شكرا للإفادة يا باشا
عرض للطباعة
شكرا للإفادة يا باشا
فين سمير عياد حرمنا من دخلته علينا ليه
اقتباس:
وكنت عايز أعرف ايه فايدة المشت دة
- المشط فى دواير الأشعال الألكترونى وظيفته تقطيع الفولت بتاع البطاريه الى نبضات صغيره ......لكى تتمكن البوبينا من تحويل الفولت الصغير بتاع البطاريه (12 فولت ) الى قيم عاليه جدا من الفولت بتتراوح من 20 الى 30 ألف فولت......_ وزى ما أخونا أحمد علاوى علق على جزئية البوبينا ......ففعلا البوبينا بتعتبر محول رفع كهربى لرفع الفولت من قيم صغيره (12 فولت ) الى آلاف الفولاتات لكى تتمكن من عبور ثغرة أو جاب البوجيه لكى يتم أحداث شراره قويه وكافيه لأحتراق مخلوط الهواء والبنزين فى غرف الحريق ........_ وزى ماهو معروف فى هندسة الكهرباء لكى يتم رفع الفولت من قيم صغيره الى قيم كبيره فى المحولات الكهربيه ( زى البوبينا ) لازم الفولت يكون متغير القيمه ( بيسموه منحنى جيبى ) يعنى الفولت والتيار مش ماشيين مع بعضهم فى نفس الأتجاه .......ودى أساس التيار المتغير ..............- وطبعا فى حالة السياره .....ففولت البطاريه والتيار ماشيين مع بعض فى نفس الأتجاه .....لأنه تيار ثابت dc current وبالتالى يلزم وسيله لتقطيع الفولت بتاع البطاريه وتحويله الى مايشبه الفولت المتغير .....علشان البوبينا تشتغل ............هو ده دور المشط الألكترونى ..........._ عاوز برضه أأقول .....أن دور المشط فى الأسبراتير الألكترونى .....هو نفسه دور الأبلاتين والمكثف فى الأسبراتير الميكانيكى العادى بتاع زمان..............وزى ما الأبلاتين كان بيقطع الفولت للبوبينا ......فنفس الوضع بتاع المشط ولكن بطريقه ألكترونيه ............
لا ......لأن ده مرتبط بوحدة التحكم ............وكده الكنترول كله حيعوز فيلم كبير ........دا غير أن كنترول الفكترا بيحتوى على حساسات مختلفه عن كنترول النوبيرا ( زى الماف عندك ........بيقابله الماب عندنا ) .......يعنى قصه كبيره جدا .............محتاجه تغيير مكنة الفكترا بالكنترول ....بمكنة نوبيرا بالكنترول ................يعنى يادوب حتحتفظ بجسم العربيه بس ..............
المشط دة مسئول عن تشغيل الدايرة الالكترونية بتاعت العربية و دة اكيد عمرك ماغيرته قبل كدة.....كان حصل معايا نفس العيب دة فى العربية القديمة ومجرد ماغيرته كل حاجة بقت تمام
دواير إلكترونية معمولة من حفنة من الرمل بتقوم الدنيا و ما بتقعدهاش
بس شكرا للمشاركات الجامدة دى