الموضوع: سحب العربيه ضعيف

السلام عليكم ورحمة الله وبركاته
اخواني الاعزاء....الله اسال ان تكونوا جميعا بصحة جيدة
مشكلة سياراتي ...تتلخص في الاتي
1-السيارة سكودا فليشيا 97
2-السيارة لها عندي سنتين
3-اشتريتها وهي استخدام بيتي بمعني ان حالتها اكثر من جيده
4-ايدي في العربيه علي طول يعني اي شي يظهر فيها اصلحه علي طول(ممكن يكون عيب خلاني موسوس شويه بمعني طول النهار ابص عليها في خبطه كده او خربشه كده اعمل تشيك عل كل شي بصفه منتظمه
5-اي قطع غيار محتاجه تغيير اغيرها عل طول (والعبد لله لا يشتري الا قطع الغيار الاصليه مهما كان سعرها)
6-العربيه عداد ها الكيلومتري عمال 138000ك
7-كما قلت من قبل باغير الزيت في مواعيده بصفه منتظمه وكذلك الفلتر في مواعيده
8-صفحيةالبنزين بتعمل معايا من 210 الي 220 ك (بنزين 92) في الطوالي (اقصد الدائري)ساكن في القاهره الجديده.
9-لسه مغير طقم الدبرياش كامل (الاصلي طبعا) وظبطت العفشه
.......نيجي للمشكله
منذ فتره لاحظت ان كهرباء العربيه مش مظبوطه مره تعلي ومره توطي كما هو معتاد انا مستنتش وعلي الميكانيكي عل طول .....وللاسف ذهبت الي اكثر من ميكانيكي.... ولا واحد عرف يظبطها...واحد قال لي (التشوك بايظ )والتاني قال لي غير الكرباتير.... والتالت غير وش الكرباتير فقط...وللاسف من ساعتها والعربيه مش مظبوطه في الصبح سواء برد او حر العربيه ترعش وصوتها عالي.....والان لاحظت شيء ان صوت العربيه في الغيار الرابع والخامس ..عالي جدا ...ولاني معتاد عندما اجيب الغيار الخامس احس كاني الموتور مش شغال ..ويبقي صوت العربيه ناعه جدا .ولكن الان صوت الموتور في الغيار الخامس اعلي من الغيار الرابع .....صوتها عالي لدرجة اي حد يركب بجواري يقول لي الشكمان فيه حاجه
والكلام ظاهر جدا لاني كما قلت اسكن في القاهره الجديده وبامشي علي الدائري علي طول طريق مفتوح والان العربيه سحبها ضعيف اقصي سرعه 120ك.... وانا علي الغيار الخامس بالرغم لسه مغير طقم الدبرياش الاسبوع الماضي ولا تغيير....انا محتار جدا ....والميكانيكه جعلوني اكثر حيره لعدم امانتهم للاسف وحاليا ليست عندي قدره لتغير السياره.....افدوني افادكم الله ....اسف علي الاطاله