السلام عليكم
منذ فتره كبيرة وانا اعانى من الانقطاع الدائم للمياه ومافيش حل قدامى غير الاتصال برقم 125 ويرد عليا الموظف بتاع الخط الساخن ويقولى هتيجى بعد شويه او يقولى الخط بتاعكم مافيهوش مشكله دون جدوى
روحت عملت شكوى عن طريق السايت بتاع رئاسة مجلس الوزراء وبعت وبعت لهم فاكس دون جدوى
اخيرا كلمت جريدة الاخبار وجريدة المصرى اليوم دون جدوى
كلمت جريدة اليوم السابع بصراحة ربنايبارك لهم طلعو ناس محترمه جدا اهتمو بالموضوع وطلبو منى انى اعمل شكوى عن طريق رقم 125 واخد رقمها وده ماكنتش بعمله سابقا طلع ان لازم كل لما اكلم الخط الساخن 125 اطلب منه تسجيل شكوى واخذ رقمها
المهم لمدة اسبوعين عملت كذا شكوى بسبب انقطاع المياه طول الاسبوعين دول واخذت رقم شكوى مجلس الوزراء وبعتهم لجريدة اليوم السابع الناس اهتمو جدا واتصلو بيا كذا مره وقامو بنشر الموضوع بعدها بكام يوم على طول ووجهو شكوى لمحافظ القاهره
الحمد لله المياه اشتغلت وبقت تمام لمدة اسبوع تقريبا ورجعت ريما لعادتها القديمه فقررت اركب موتور اتكلف تقريبا 2000 جنيه وبقت المياه موجوده لاكن طلعت مشكله تانيه ان الموتور بيجيب مياه كلها رمل ولونها اصفر
كلمت الشركة تانى بعتو دكاتره اخذو عينه من المياه وجارى تحليلها
والحمد لله المياه دلوقتى شغاله
على فكرة فى مرتين عملنا شكوى ان المياه مقطوعه راحت شركة المياه بعتت لنا عربيتين كبار للمياه وكنا بنملا منها
المهم بس اننا مانقعدش ساكتين
المفضلات