عرض للطباعة
سؤال يمكن يكون غريب ...
بس بجد حال البلد و المجانين اللي على الطرق ميطمنش ان الواحد يخلي اخته تسوق في البلد دي.
ايوا عارف من حقها انها تسوق العربية زيها زي زميلاتها في الكلية ( و زيي أنا كمان ) بس بصراحة انا قلقان عليها .
الغريب ان الوالد و الوالدة موافقين ان اختي تسوق بشرط متكونش لوحدها ( تكون والدتي معاها او حد من اصدقائها .,.. ) لكن انا رافض خوفاً عليها .. مع العلم ان الطريق من منزلي للكلية عبارة عن طريق سريع (حوالي 20 كم)
اية رأيكم ؟؟؟
في الانحلال الاخلاقي اللي بيحصل دلوقتي ده
لا يمكن
سلمها لله
وربنا يحفظها
السواقه ارحم بكتير من بهدله المواصلات
لو عربية جديدة عودها تقفل ازازها وتشغل التكييف وملهاش دعوة بأى حاجة بره
والعربية اكرملها من ارف المواصلات
طب ولو وقفت فى الشمس ساعة عشان تستنى تاكسى واللى رايح واللى جاى بيعاكس وبعدين لما تركب التاكسى الله اعلم سواق التاكس محترم ولا مبرشم ولا شاربلو سيجارة بنى ولا حرامى
انهى احسن
انا فعليا سامح لأختى تسوق لأن ده ارحم ميت مره من الارف و البهدله و المعاكسات فى المواصلات هى المشكله اللى بتقابلها ان ساعات بعض الشباب اللطيف بيحاولوا يرخموا عليها و هى سايقه بس انا الحمدلله معلمها تتعامل مع المواقف ديه ازاى و فى الاخر و فى الاول ربك هو اللى بيسترها بس صدقنى العربيه ارحم كتييييييييييييييييييييييي يييييييييييير من اللى ممكن تشوفه فى المواصلات
+111111اقتباس:
المشاركة الأصلية كتبت بواسطة kodak_gti
العربية حتى لو كانت سيات ارحم كتيير اوى من بهدلة الموصلات حتى لو كانت تاكسى
لازم تسوق ...
أحسن ما تتعامل مع العالم الخارجى ..
انا اختى اكبر منى بسنه و مطلعه رخصه و بتسوق
ودلوقتى بعلم اختى الصغيره السواقه
مع انى مقتنع تماما ان 5%فقط من السيدات هما اللى عندهم قدرات تؤهلهم انهم يسوقوا الا ان السواقه ارحم من قله الادب والانحلا اللى فى الشارع كفايه ان محدش هيبقى قاعد جمبها على كرسى دى عندى بلدنيا و تروح و ترجع باذن الله فى امان
هي فعلاَ المشكلة إن تقريباَ مفيش بدائل .. و أنصاف البدائل مشاكلها أكتر من مزاياها زي ما قال باقي الأعضاء .. معاكسة و بهدلة و قرف .
انا لي زميلات في الجامعة فعلاَ مش بيتعاملوا مع العالم خالص .. يعني حتي اما ينروح نشتري حاجة من مول ولا حاجة انا و زمايلي الولاد بنركن برة هم بيركنوا في الباركنج بتوع المول و ممكن يدفعوا 25 جنيه باركنج في اليوم ولا يتعاملوا مع سايس أو واحد بيستظرف عليهم في الطريق من و إلي العربية في الشارع .
الله يسامح اللي خلا مجتمعنا لا يطاق .
طبعا السواقة ارحم بكتيير من المواصلات بس بلاش تمشي على الطريق بالليل وياريت تكون العربية كويسة ومن غير اعطال وربنا يسلمها
اتفق معاك تماما ........ انت قلت اللي فيها ..... اهم حاجة عدم القيادة في الليل و التأكد من صلاحية السيارة .. و الباقي على ربنااقتباس:
المشاركة الأصلية كتبت بواسطة amrico
هو بقا مين طيب دلوقتي ؟؟؟؟ ....... سلمها لله .... هو خير حافظ
هتعمل ايه طيب مع العالم الظريفه عشان نفيد اخواتنا البنات ؟اقتباس:
المشاركة الأصلية كتبت بواسطة theking2690
هما الشباب ديه بتعتمد على ان البنات اللى سايقين بيبقوا خايفين فبيرخموا عليهم فى السواقه و يزنقوا عليهم فده اللى اخلانى اراعى وانا بعلم اختى السواقه انى اعلمها تسلك من اى حد يرخم عليها و هى سايقه و تخلى عندها ثقه فى نفسها متخفش من اى حاجه و الموضوع ده الحمدلله خلصها من شباب كتير رخمه و كانوا بيحاولا يضايقوها و هى سايقه هو انا مش هقولك ان الموضوع ده ناجح بنسبة 100% و لكن على الاقل خلصها شويه من رخامة الناس يعنى اهم حاجه لازم تراعيها وانت بتعلم اختك السواقه انك تعزز ثقتها فى نفسها جامد علشان ممتلبخش من اى حاجه و تعرف تتصرف قصاد اى موقف و نصيحه متوديش اختك تتعلم فى مدرسة سواقه علمها انت بنفسك احسن من ميت مدرسهاقتباس:
المشاركة الأصلية كتبت بواسطة haitham10
متشكر ليكوا اوي يا شباب على آرائكم الغالية
كدا أنا هتفق مع الوالد و الوالدة (مع ان كدا كدا كلامهم هو اللي كان هيمشي)... إن شاء الله هعلم اختي السواقة بنفسي و إنشاء الله ربنا يسترها
و حسبي الله و نعم الوكيل في المجتمع الذي اصبح لا يطاق
شكرا ياكنج علي الافادة وشكرا لصاحب الموضوع علي طرحه وربنا يسترها علينااقتباس:
المشاركة الأصلية كتبت بواسطة theking2690
الحافظ هو ربنا و لو الانسان استسلم للخوف مش هيعمل حاجة فى حياته..... ادوها الثقة و الجرأة تقابل المواقف و تتعلم و تكتسب خبرة بالحياة و الناس وفكرة ان حد يكون معاها دى ممتازة و هتطمنكوا الى حد كبير.....