عرض للطباعة
ياجماعة..فى مواضيع اتكتبت على موضوع سحب العربيات الدايو...انا من الناس اللى ملاحظ ان العربية مخنوقة فى الموتور...
رحت الرحاب حوالى الساعة 9 بليل وطلعت طريق السوييس ومعايا 3 افراد...العربية حاسس انها تقيلة جدا وبتجيب 120 بالعافية..هيا طبعا لو قرصت هتجيب بس ببطىء...وشديد كمان...
العربية مفهاش عيوب..يعنى الصيانات فى ميعادها وخلافة وتقريبا عامل 13 اللف كيلو...البنزين 92...ياترا فين الفكرة...العيب من العربية ولا منى ولا منين...
اسف للاطاله دى..
على فكرة انا بردو كنت على الدولى ورايح العجمى العربية تمام فى السحب لحد 130 وبعدين السحب بيبتدى يضعف
وكان فى حاجة احس ان العربية بتقطع بسيط او لو قرصت افتكر الى عندى دة فلتر البنزين عشان بقالى فترة مغيرتهوش
بس دة كان فى حالة انى بجيب اخر دواسة البنزين
كل الدايو بتبقى في الحر ضعيفة .......
انت لينت العربية ازاى لما كانت زيرو؟
MMamdouh
عادى يااستاذ ممدوح...اقتباس:
المشاركة الأصلية كتبت بواسطة mmamdouh
مكنتش بقرص ولا كنت بنقل بدرى...يعنى اوقات كنت بنقل 3 ..واوقات 4 ...وكنت بسافر على سرعة 100 مش بعديها...بعد كدة بالتدريج 120 140...مرة جبت 195 ...التليين كويس على ما اعتقد...بس عندى العلبة الامامية بايظة...يمكن تكون دى عاملة قلق.؟
ممكن تكون العلبة كاتنة العربية
خللى بالك كمان ان الجو لما يكون حر و فيه نسبة رطوبة اى عربية حتبقى مكتومة
MMamdouh
معلش سؤال:
هى العلبة الاولى دى وظيفتها اية...وهل هيا علبة البيئة ولا...
- فى أنظمة التحكم الألكترونى الحديثه بتستخدم علبة البيئه three-way catalytic converter
للأسباب التاليه1- التحكم فى أنبعاث الهيدروكربونات وأول أكسيد الكربون وأكاسيد النيتروجين الخارجه مع عادم المحرك للجو الخارجى بهدف الحفاظ على نظافة الجو الخارجى وجعله صحى وغير ضار بصحة الأنسان ....2- محفز العادم (علبة البيئه بيحتوى داخله على نوع من الفحم النباتى ..كماده محفزه كيميائيا لأحداث تفاعل كيميائى )بهدف أحداث تفاعل كيميائى بين الأشياء الضاره السابق ذكرها ...........
.......
3- هذا التفاعل الكيميائى يؤدى الى تحول الهيدروكربونات وأول أكسيد الكربون كمكونين من مكونات العادم الى بخار ماء غير ضار وثانى أكسيد الكربون ...........4- أيضا بتحدث عملية تحفيز أخرى لأحداث تفاعل كيميائى آخر من أجل تحويل أكاسيد النيتروجين الخارجه مع العادم الى غاز النيتروجين العادى الموجود أساسا فى الجو الخارجى ....
انت قصدك على اول علبة شكمان ولا اول علبة فى الشكمان؟؟اقتباس:
المشاركة الأصلية كتبت بواسطة Ahmed20_08nubira
اول علبة خالص حتقابلك بعد الفرن هى علبة البيئة و دى شغلتها معالجة غازات العادم عشان تلوث البيئة زى ما شرح المهندس سمير
يجي بعد علبة البيئة علبتين شكمان شغلتهم كتم صوت العادم عشان العربية مبتقاش مزعجة وانت سايقها
MMamdouh
اولا 9 بالليل ده الجو مبيبقاش حر اليومين دولاقتباس:
المشاركة الأصلية كتبت بواسطة ahmed20_08nubira
طريق السويس وانت رايح علي السويس بيبقي منحدر شوية لاعلي يعني مطلع ووبيبقي مقاومة الهواء عالية جدااااااااااااااااااااااا
لكن وانت نازل علي الماظة بيكون العكس فيمكن ده اللي حسسك ان العربية ضعيفة (العكس صحيح بس بردو الهواء شديد بيزق جنب من الجوانب فبردو فيه مقاومة بس اقل)
ده غير ان طريق السويس بعد ما تعدي الكوبري الجديد وانت رايح السويس بيبقي يمينك وشمالك مفتوحين يعني هو مفيش مساكن والهواء بيكون شديد جدا لدرجة انك لو راكب لوحدك هتحس ان الهواء بيزق العربية عادة ناحية اليمين
جرب علي طريق مفيهوش المقاومة العالية دي من الهواء وقولنا
انا فى اسكندريه مش حاسس بالموضوع ده، بس انا مش بشغل التكييف وانا ماشي غير نادرا ... والحمد لله هي معقوله جدا ... بس لو شديت مع حد شديد شويه بتبان خنقتها طبعا وتسيبه يجري :shyy:
العربية مفيهاش مشاكل فى الصيف بس انا مجربتش سرعات فوق ال 120 والكلام ده فمحستش اذا كانت بتفرق ولا لا
انا لاحظت كدة فى النوبيرا و الانوس
صوت المتور مزعج كمان
اى عربية حتتخنق فى الصيف لان كثافة الهوا بتقل مع الحرارة و بالتالى كمية الاكسجين اللى بيسحبها الموتور بتقل
MMamdouh
دا غير تكون ظاهرة غمامة البخار بتاع البنزين vapour lock اللى بتزداد فى الأجواء الحاره ..........مما يعنى أخفاق فى كفاءة سريان البنزين فى دورة البنزين ............وبالتالى تأثر عملية السحب برضه
شكرا يا باش مهندس سمير ويا استاذ محمد علي التوضيح بس لو ينفع تعرضوا صورة كاملة للشكمان من اول الفرن لاخر العربية وموضح عليها اسم كل شئ تبقي حاجة فخمة اوي وانا متشكر جدا لانكم مرجع لينا في العربية جوليتاوي