كده
هما الميكانيكيه اللى هناك بيصلحوا فيات بس ولا اى عربيه,ممكن حضرتك تقولى على الميكانيكى اللى تعرفه هناك
ويا ريت لو يبقى فى ميكانيكى قريب عشان لو حاجه صغيره يعنى
انما لو حاجه كبيره ممكن الواحد يروح الحرفيين
وشكرااا ليك

**lord23** · 22-06-2009 03:57 PM

الحرفيين هو مدينة متكاملة لصيانة السيارات بجميع انواعها من اول الماروتي لحد المرسيدس سي كلاس
العيب الوحيد هناك هو ارتفاع تمن المصنعيات بس بصراحة الشغل هناك تمام -بالنسبة لمراكز الخدمة والورش المعروفة-

**abdelmessih67** · 22-06-2009 04:08 PM

أهلا يالاخ وائل صالح

عندك توكيل فيات ( البرقان ) في نهاية شارع العريش مع فيصل و أمامه يوسف بتاع اكسسوار و قطع غيار الفيات و التوكيل عنده قطع غيار أصلية للأونو و لو عايز أعرف ميكانيكي كويس لشغل العفشة في أول شارع يمين بعد يوسف و أنت جاي من الجيزة لكن خبرته ايه في الانجكشن الحقيقة ما أعرفش

**abdouz** · 23-06-2009 12:32 PM

اخى الكريم معليش ربنا يعوض عليك وانا عارف احساسك دة علشان حصل معايا نفس الموقف وكانت عمرة وبعد العمرة باسبوع الموتور حصل فيه مشاكل تانى واتضح انة ميكانيكى حمار ونصاب وحسبنى على قطع متركبتش المهم دلوقتى بتعامل مع مركز محترم عملى العمرة تانى والعربية الحمد لله تمام (مركز سراج موتورز محطه الوفاء والامل بين فيصل والهرم- الحاج حسن سراج) بس مش عارف شغال فى الانجكشن ولا ايه