1- العربية تستحمل السفر الطويل و مفيش مشاكل بإذن الله
2- السفر عموما أفضل للعربية من المشي جوه المدينة خاصة في شوراعنا الجميلة
3- قبل ما تطلع على الطريق إتأكد من العفشة (ربطها كويس) و الزيوت (موتور و جير و فرامل) و المية (الرادياتير) و إتأكد كمان من الكاوتش خاصة الامامي و لو فيه إمكانية تغيير التعبان يكون أفضل لأن الجو حر و الاسفلت هايكون مولع - إتأكد كمان من الاستبن و إن منفوخ كويس و إن العدة موجودة (الكوريك و الصليبة). و لو مشافر بالليل إتأكد من إن كل الأنوار شغالة و بكفاءة.
4- مفيش إجراءات زيادة لو مدة السفر طويلة شوية يبقى ممكن تريح مرة أو اتنين في السكة عشان الأولاد و ما تحاولش تسيب البنزين على الأخر عشان لو كان فيه وساخة في البنزين ما تجيش في الكاربراتير أو الطلمبة و تقرفك.
و ربنا يرجعكم بالسلامة
المفضلات