متسبش عربيتك لحد غيرك يسوقها

**omar1978** · 19-06-2009 09:13 PM

السلام عليكم يا ساده
امبارح كنت بعمل تظبيطات بسيطه فى انوار العربيه فالكهربائى احتاج يجيب حاجه وخد العربية وانا عديت عليه بعد نص ساعة اخدتها لقيتها مبرجله وتقيله فى السحب ودواسة البنزين تحت رجلى مش مريحانى فهل ده نتيجه لاختلاف السائق مع العلم ان الكهربائى ما شاء الله يفصل منى خمسة بدون مبالغة
والحل ايه؟؟ نفسى ترجع زى ما كانت؟؟؟؟؟
وجزاكم الله خيرا

**kiroo** · 19-06-2009 09:32 PM

مش عارف بس هى لمبة التشك انجن منورة ؟؟؟

**omar1978** · 19-06-2009 10:17 PM

لأ اللمبه مش منوره ولا حاجه بس العربيه بجد بقت مش فى طبيعتها

**ahmedhilmy** · 19-06-2009 11:00 PM

و الله عندك حق رجل عن رجل بتفرق انا شخصيا نادر لما بسيب عربيتي لحد و ببقي في قمة القلق

**merosss** · 19-06-2009 11:48 PM

هو طبعا يفضل انك متسبش عربيتك لحد لكن مدام انت متاكد انة ملعبش فى حاجة فى العربية يبقى دة ممكن نتيجة تغير وضع الكرسى بجد ان لو حد غير وضع الكرسى بتاعى بحس ان انا مضايق ومش عارف اسوق وممكن العربية تفصل ومبعرفش ارجع الكرسى ذى الاول

**E30power** · 20-06-2009 04:01 AM

يا جماعة الميكانيكية بيفتروااااااااااااااا على العربيات موووووت ودية شفتها بعينى
ركبت جمب ميكنيكى فى عربية زبون علشان كنا بنجيب حاجة للعربية انا بصراحة صعبت عليا عربيتة من الى كان بيعملوا فيها مطبات ويخش فى اى حتة بقلب جامد ولا كائنها jeep ومفيش ومشيهم كلة قرص على العربية بغباااااااء لدرجة انها فصلت على التانى......
عربيتك مش هيصونها غيرك

**zocor742** · 20-06-2009 05:08 AM

فعلا الميكانيكية فى منهم بيفترى على عربيات الزباين بتعتة لو خدها راح بيها حتة
بس على مواصفات الراجل الكهربائى دة اكيد الدواسة هتريح
مش اى حد يسوق عربيتك لازم تبقى عارف مين الى بيسوق واية تعاملة مع اى عربية اى كانت بيصونها ولا بيفترى عاليها
وطالما مش واثق فى الصنايعى الى هتسيب عندة العربية يبقى تقف على ايدة لحد مايخلص وتاخد عربيتك وتتكل على الله
انا الميكانيكى بتاعى بسيبلة العربية واروح ولو عندى مشوار اخلصة وارجع ممكن ملقيش العربية اتحركت من مكانها الى للضرورة القسوة حتى لو هيجرب فيها الشغل على الطريق لازم يستنانى لحد ما ابقى معاة

**Hondawy_2008** · 20-06-2009 05:16 AM

مفيش حد في الشعب ده بيحافظ على حاجة حد "شعب همجي و لزج" خدها حكمة كفاية المسامير و المفاتيح اللي كل يوم ألاقيها محفرة في العربية آخرها انهارده حفرة في الباب اللي ورايا بغل بجد كنت متنكد طول اليوم أكيد اللي بيعملوا كده عيال ولاد حرااااااااام ربنا ينتقم منهم

**M.ABDEEN** · 20-06-2009 07:09 AM

المشاركة الأصلية كتبت بواسطة Hondawy_2008

مفيش حد في الشعب ده بيحافظ على حاجة حد "شعب همجي و لزج" خدها حكمة كفاية المسامير و المفاتيح اللي كل يوم ألاقيها محفرة في العربية آخرها انهارده حفرة في الباب اللي ورايا بغل بجد كنت متنكد طول اليوم أكيد اللي بيعملوا كده عيال ولاد حرااااااااام ربنا ينتقم منهم

حفرة !!!!!!!!! دي فعلا قلة ادب ويمكن كانوا بيحفروا للتنقييب على بترول في عربيتك ........بجد مشكلة كبيرة ومستفزة ويا سلام كمان ممكن تكون قافل المرايات الجانبية في شارع مزدحم وتلاقي شوية عيال عماليين يفتحوها ويظبتوا شعورهم اللييف اللي كلها كريم جيل او فرد ويتخانقوا على مين يظبط الاول وتلاقي المرايا بعدها مكسورة ......بجد حاجة بقت مقرفة