الموضوع: لماذا نجحت ماليزيا وفشلت مصر فى تصنيع سياره وطنيه؟ (موضوع منقول )

المشاركة الأصلية كتبت بواسطة tutankhamoun

موضوع ممتاز و مقارنة موضوعية و في مكانها الصحيح .
لأن مينفعش مثلا نقارن مصر بكوريا ...
علشان كوريا و اليابان بعد الحرب العالمية التانية و هم من أهم حلفاء الولايات المتحدة الصهيونية في منطقة الشرق الأقصى .... و بالتالي تم فتح أسواق الصهاينة على مصراعيها أمام منتجات اليابان و كوريا مما ساعد على نهوض تلك الدولتين و جعلهم في مصاف الأمم الأكثر تقدما في العالم بل و الأكثر تقدما من أمريكا نفسها .

أنا قلت الكلمتين اللي فوق قبل ما أخوض في مناقشة ماليزيا و مصر ..... لأن الأثنين ظروفهم تكاد تكون متشابة .

تكمن المشكلة الأساسية زي ما الأخوة قبلي قالوا في عدم حل المشكلة من جذورها .
و هذا راجع لعدم وجود نظام سليم نبني عليه .
فلما تبني على أساس مخوخ ...... و مش مظبوط ...
المبنى هايعيش شوية ....... و يقع ..... أو يحتاج ترميمات كتيرة .

هي دي مصر بعد الثورة المبجلة الناصرية و سرقة الشركات و توزيع الثروات .
تضائلت فرص وجود رجال أعمال حقيقييين بالاضافة أن أصلا مكنش فيه حلم سياسي و لا أقتصادي للحكومة قبل و بعد الأنقلاب العسكري الناصري .

الموضوع مش موضوع شركة النصر بس .
لأن شركة النصر دي من النتائج التابة لفساد النظام .

ترك النظام الرأسمالي ...... و تبني النظام الأشتراكي الفاشل ........ اللي كل الدول اللي تبنته فشلت .
هو كان نقطة البداية لأنهيار شامل .

ماليزيا على العكس ...... دولة متفتحة على العالم و أسواقها مفتوحة و رأسمالية ....
تبنت الأسباب و المحرك الأساسي لأقتصاد البلاد بالاضافة لوجود حلم و تم تحقيقه في النهوض بهذا البلد الصغير و تغيير شامل في أقتصادها من أعتماد كامل على الزراعة فقط ....
إلى تنوع عام في عوامل الأقتصاد
فأصبحت ماليزيا من أكبر مُصنعي الألكترونيات في العالم مع اليابان و الولايات المتحدة الصهيونية و كوريا و فرنسا و بريطانيا .

و دخلت مجال السيارات ....... و لأن دخولهم مجال السيارات كان صحيحا بالتركيز على حاجة وحيدة و هي سيارات الركوب .
مش أول ما تشطح ......تنطح و تفتح مصنع يعمل جرارات زراعية و سيارات ركوب و أتوبيسات و لوريات .

لو كان التركيز على شئ واحد ...... كان يمكن زمانهم عملوا حاجة .

بس فيه عامل تاني لازم نوضعه في الأعتبار .
و هو العدو الصهيوني على الحدود الشرقية و الحروب التي دخلنها بغباء سياسي و حروب أخرى كنا مضطرين ندخلها .

حتى أصبح حال مصركما يلي :

-صناعة ضعيفة لغياب البحث العلمي .
-تبدد الأراضي الزراعية تحت ضغط الكثافة السكانية العالية و الازدياد السكاني العالي .
-أصبحت القاهرة من أكبر المدن العالم عشوائية بعد أن كانت في فترة الثلاثينيات و الأربعينيات من أجمل مدن العالم و حتى قدوم عبد الناصر .
-انخفاض الانتاج الزراعي بسبب عدم الحفاظ على الأراضي الزراعية الخصبة الموجودة و بسبب الزيادة السكانية التي لا يلاحقها أي انتاج زراعي .



----------------------------------


بالنسبة لموضوع الدعم :
الدعم ده كان برضه من نتائج الأنقلاب السياسي و العسكري الناصري .
و ده طبعا أدى لكوارث في البلد .
الناس أصبحت لا تعلم القيمة الحقيقية للسلع و بالتالي أصبح الدعم كحق لكل مواطن .
مع أنه حق يراد به باطل ....... و كفاية كدا في النقطة دي .

بالنسبة لأسعار البنزين .
يا جماعة على فكرة البنزين مش متشال عنه الدعم الكلي .
اللي حصل أنهم قللوا الدعم و لم يزيلوه
لو تم ازالة الدعم عن البترول سيكون سعر لتر البنزين مش أقل من 5 جنيه .

السلام عليكم ورحمة الله وبركاته

حضرتك اتكلمت عن نقطه مهمه جدا عن تحول مصر من نظام دستورى ديموقراطى الى نظام عسكرى ديكتاتورى

انا شايف ان دى هى نقطه الانقلاب التاريخيه اللى ودت مصر لورا فى القرن السابق وانا لا مش بقول مصر الملكيه

هى الحل انا بقول مصر الدستوريه يعنى نظام ديموقراطى شبه نظام انجلترا وايطاليا النظام ده كان هو السائد قبل

الثوره ناس كتير هتقول ماكان قبل الثوره الفساد والانحلال ومش عارف ايه وده على اساس ان احنا عايشين دلوقتى

فى زمن المدينه الفاضله والعفه والامانه مش فى زمن الوحوش اللى بيرحموش زى ما المطرب الشعبى بيقول

وفى نقطه مهمه اهم حاجه فى الدنيا ان يكون فيه نظام سيستيم ديموقراطى يحكم البلد حتى لو جاب واحد غلط

مره النظام برضه هيصلح نفسه ويجيب الافضل يعنى على سبيل المثال بالنسبه للامريكان جابوا بوش مرتين بهدل

الدنيا سواء البلاوى اللى جابها لنا او الديون اللى بلاهم بيها وكان رد الفعل ايه انتخبوا واحد كان من رابع

المستحيلات انه يحلم ان يكون رئيس امر يكا بس كان لازم الشعب يعبر عن غضبه من الغبى اللى مشى ويجيب

واحد النقيض فى اللون والاتجاه السياسى والفكرى على امل التغيير انا بستشهد بامريكا لانها هى النموذج

الديموقراطى الاول فى العالم بس داخل امريكا بس طبعا انما خارجها هم مايعرفوش غير مصالحهم حتى لو على

رقبة الناس انما ما يعنينا هو التجربه الداخليه بينما بعد الانقلاب الثورى التاريخى اصبح النظام لا نظام حظك يابو

بخيت يعنى الرئيس الموجود احنا بنعتمد على حظنا فى اختياره يعنى كان فيه نائب لعبد الناصر لغاية قبل ما يموت

لفتره وفجاه غيره وجاب السادات ومات, بقى السادات رئيس يعنى مصير الشعب معلق بمزاج الحاكم مين

علاقته بيه حلوه مين ماشى على هواه يبقى هو الرئيس لا رايي ولا رايك ولا لنا لازمه اصلا فحضراتكوا عايزين

الناس دى تهتم وتحطنا فى دماغها ليه احنا لازمتنا ايه لا صوتنا بيفرق فى انتخابات ولا حد بيخاف على مستقبله

السياسى ويخاف ليه ماهو قاعد قاعد انما اى مسئول منتخب فى اى دوله ديموقراطيه لو طال ينزل يبوس رجل

الشعب هيبوس لانه جاى اولا لخدمتهم مش لسرقتهم وجاى نتيجه لانتخابهم ليه مش غصب عننا فطول مافيه

نظام صح اكيد لو غلط مره هيصلح نفسه اما طول مافيش نظام يبقى احنا مستنيين حظنا كاننا على تربيزة

..... ولا بلاش ولو حضرتك عاوز تشوف تكرار سيناريو اللى حصل فى مصر لما انقلبت من دستوريه الى دكتاتوريه

عليك بفنزويلا والاخ شافيز انا فرحت اوى لما رجع غصب عن الامريكان بس كرهته لما نصب نفسه ديكتاتور للابد

هو واللى بعده من ورثة الحكم فى بلده

فطول مافيش انتخابات نزيهه لكل مناصب الحكم فى مصر لافيه لا تقدم ولا شفافيه

بالنسبه للانظمة الاقتصاديه اللى اتطبقت فى مصر حضرتك شايف النظام الراسمالى لما تفحش وتضخم بالربا و

والفوائد والقروض وقع جينرال موتورز الرمز الاقتصادى الاول والاكبر والاشهر فى اكبر دوله راسماليه فى العالم

فلس واتباع للحكومه اتامم يعنى , اما النظام الاشتراكى القاتل لكل ابداعات او تمييز شخص عن التانى حتى لو

كان عبقرى زمانه مات واندفن من زمان . العالم دلوقتى اقر واعترف بفشل النظامين وكل الدول بدات تفكر فى حل

وسط او نظام جديد حتى فيه كتاب بداوا يتكلموا عن الاقتصاد الاسلامى كحل او نموذج يمكن يقتبسوا منه المهم

ان مصر حتى لو طبقوا فيها اعظم واعلى نظام اقتصادى فى العالم مش هينفع الا لو كان الناس اللى قايمين عليه

نضيفه وعارفه ان عليها رقابه وصوت الناس مهم هو اللى بيجيبهم وهو اللى بيوديهم مش النفاق والمصالح والهدايا


بالنسبه لصناعة السيارات اللى ماتت زييها زى ما كل الصناعات ماتت فعلا حضرتك عندك حق كنا ركزنا انشاله فى

توك توك وابدعنا فيه احسن من فتحة الصدر على كل حاجه مره واحده يعنى ماليزيا ركزت على عربيه اندونيسيا

على ما اعتقد كانت عاوزه تعمل طياره بس طلعا ده اصعب مش بكلم تقنيا او تكنولوجيا انما بتكلم عن حرب مع

ديناصورين محتكرين للساحه مش انواع عربيات كتير ممكن تفوت منهم احنا مشكلتنا مافيش لا استراتيجى ولا

حتى تكتيك كل وزير ييجى يهد كووووووووووووووول اللى سبقه عمله ويقول نبد باه من جديد وطبعا دى عاده

فرعونيه متاصله كله بييجى يمسح شغل اللى قبليه وينسبه لنفسه او يبدا من جديد طب ده كلام ده اهم قاعده

للتطور ان تبدا من حيث انتهى الاخرون شوف حال الصناعه والتعليم والصحه والرياضه كله زفت والنتيجه الفشل

التام. ماليزيا فين واحنا فين الهند فين واحنا فين اى حد بدا معانا فين واحنا فين وعازين تعرفوا السبب عدوا كام

رئيس وزرا او رئيس سابق او ميت فى البلاد دى واحنا كام واحد وانتم هتعرفوا السبب

سلامى للجميع

انا ممكن اخوض فى تفاصيل اكتر من كده بس انا موش عايز اقلب الموضوع و يبتدى ياخد الطابع السياسى
احنا بنهنئ ماليزيا على النجاح الاقتصادى الباهر عموما و بالنسبة لمصر ( كل عام و انتم بخير )