السلام عليكم
لو سمحتوا عايز اعرف منبن اجيب قطع غيار سكودا فيليشيا اصلية (المانى)
زيرو غير التوكيل وياريت ميكانبكي سكودا كويس
عرض للطباعة
السلام عليكم
لو سمحتوا عايز اعرف منبن اجيب قطع غيار سكودا فيليشيا اصلية (المانى)
زيرو غير التوكيل وياريت ميكانبكي سكودا كويس
الهاشمية في العباسية
أو بالأدق 2 .. و الاتنين في مدينة نصر و الاتنين ما بيشتغلوش غير سكودا.
الأول في الحي السادس ورا أبو رامي .. إنت تروح أخر شارع الطيران لغاية ما توصل لأبو رامي و تخش يمين .. بعده بشوية هتلاقي جامع و بعد الجامع هتلاقي ورشة صيانة سكودا .. الأسطى الكبير هناك اسمه محمد و غالبا مش بيشتغل بإيده إلا نادر و التاني إسمه إسماعيل و ده اللي ممشي الشغل هناك. إسأل على إسماعيل أحسن.
الثاني في شارع ورا السراج مول .. لو كنت في ذاكر حسين و خليت يوابة الوفاء و الأمل في ضهرك و دخلت الشارع اللي يوصلك على السراج مول إدخل أو شارع شمالك و اسأل هناك على الميكانيكي بتاع اسكودا.
هو ميزة الأولاني إن حواليه 4 بيبيعوا قطع غيار سكودا لكن لو عايز رأيي يبقى تجيبها من شارع دمشق أحسن.
قطع الغيار عليك و على شارع دمشق و مش كل حاجة هتلاقيها أصلي .. بعض القطع صعب تلاقيها أصلي إلا في التوكيل (بسبب إن الطلب عليها ما بيبقاش عالي).
معلش أنا محتاج ميكانيكي لعربيتي و ماعرفش المنطقة دي في مدينة نصر فلو ممكن أرقام موبايلاتهم أكون شاكر لحضرتك