السلام عليكم على الجميع .
النقاش الهادف و الحق لا يزعج أحد غير المكابرين للحقيقة أو الحق .
و أنا مش زعلان خالص من أي نقاش ...... و مش مهم مين صح و مين غلط ...... أهم شئ بعد النقاش نوصل للحقيقة و نوصل للحق و الصح .
تعالوا يا جماعة بدون الدخول في حوارات كثيرة و تفاصيل ليس لها أي لزوم .
لو الرخصة بتاعة البرنامج التعليمي بتقول أنه مجاني .......يبقى أسخدامه حلال .
لو الرخصة بتقول أن مش مجاني و يجب دفع مبلغ من المال مقابل الأستخدام يبقى مش حلال .
و مبرر أرتفاع سعر سلعة ......... لا يجعل ذلك حلالاُ .
يعني سعر نسخة الويندوز كذا ..... و الألعاب كذا ...... و نسخة الأوفيس كذا ....
و بما أني مش معايا " كذا " هل ده يديني الحق أني أستخدم النسخة بغير رضا صاحبها اللي تعب فيها و سهر الليالي و أستثمر فلوسه ووقته و مجهودة علشان يفتح شركة تجارية و بغرض البيع و ليس التوزيع المجاني ......
نفس المنطق
لو أنا عايز أشتري لعبة لأبني و مش معايا فلوس
هل ده يديني الحق أني أسرق لعبة علشان يلعب ؟؟؟؟؟؟؟؟
اللي معاه يلعب ...... يروح يشتري و يلعب
و اللي مش معاه ........ يلعب الألعاب المجانية أو ما يلعبش أو يستمر زي ما هو عايز بدون تحليل الوضع الغلط . و يتحمل تبعات ذلك .
المجاني موجود ........ لينوكس و أوبن أوفيس و ألعاب مجانية
و اللي بفلوس موجود .....ز ويندوز و ميكروسوفت أوفيس و الألعاب اللي بفلوس .
معيش فلوس ........ أخش على المجاني .
معايا فلوس و مصمم أستخدم اللي بفلوس يبقى أدفع حقه .
بمناسبة الرخصة ...... هل و أنت بترضى بالرخصة و تدوس accept
بتكون عارف انها فيها شروط تمنعك من أستخدام النسخة إلا على جهاز واحد فقط ؟؟
و بتقول أيضا أنه ممنوع النسخ الغير مشروع ؟؟؟؟
على هذا الأساس أنت وافقت على العقد ....... و لكن أنت بتخالف العقد ده لو ما نفذتش البنود اللي فيه ...... و بعض البنود تلزمك بأشياء كأحترام فكر المبرمج و عمله و عدم قرصنته و النسخ غير المشروع .
و في النهاية تخيل نفسك أنت الشركة المنتجة و علشان الناس مش معاها فلوس بتروح تنسخ البرنامج بتاعك ......
صدقني ....... مش هاتستمر و شركتك هاتفلس ....... و أيضا هاتكون الناس اللي نسخت و قرصنت البرنامج بتاعك ...... سرقت مجهودك و بتستخدمه ببلاش ...
فحط نفسك مكان المنتج ......... مش المستخدم . وقولي رأيك .
المفضلات