الموضوع: الى السيد المهندس المحترم سمير عياد و السيد الاستاذ المحترم محمد ممدوح

المشاركة الأصلية كتبت بواسطة freeefair

فى فكره جاتلى عشان تعميق الروابط بين الاعضاء
وبين العربيات ........ سبب الفكره ان انا معلوماتى عن
قطع الغيار المكونه للعربيات ضحله شو يتين
بمعنى انى لما بفتح كبوت العربيه ما بقدرش اتعرف على كل المكونات الداخليه اللى موجوده جوا
( يعنى بالعافيه كده عارف البطاريه و الريداتير و بالطبع فى زملاء زييى )
ففكرت فى الاتى اننا نتعب اخوانا الخبراء معانا شويه
ويعملولنا موضوع مدعم بالصور طبعا و الصور ديه يكون عليها اسهم بتوضح اسم كل حاجه موجوده تحت غطا الكبوت او اجزاء العفشه
بما فى ذلك السيور والبكر و الاسلاك ( كل حاجه )
انا طبعا عارف انى بطلب طلب مزعج
بس انا طلبت ده لانى عارف ان اصحاب المعلومه فى المنتدى
ما بيبخلوش بيها وده اللى شجعنى على طرح الموضوع
وكمان اظن ان فى ناس كتير جدا هتستفيد من الموضوع ده
وكمان هيكون مرجع للانوس
وطبعا الكل ممكن يدلو بدلوه
انا ذكرت المهندس سمير والاستاذ ممدوح يمكن لانهم الاكتر فى المشاركات و التعاطى( حلوه التعاطى ديه ) مع الموضوعات المطروحه فى منتدانا العظيم
وتقبلو جميعا تحياتى

لكن المواضيع المصورة لم تغطي كل ما هو أسفل الكبوت
لذلك أنا مع الفكرة و أكيد هستفيد منها و هيستفيد منها الكثيريين

استاذ ممدوح الموضوعات المثبته فيها بعض الصور للاجزاء كل على حده
احنا عايزين نشوف الكلام ده وهو راكب فى مكانه فى العربيه عشان الموضوع يبقى واقعى وعلى الطبيعه

طيب أيه رأيكم لو الخبيرين الكبيرين (محمد ممدوح - سمير عياد) يحضروا مقابلة المنتدي القادمة و العربيات (لانوس - نوبيرا) سوف تكون متاحة و بوفرة للشرح العملي , أيه رأيكم ؟؟