بتخاف من الحسد في عربيتك ؟

**MoToRiZeR** · 19-06-2009 06:21 PM

انا عارف إن الحسد مذكور في القرأن طبعاَ و شئ معروف
إنما فيه ناس كدة معروف إن عنيهم حلوة أوي ! هل فيه مواقف معينة حصلت معاك ؟
يوم مثلاَ كنت غاسل العربية و مخليها فلة واحد قالك إيه الجمال ده اللهم صلي عالنبي
رحت حاكك في قالب طوب .. حاجات من دي

انا أعرف ناس مبتحبش تغسل عربياتها بسبب الموضوع ده !
و علي طول مغطياها .

و لي واحد صاحبي فيه واحدة ست فاتحة كشك قدامهم لو شافت العربية و حس إنها بحلقتله بيقوم راكن و لاغي كل حاجة و طالع قاعد في البيت .

**DR_EMAD** · 19-06-2009 07:18 PM

أنا طبعا مصدق ومؤمن بالحسد تماما

لكن .. مش بيوقفنى .. ولو حصل لى أى حاجة .. (وده أكيد أنه حصل لى حاجات كتير) .. بقول الحمد لله على كل شئ

فى مرة .. فى السيارة السابقة .. قبل ما أشترى الجين تو

كنت لسه مركب فرش جلد .. والكراسى كانت مريحة وعالية .. وشكلها تحفة

وواحد زميلى ركب معايا .. وقالى .. حلوة أوى الكراسى دى .. والفرش ده .. عالية وحلوة

والله .. أول ما خلص جملته .. لقيت ضهر الكرسى بتاعى اتكسر ورايا .. ورجع للخلف

واضطريت أنى أثبته أى حاجة .. علشان أعرف أسوق

وقلت الحمد لله ..

**magyver** · 19-06-2009 08:11 PM

ياااااة
دة انا موعود بالحاجات ة مش عارف لية
كلم اما اعمل حااجة جديدة في العربية تتخبط يحصلها حااجة
في الموتور وبتبقي العربية واقفة بس الحمد الله
علي كل شئ

**فادى محمد** · 19-06-2009 08:19 PM

اول مااشتريت عربيتي دبحت خروف بنيه ان ربنا يحفظني ومايخسرنيش فيها والحمد لله لغايه النهارده بشوف العنين اللي مستخسره نعمه ربنا علي الواحد بشوف البصه بتضرب وترد تاني من غير شر -ربنا سبحانه وتعالي قال بسم الله الرحمن الرحيم (من توكل علي الله فهو حسبه )انما انا ماانكرش ان الحسد موجود ولكنه ما يصيبش المؤمن القوي اللي عارف حق ربنا و مؤديه .

**A.Saad** · 19-06-2009 08:22 PM

اه انا بأومن بيه جدا

**Hondawy_2008** · 19-06-2009 08:34 PM

طبعا السيفيك الجديدة طوب الأرض بيحسدها وكل ملاكها عارفين كده طبعا..............
مرة كانت العربية مغسولة فلة ولسة بركن عند الشغل لاقيت واحد في الشغل نزل عليا زي البراشوت وقالي أطلع كده بيها فتكسفت وطلعت بيها شوية راح قايلي آه تستاهل المهم ركنت وطلعت مفيش ساعة لقيت الواد بتاع الأمن بيقولي الحق عربيتك كسروا قزازها وفتحوا الشنطة وسرقوها طبعا ساعتها ربنا كان يعلم بحالي منه لله اللي حسدها ربنا ينتقم منه

**Hondawy_2008** · 19-06-2009 09:05 PM

المشاركة الأصلية كتبت بواسطة kloda

انا و احد من الي في المحلات تحت البيت اول ماجيبت العربية و كنت نازل بعين زرقا كبيرة اعلقها في المراية هو شافني من هنا و انا بفتح العربية و العين و قعت اجابت نصين المهم نص اتكسر و نص فضل متعلق في السلسلة لسة بمد رجلي و حركب النص تاني وقع ادشدش المهم ركبت و شغلت قرأن و انا و الحاجة فيها كنت بخدها لفة كدة اول ما رجعت و الله كان واقف بيبص عليا لحد ما حكيت فيالعربية الي قدامي و الاكصدام اجرح طبعا ماستحملتش و نزلت شتمتة و انا ببصلة راح مدور وشة
ماحدش في العمارة بيطيقوا لانة بخيل جدا
لا و جاري بقة كان مسافر في شغل السعودية قالو اة حنرجع نغير بقة و نجيب الحتة العيون (قصدوا المرسيدس)
و الله تاني يوم الساعة 6 الصبح كان سور العيادة واقع علي عربيتة و علي 5 عربيات كمان و الراجل والله اول مرة يركن في المكان دة
حسبي الله و نعم الوكيل

يا نهار أبيض ده شرارة بقى..........ده لازم تقرا ادامه القرآن كله ههههههههههه

**M.Osman** · 19-06-2009 09:05 PM

اكيد الواحد بيقلق من الحسد ... بالذات من الناس اللي ملهاش شغلانة غير القعدة في الشارع .. بس طبعاً مش لدرجة اني اغير خطط اليوم و اسيب العربية مش نظيفة ( هي ممكن تفضل مش نظيفة غصب عني .. لأني بصراحة مش فاضي ليها )

بخصوص السيفيك.. :d
اه طبعاً هي عربية روعة ماشاء الله و بحبها مووت و أنا لما بشوف حد راكب سيفيك ( او اي عربية تانية بحبها ) بقول بسم الله ماشاء الله.. ربنا يبارك له و يدينا ..( أكيد يعني برضه تعب عشان يجيبها .. )
تحياتي ... و ربنا يبارك للجميع