هي العربية مبتسحبش ولا العيب مني

**aly_hosny** · 19-06-2009 09:01 PM

طبعا بعد موضوع الاكسنت القديمة
والاخوة قالولي احرق على الماتور
رغم ان محدش قالي اجيب ال rpm لكام الا اني اتطوعت واقترحت على نفسي اجيبه لغاية 5000
بس انا معظم مشاويري داخل المدينة ف كان اخري احرق على التالت بالعافية
المهم بعد كذا اسبوع وجه الواد بتاع الاكسنت من ورايا بس انا المرة دي حلفت ما هو معديني
ومعرفش بفضل النصيحة وشوية حاجات كنت بعملها غلط
المهم فرحت
فجيت بقى مع واحد صحبي تاني معاه كورولا قديمة 2004 تقريبا
والموتور طلعان عين ال جابوه والعربية عاملة 3000 حادثة
المهم هو ماشي قدامي وانا عايز اعديه وهو بيقفل
مرة واحدة لاقيته في اخر الشارع وانا لسه بقول يا هادي وال عربية لسه بتبدا تسحب
ف يا ترى العيب فين ؟؟؟؟؟؟

**acs** · 20-06-2009 01:07 AM

مشكلة اللانوس طلعتها ضعيفه
العربية بتسحب فى اخر الغيار التانى وبداية التالت
حصل معاية موقف مشابه بس مع عربيه بيجو 504 وكنت مركب 5 افراد معاية عده منى فى الاول وبعد الغيار التالت جبته وعديه فى الرابع

**omar1978** · 20-06-2009 01:21 AM

يا جماعة لو سمحتوا هو الطبيعى ان الغيار الثانى اخره كم كيلو والثالث اخره كم كيلو علشان نعرف عربياتنا بتسحب ولا لأ؟؟؟؟

**domty78** · 20-06-2009 02:07 AM

انا بشد علي الغيار التاني لحد 60 بس الميكانيكي بتاعي قالي الكلام دة لوحدك يعني مفيش حمل ولا تكييف والتالت لحد 100 او 110بس للمحافظة عليها 90 والrpm ميعديش 5000 حرصا علي العربية والكلام دة بعملة في الطرق السريعة فقط عشان افوق العربية من كل حين لاخر جوليتاوي

**heshamtaher** · 20-06-2009 03:23 AM

المشاركة الأصلية كتبت بواسطة domty78

انا بشد علي الغيار التاني لحد 60 بس الميكانيكي بتاعي قالي الكلام دة لوحدك يعني مفيش حمل ولا تكييف والتالت لحد 100 او 110بس للمحافظة عليها 90 والrpm ميعديش 5000 حرصا علي العربية والكلام دة بعملة في الطرق السريعة فقط عشان [gdwl]افوق العربية من كل حين لاخر [/gdwl]جوليتاوي

ممكن توضح لى الكلام دة أكتر شويه لو سمحت

**MMamdouh** · 20-06-2009 04:05 PM

المشاركة الأصلية كتبت بواسطة acs

مشكلة اللانوس طلعتها ضعيفه
العربية بتسحب فى اخر الغيار التانى وبداية التالت
حصل معاية موقف مشابه بس مع عربيه بيجو 504 وكنت مركب 5 افراد معاية عده منى فى الاول وبعد الغيار التالت جبته وعديه فى الرابع

الدايو نقلاتة طويلة بالتالى لازم تصبر على الخيار لحد ما الRPM يرتفع عشان السحب يبقى قوى

MMamdouh

**MMamdouh** · 20-06-2009 04:06 PM

المشاركة الأصلية كتبت بواسطة omar1978

يا جماعة لو سمحتوا هو الطبيعى ان الغيار الثانى اخره كم كيلو والثالث اخره كم كيلو علشان نعرف عربياتنا بتسحب ولا لأ؟؟؟؟

التانى اخرة 80 و اتالت 130

MMamdouh

**MMamdouh** · 20-06-2009 11:55 PM

الموضوع يعتمد انت عايز ايه؟؟

عايز اداء اقتصادى و توفير بنزين؟؟؟ يبقى دايما تخللى لفات الموتور بين 2000 و 3000 لفة و تجنب التسارع المفاجىء و حاول تكون سرعتك ثابتة قدر الامكان و كمان حاول متزودش عن 90 كيلو فى الساعة

عايز اداء رياضى و المكنة تطلع اقصى قدرة ليها يبقى تنقل للنقلة الاعلى عند 6500 RPM

MMamdouh