ايه حل مشكلة تسقيف الموتور ؟

**thegoodhacker** · 20-06-2009 05:48 PM

عندي العربية نصر 127 احيانا كثيرة بالاقي الموتور بيسقف معايا عند نقل الفتيس للسرعة الاعلي بالرغم من اني بانقل الفتيس علي سرعات كويسة يعني مثلا باكون علي التاني علي سرعة 40 و باجيب التالت بالاقي الموتور بيسقف معايا ....... و برضه لما باجيب الرابع وانا علي سرعة 60 بالاقي الموتور يسقف ........ ايه سبب الموضوع ده ؟ و ايه الحل ؟ مع العلم اني حاليا باستخدم بنزين 80

**YaSSerwIN** · 20-06-2009 06:05 PM

أظبط الكهرباء هتلاقى الأسبلاتير عايز يتظبط يعلى كهرباء او يوطى كهرباء

**SAMEH_FOUAD** · 20-06-2009 06:08 PM

شوف موضوع التسقيف دة معناة ان العربية الكهربا فيها زيادة فروح للميكانيكى خلية يظبطلك الكهربا وكمان يظبطها على بنزين 80 عشان ظبطة ال80 غير ال90 ,وان شاء الله تبقى تمام بس حاول تعمل التظبيط دة فى اقرب فرصة عشان التسقيف دة بيبهدل الماتور جامد

والكهرباء بتتظبط من الاسبراتير لائما بتتفتح لائما بتتقفل عن طريق لف الاسبراتير جهة اليمين او الشمال

**thegoodhacker** · 21-06-2009 12:39 AM

شكرا علي الردود و ان شاء الله اودي العربية للميكانيكي يوم الاثنين

**aymansaad** · 21-06-2009 01:41 AM

لو حالة الموتور كويسة جرب بنزين90

**aYaBooY** · 21-06-2009 11:54 AM

بما انك بتستخدم 80 يبقي انت بتحتاج كهرباء مختلفة شوية عن الي ممكن تمشي العربية في حالة استخدام 90
و ده علشان قوة اشتعال ال80 اقل من 90 يبقي انت هاتحتاج تروح لميكانيكي يفتحلك الكربراتير شوية و يظبط كهرباء على وضع ال80 يعني المفروض تروحلة و العربية مليانة 80 بس من غير 90 خالص بس
و بعد كدة انشاء الله هايروح التسقيفة ديه خالص
و لو استمرت يبقي انت محتاج تغير ابلاتين و كوندنسر و لو هاتغيرهم هات ابلاتين فرنساوي بلاش الايطالي او الانجليزي

**ahit** · 22-06-2009 01:43 AM

الكهربا المفروض تعلى شوية مع البنزين 80 بس مش كتير لدرجة التسقيف.
و أحياناً بيكون البنزين اللى مش كويس سبب فى التسقيف عشان كده جرب تغير البنزينه فى التفويلة اللى جاية إن شاء الله

**aymoonoo** · 22-06-2009 08:42 AM

والله بص يا باشا انا معايه سويفت وكنت اول مجبت العربيه الحاله الماديه تعبانه فكنت بحط 80 مكنش في اي acceleration ولا اي حاجه العربيه ماشيه وخلاص وكانت لما ابطلها متبطلش وتطلع ضوت قبل متبطل وككان في التصفيق ده برضو لما اشد عالعربيه عالسرعات العاليه بس لما حولت على بنزين 90 زي الحلاوه ومفيش اي حاجه خالص لو انتا خايف عالموتور بتاعك بلاش 80 عشان بجد بيبهدل الدنيا والموتور زي مالإخوان قالو وشكرا

-

الموضوع: ايه حل مشكلة تسقيف الموتور ؟

LinkBack

أدوات الموضوع

عرض

-

-

-

-

المواضيع المتشابهه

صوت تسقيف بعد مشكلة في دورة التبريد

اسباب تسقيف الموتور

مشكلة فى السحب و صوت تسقيف مع الطلعة فى a4 2009

تسقيف الموتور

أخطر الأضرار التي يسببها تسقيف الموتور؟

الكلمات الدلالية لهذا الموضوع

المفضلات

المفضلات

ضوابط المشاركة