كيف تقضى وقت ممتع

**creative** · 20-06-2009 11:32 AM

يمكن يكون العنوان مش واضح اوى للموضوع

بس بصراحة انا ان شاء الله ناوى اتزوج فى نهاية الشهر القادم ....

واتفقت مع خطيبتى ان احنا مش هانعمل فرح لان احنا احق بالفلوس دى فى بداية حياتنا وهى اقتنعت بكده

المهم ان احنا عاوزين نقضي اسبوع كويس فى مكان يخلينا نستمتع بيه

بس مايكونش الاسعار مبالغ فيها عاوزين مكان كويس واسعاره مناسبة

والفسحة هاتكون داخل مصر يعنى مش هانروح تركيا ولا تايلند ولا اى مكان بره عشان موضوع انفلونزا الخنازير ده عملنا قلق

فالاماكن المقترحة هى شرم - الغردقة - مارينا .....

ياريت يا جماعة تشاركونى الاماكن الكويسة واسعارها تكون كويسة وياريت الاخوة المتزوجين اللى قضوا شهر العسل بتاعهم واستمتعوا بيه يشاركونى

مستنى ردودكم وشكرا للمساعدة علما ان احنا هانتجوز فى عز الحر

تكتب ان شاء الله وليس انشاء
الاشراف

**Lord_Fouad** · 20-06-2009 01:55 PM

اولا الف مبروك عالجواز و ربنا يرزقك بالذرية الصالحة .. ثانيا اقترح عليك مرسى مطروح ... جميلة جدا و هادية و غير مكلفة و عائلية الى حد كبير ... إن شاء الله لما اتجوز حبقى اروحها

**Haitham10** · 20-06-2009 02:23 PM

الف مبروك علي الجواز
وانا بقترح مرسي مطروح برضه عشان يكون عندك كنترول في المصاريف براحتك سواء للمكان الي هتحجز فيه او كساحل شمالي
وانا مع فوكس هروح بس قبل الجواز

**mahmoud_magdy** · 20-06-2009 03:00 PM

انا بقترح عليك بردو
مرسى مطروح
انا مرحتهاش لكن على اللي سمعتو هتلاقيها حلوه اوي
ممكن حضرتك تعمل بحث عن مرسى مطروح وهتلاقي حاجات كتير ليها
وصور وأماكن وعنواين وفسح وخلافه
ومبروك الزواج ربنا يهنيك

**SeiffoZ** · 20-06-2009 03:32 PM

خليك أحسن برا مصر ... فرصة مش هتجيلك تانى ... فعلا مش هتجيلك تانى ..
إللى جوا مصر تقدر تروحه بعد كده زى ما إنت عايز ...

رأيى (البرازيل - جنوب أفريقيا) ...

الأنفلوانزا خلاص فى كل حته ..

على الأقل برا لو إتعديت هتتعالج كا بنى أدم ...

**creative** · 20-06-2009 04:30 PM

طبعا انا متشكر لكل الاعضاء اللى رديت واصبحنا حاليا فى ناس مؤيدة داخل مصر وتكون مرسى مطروح وناس مؤيدة بره

ياريت اللى قال مرسى مطروح يقولى ليه انا عمرى ماروحتها خالص وماعرفش الاماكن المميزة بتاعتها ايه هناك؟؟

وهاتكون تكلفة الشقة او الشاليه كام ؟؟؟

**jisso82** · 20-06-2009 05:28 PM

أولا 10000000000000000 مبروووووووووووووووووووووك الجواز
و بالنسبة للأماكن اللى انت قلتها هتبقى الغردقة الأجمل و الأرخص
و بالنسبة للأماكن المقترحة فمرسى مطروح حلوة أوى بصراحة و ما تقارنش فى أسعارها بكل اللى فاتوا (أنا روحتها لمدة 10 سنين فممكن أقوللك تتفسح فيها فين بس بالنسبة للأسعار فى الشاليهات و الشقق مش هقدر أفيدك لأنى كنت بروح تبع المصيف بتاع شغل والدى فطبعا الأسعار عندى مختلفة تماما)

**M.Osman** · 20-06-2009 05:44 PM

مبروك الزواج أخي الكريم
تحية لتفكريك انت و خطيبتك

ربنا يبارك إنشاء الله

**AhmedGen2** · 20-06-2009 05:52 PM

هتروح مطروح طب ماهناك فيه الطاعون.
شرم والغردقة .. ممكن أجانب يكونوا حاملين فيروس انفلونزا الخنازير.

أنا عموما ً بقترح عليك الغردقة مصاريف أقل من شرم الشيخ وكواليتى أعلى من مطروح وهتنبسط أوى.

**Imhotep** · 20-06-2009 06:49 PM

مادام هانى موون يبقى شرم او الغردقة علشان المستوى السياحى هناك عالى و خدمة مميزة لان دى رحلة العمر بس العيب الاسعار العالية اللى ممكن تروح بيها تركيا مثلا...... مع انى بروح باستمرار مرسى مطروح و هى جميلة اوى برضه و ميه البحر فيها جميلة بس المستوى العام اقل شوية من شرم او الغردقة.....

الموضوع: كيف تقضى وقت ممتع

LinkBack

أدوات الموضوع

عرض

-

-

-

-

-

المواضيع المتشابهه

تاريخ الأندلس(اسبانياحاليا) بالصور(ممتع جدااااااااا)

المادة الثانية من الدسـتور .. التركى!! --- مقال ممتع ومفيد ---

شبهات حول الحكم الإسلامي - من وحي الثورة ..حديث خفيف ممتع

كيف تقضى يومك فى رمضان

الكلمات الدلالية لهذا الموضوع

المفضلات

المفضلات

ضوابط المشاركة