عرض للطباعة
مبروك للجزاير كسبت زامبيا 2-0 في زامبيا وعندها دلوقتي 7 نقط والماتشيين اللي جايين زامبيا و رواندا في الجزاير يعني لو كسبوهم هيوصلوا للنقطة 13 قبل ما يلاعبونا في مصر في آخر ماتش
تقريبا الفرق كلها هاجت لما شافتنا في كأس القارات الخوف ان فوز الجزاير يأثر على نفسية اللاعيبة في ماتش أمريكا بكره.............بس بجد حرام منوصلش كأس عالم بعد ده كله :T_thum1[1]:
فعلا بجد انا رغم انى مش من بتوع الكورة ولا بفهم فيها
بس اتفاجئت ان مصر بتلعب حلو جدا وكسبت ايطاليا وكانت هتتعادل مع البرازيل
وان شاء الله تكسب بكرة
انا بقى كنت اعرف موقفها اية كدة من تصفيات كاس العالم هنخش ولا لأ
خلاص يا فادي غالبا مفيش أمل لأنك حتى لو كسبت رواندا رايح جاي وزامبيا هناك هنبقى 10 نقط وهتلاعب الجزاير هنا و هي عندها 13 وكمان فرق الأهداف مش في صالحنا
الجزاير +4 واحنا -2 يعني فرق 6 أهداف فرق لحد دلوقتي
يعني كل سنة و أنت طيب
هما العملو كده في نفسهم
مفيش حاجه بعيده على ربنا ولو ركزنا شويه هنخش احنا بس نجيب روندا هنا ونطحنهك 8 ولا 9 هنجيب لبفرق ده بس نلعب بنفس اداء مطش البرازيل
انا بجد هديق جدااا لو ملعبناش فى كاس العالم
عموما املنا فى ربنا اننا نكسب كل ماتشاتنا و الجزائر تخسر ماتش ليها
تفائلوا ياجماعة بئه
الجزائر باقيلها ماتشين غير مصر في القاهره علي ملعبنا لو فازتهم هيبقي عندها 13 نقطة
احنا باقيلنا 3 ماتشات غير الجزائر ولو كسبناهم هيبقي عندنا 10 نقط ونلاعب الجزائر علي ملعبنا وربنا يستر ونكرر 90 بس لازم ندكهم دك في القاهره وهنصعد ان شاء الله
مين عارف يمكن المنتخب يرجع حاجة تانية ويكسب بال4 وال5 الفرق التعبانة دى ونخلي الجزائر مرعوبة وهي بتلاعبنا عشان تتعادل ولا حاجة
رغم انى مبحبش الحسابات اللى على الحركرك دى و ان احنا نستنى الفرق التانية تلعب لصالحنا- اللى غالبا مبتحصلش- الا ان مفيش حاجة بعيدة على ربنا بس يسترجلوا و يلعبوا كويس و لكل مجتهد نصيب.....
لأ بلاش نغمة التشاؤم اللى انتوا فيها دى إن شاء الله تفاءلوا خير و بإذن الله نقدر نكسب الأربع ماتشات و باسكور يعوض فارق الأهداف و نصعد بإذن الله
اللي كسبنا ايطاليا
قادر على كل شئ
هوه دة ايوة كدة:_Alshmokh22[1]::B4_388:اقتباس:
المشاركة الأصلية كتبت بواسطة Ahmed Samy
يا رب يا رب
عادي يا باشا إحنا لو كسبنا ال 4 ماتشات الباقية برضه هيبقي معانا 13 نقطة .
و إن شاء الله نروق رواندا بعدد أهداف و ندلع زامبيا هناك و نهشتك الجزائر هنا .
خاصة بعد الدفعة المعنوية العالية من كأس القارات .
و أعتقد إن الجميع متفق معايا إن الجزار برغم فوزها علينا إلا إنها فريق ضعيف و مهلهل و مفكك جداَ و فوزه كان باهت .
يعني من الأخر .. ولا يهمنا .. إحنا هدفنا نكسب كل الماتشات الجاية أكنها ماتشات كاس .. و هما بقي يكسبوا ميكسبوش .. لقاءنا في القاهرة هنا و كل واحد هياخد نصيبه !
بإذن الله مصر في كأس العالم .
هي مشكلتنا بننسي الكورة قدام الفرق الضعيف .. ونبدع قدام الفرق القوية
أكبر خسارة لأفريقيا إن الجزائر أو زامبيا يوصلو كاس عالم..
لسه فرصتنا بإيدينا و قادرين على التأهل بإذن الله..
و لكن التركيز الان على امريكا..بعد ذلك لكل حادث حديث
طب تعالوا نحسبها
الجزائر إتعادلت مع رواندا في رواندا .. و إحنا إتعادلنا مع زامبيا في القاهرة
و الجزائر كسبتنا في الجزائر ... و إحنا بإذن الله هندكهم في إستاد القاهرة
هما خدوا خطوة إيجابية بالفوز علي زامبيا في زامبيا .. و إحنا ممكن ناخد خطوة إيجابية و نفوز علي زامبيا في زامبيا و نفوز علي رواندا في رواندا اللي هي إتعادلت معاها .. إيه اللي يمنعنا .. يعني تقدر تقول هما إتعادلوا مع رواندا و كسبوا زامبيا .. و إحنا إتعادلنا مع زامبيا و إن شاء الله هنكسب رواندا و في الأخر نفس عدد النقاط .. يبقي الفرص لسة بين مصر و الجزائر 50 50 .. و مفيش أدني داعي لفقدان الأمل .. بطاقة تأهل المجموعة لسة في الملعب .. و منتخبنا قدر يثبت إنه منتخب عظيم .. و بإذن الله مصر في كأس العالم .
الجزائر تكسب متكسبش .. ملناش دعوة .. زي ما إن شاء الله بكرة هنلعب علي أمريكا و إحنا ملناش دعوة بنتيجة إيطاليا .
كلنا ورا المنتخب .. كلنا ورا مصر .. و أحب أنقلكم مشاركة قريتها في منتدي أخر و هسيبها تشعل مشاعركم و تحرك الحماس جواكم للرغبة في الفوز و الفرحة مع المنتخب .
و المشاركة دي كتبها أب مغترب في إيطاليا متحدثاَ عن إبنه - النصف إيطالي تقريباَ مش عارف- و كيف كان يومهم يوم الفوز علي إيطاليا .
بإذن الله نصعد لكأس العالم و يذهب كل الأطفال المصريين في الخارج لمدارسهم لابسين تي شيرت المنتخب الوطني المصري بكل فخر .اقتباس:
ضحكت من قلبي بعد صفارة الحكم .. و انا بشوف جونيور عمال يتنطط في البيت و يصحي أمه علشان يقولها "اننا" كسبنا و بعدين يرجع يحضنني ... و بعدين يخرج في البلكونة يزمر و الجيران مش مصدقين ان فيه حد فرحان لخسارة ايطاليا ...
ما يهمني أنا شخصيآ و أثلج قلبي بصورة كبيرة جدآ أكثر من نتيجة المباراة نفسها ... هو ابني ... مواقف صغيرة و كثيرة تجمعت حول تلك المسابقة و لكن لها معاني عميقة داخلي ...
- طلبه ان أشتري له عندما كنت في مصر آخر مرة فانلة الفريق القومي
- ارتداؤه لها دائمى داخل و خارج المنزل .. بل و ذهب بها الي المدرسة اليوم
- منذ اول يوم في تلك المسابقة و في بلكونة غرفته علم مصر مثبت في اناء للزهور يطل علي الخارج
- تشجيعه الجنوني لفريق مصر و حزنه العميق للخسارة في مباراة البرازيل في آخر لحظة
- مباراة مصر و ايطاليا انتظرت لمن سيميل او هل سيشعر ببعض الأرتباك في اختياره .. و لكن لم يكن هناك أي وجه للأرتباك ... و رموز مصرية تملأ غرفته و علمها يرفرف خارج غرفته ...
- "خناقة" في المدرسة اليوم بالرغم من انه يوم امتحانات ( 3 أعدادي) .. فلقد عاير كل زملائه كمشجع متحمس في ديربي ...
أترككم لفهم تأثير مباراة .. مجرد مباراة مماثلة علي مشاعري كأب يعيش في الغربة ....
شيئآ أخير ... هل يكفي ما كتبته الآن كي أعتبره ردآ علي سؤال تم طرحه في موضوع آخر ... السؤال الذي كان يستفهم عن" إيه الفائدة اللى بتعود عليك أو على بلدك من كرة القدم"
عندك حق حاجة تفرح وتحرك الواحد حلوة المشاركة ياموتو
.. انا بتفرج لوحدي علي فكره وكتير بلاقي الكلام بيطلع مني غصب عني كتشجيع وقلق وخوف وفرحه
وصدقني اللي الناس بتعملوا في الشارع ده شئ صغير يخرجوا في طاقتهم في صورة المصريين اهم !! عشان دي مش حاجة تشرف لاء عشان الواحد بيشوف ماتشات بين فرق كبيره اقل من كدة بكتير فما بالك متعة واداء وتشريف ونتيجة .... ياااااااه حاجة بجد تفرح من جوه القلب
زعلتوني والله .. بس الامل ف الله كبير
هو أنتم عاوزين أيه أكثر من اللي عمله منتخبنا يعني قطعنا البرازيل و جبنا فيهم 3 أجوان وكسبونا بالعفاية وكسبنا أيطاليا وأن شاء الله نكسب أمريكا ونتأهل لنصف النهائي.. الكلام دة صعب يحصل في كأس العالم ياجماعة عشان نوصل للبرازيل وأيطاليا محتاجين معجزة ما بالكم وأحنا لاعبناهم وكسبناهم أحنا عملنا أنجاز مكناش نقدر نحققه لو وصنا لكأس العالم ووقعنا في مجموعة مع فرق صعبة كانت ممكن تتعبنا وتستهلك قوتنا .. بكل المقاييس الذهاب الى المونديال شيء عظيم ولكن أيه الهدف منه ؟ تخيلوا أحنا حققنا أكبر هدف وهو أننا هزمنا حامل اللقب وبطل كأس العالم الأخير وقطعنا البرازيل بصراحة وصلنا أو ماوصلناش أحنا لعبنا كويس وأثبتنا نفسنا للعالم ودة كفاية وتخيلوا لو قرأتم السطر الأول من كلامي قبل كأس القارات كنتم قولتوا على اللي بيتكلم مجنون رسمي وبيحلم يعني أحنا حققنا حلمنا وزيادة وعلى العموم وأنشاء الله نوصل للمونديال بالعزيمة والأصرار .
هى المجموعة بيصعد منها فريق واحد أم فريقين ؟
فريق واحد للأسف يا دكتور محمود .اقتباس:
المشاركة الأصلية كتبت بواسطة د.محمود صلاح
لذلك لا بديل عن الفوز .
اهم حاجة بس يستبعد اللاعبين اللى بيلعبوا بره و فاكرين انهم محترفين زى احمد حسام كده و عمرو زكى .
مش طالبة نفخ على الفاضي و نخسر من طوب الارض من فرق غريبة .
كلامك كله صحاقتباس:
المشاركة الأصلية كتبت بواسطة ashturbo
بس البطولة دي اقل بكتير من كاس العالم سواء اهتمام او اعلام او تاريخ
ومش عيب اننا نطمح ونحلم ونقول اكتر وزيادة دة حق مشروع مش طمع والعيب الي هو عكس كدة لان لو كدة يبقي نجيب اللعيبة من دلوقتي مصر ونقعدهم فبيوتهم لحد مايعتزلوا ونعملهم تماثيل وبراويز ونفتخر بيهم زي الفراعنة 3000 سنة جايه !
عايزين تفاؤول وفرحة وطمووووووح
رغم إنى ماليش فى الكورة ...
بس إحنا نش هنروح لكاس العالم ... إحنا كاس العالم إللى هيجلنا .. و فى تاكس!
علشان مصر تصعد
لازم تكسب كل مباراياتها ، وبكده يبقى عندها 13 نقطة
وفي حالة إن الجزائر كسبت كل مباراياتها هيبقى عندها 13 نقطة
يبقى في الحالة دي هنرجع لعدد الأهداف في مباراتي الفريقين
يعني مصر لازم تكسب الجزائر 2/صفر علشان تصعد (شفتوا بقى هدف أبو تريكة في الجزائر مهم إزاي)
إن شاء الله نصعد كأس العالم
هو جول أبو تريكة كان مهم طبعاَ يا باشا بس فرق الأهداف هيتحسب علي توتال أهداف الفريق مش علي مباراتين مصر و الجزائر .اقتباس:
المشاركة الأصلية كتبت بواسطة moh.abdelbaset
يعني لو كسبنا رواندا و زامبيا بفرق كبير بس كسبنا الجزائر واحد - صفر نصعد برضه مفيش مشاكل .
+1111111111111اقتباس:
المشاركة الأصلية كتبت بواسطة motorizer
بس خلي بالك ان الجزاير+4 واحنا -2 يعني لازم نكسب رواندا في القاهرة 6-0 على الأقل عشان الأمل يرجع يعني 1 أو 2 أو 3 حتى مينفعش !!!!!!!!!!
ان شاء الله هنوصل كاس العالم ..
توقعاتي ان الفريق هيرجع من كاس القرات ياكل النجيلة في التصفيات بس اهم حاجة الروح يا جماعة .. اللعيبة لازم متستهترش ..
وربنا قادر علي كل شيئ.. اللي خلانا نغلي ايطاليا ونلعب كدا مع البرازيل قادر يحققلنا المستحيل .. دا اذا كان اصلا مستحيل ..