الموضوع: لماذا نجحت ماليزيا وفشلت مصر فى تصنيع سياره وطنيه؟ (موضوع منقول )

موضوع منقول

لماذا نجحت ماليزيا وفشلت مصر في تصنيع سيارة وطنية؟.!‬

بقلم: د.. ‬عادل جزارين..‬
يتردد هذا السؤال دائماً. ‬في جميع وسائل الإعلام ـ وأود فيما يلي أن أجيب عن هذا السؤال من وجهة نظري... ‬

وبعد أن زرت ماليزيا ومصنع. »‬بروتون.« ‬فيها..‬ بالنسبة لماليزيا.: ‬بدأ التفكير في سيارة ركوب فيها في أوائل

الستينيات وتحول التفكير إلي إنشاء شركة قطاع خاص،. ‬كان المساهم الرئيسي فيها هو السيد مهاتير محمد

رجل الأعمال الناجح الذي أصبح رئيس وزراء ماليزيا فيما بعد،. ‬ويعتبر المسئول الأول عن النهضة الصناعية الكبيرة

التي حدثت في ماليزيا،. ‬وكانت الشركة بالشراكة مع الشركة اليابانية ميتسوبيشي التي شاركت فيما أتذكر

بحوالي. ‬40٪. ‬من رأس مال الشركة،. ‬وكان ذلك الضمان الأول لنجاح الشركة،. ‬وتوافر رأس المال ومشاركة الشريك

الأجنبي الذي سيقدم الرخصة والخبرة،. ‬وبذلك فهو حريص علي نجاح المشروع وحصلت الشركة علي الدعم

وجميع مزايا قانون الاستثمار الأجنبي من الدولة..‬ وكان استهلاك ماليزيا في ذلك الوقت أقل من الحجم

الاقتصادي الأولي،. ‬الذي يسمح بتعميق التصنيع في السيارة،. ‬وكان في ذلك الوقت ما لا يقل عن. »‬100. ‬ألف

سيارة.« ‬سنوياً. ‬لضمان اقتصادياته علي أن يتم تصدير ما يزيد علي الحاجة المحلية بالتصدير بأسعار منافسة

تسمح لها بالدخول إلي الأسواق الخارجية،. ‬رغم ما قد تكلفها ذلك من خسائر في البداية،. ‬وبالفعل تم من

البداية عمل عقد تصدير عدد كبير من السيارات الماليزية إلي بريطانيا بأسعار تقل عن التكلفة،. ‬ولكن كان هذا

القرار هو لضمان انتاج السيارة علي أسس اقتصادية..‬ ثم قامت الشركة بتشجيع القطاع الخاص في ماليزيا لإنتاج

مكونات السيارات التي لا تقل قيمتها في المضاد عن الـ50٪. ‬من إجمالي قيمة السيارة... ‬وقدمت لها جميع

المساعدات اللازمة وعاونتها الشركة اليابانية في ذلك وهكذا بعد توافر عوامل نجاح المشروع،. ‬نجحت ماليزيا في

تصنيع سيارة وطنية وهي السيارة البروفون وبدأت في تصدير أعداد كبيرة منها..‬ أما في مصر فقد بدأت الدولة

التفكير في صناعة سيارة ركوب في أوائل الستينيات أيضاً،. ‬بعد أن تم التعاقد علي مشروعات أخري في مجال

العربات وهي لصناعة اللوري والأتوبيس والمقطورات والجرارات الزراعية وأسست شركة النصر لصناعة السيارات

وهي شركة قطاع عام لتنفيذها..‬ وقد تحدد للمشروع طاقة إنتاجية قدرها. ‬12. ‬ألف سيارة وهي ما تمثل احتياج

السوق المصرية لمدة. »‬10. ‬سنوات.« ‬حتي أوائل السبعينيات..‬ وتم التعاقد علي المشروع مع شركة فيات

الإيطالية وأسند التنفيذ لشركة النصر لصناعة السيارات ولعل ضخامة الاستثمارات لمثل هذا المشروع هي التي

حددت الطاقة بهذا العدد،. ‬رغم العلم بأنها أقل بكثير من الحد الأدني للحجم الاقتصادي لصناعة سيارات ركوب،. ‬

وقد تحدد للمشروع أربع مراحل تبدأ بالتجميع،. ‬ثم رحلة تصنيع المحرك ثم الأجزاء الميكانيكية،. ‬وأخيراً. ‬مرحلة تصنيع

الجسم،. ‬حيث تصل نسبة التصنيع في النهاية إلي. ‬87٪. ‬من إجمالي قيمة السيارة،. ‬نصفها تقريباً. ‬داخل المصنع

والباقي من صناعات موردة،. ‬أفترض قيامها..‬ وقد رفضت الدولة في ذلك الوقت مشاركة شركة فيات في رأس

المال تطبيقاً. ‬لمبدأ تملك الدولة لوسائل الإنتاج..‬ وبذلك كان من البداية واضحاً. ‬عدم اقتصادية المشروع....‬ وبعد أن

بدأت الشركة في المشروعات الأربعة المشار إليها أعلاه ونتيجة للحصار الاقتصادي علي مصر بعد تأميم قناة

السويس وحرب. ‬1967. ‬لم تتمكن الدولة من توفير الاستثمارات والعملات الصعبة للمشروعات الضخمة الأربعة

المسندة للشركة وبدأ مشروع سيارات الركوب في التعثر،. ‬واتخذ قرار في ذلك الوقت بعدم التحول إلي مراحل

التصنيع فيه،. ‬والاكتفاء بالتجميع مع شراء ما يمكن شراؤه من السوق المحلية المصرية وتوجيه ما تحصل الشركة

عليه من استثمارات من الدولة لعملية التصنيع في اللوري والأتوبيس والجرار الزراعي التي تخدم الاقتصاد القومي

والقوات المسلحة بصفة خاصة..‬ وهكذا استمر مشروع سيارات الركوب في التجميع وبنسبة حوالي الـ45٪. ‬من

قيمة السيارة الكاملة،. ‬ثم صدر قرار سياسي بصناعة محرك السيارة الـ125. ‬سعة. ‬1500سم3. ‬وقامت الشركة

بتصنيعه فعلاً،. ‬ولكن كانت تكلفة الإنتاج أكثر بكثير من تكلفة استيراده..‬ ومن ناحية أخري،. ‬كان القطاع العام هو

المسيطر علي الصناعة،. ‬مما أعاق كثيراً. ‬قيام صناعة المكونات للسيارات،. ‬وبالتالي عدم زيادة نسبة المكون

المحلي وظل الموقف هكذا إلي أن أعلنت سياسة الانفتاح الاقتصادي وحاولت شركة النصر عام. ‬1976،. ‬عمل

شركة مشتركة مع شركة فيات وبنك مصر إيران ورفع الإنتاج إلي. ‬50. ‬ألف سيارة،. ‬ثم. ‬100. ‬ألف سيارة ولكن

تمسك الدولة بتسعير السيارة في ذلك الوقت أدي إلي انهيار المشروع من اكتماله ورفض الشريك الأجنبي

ذلك..‬ وفتح الباب بعد ذلك علي مصراعيه لمن يرغب في تجميع السيارات في مصر،. ‬حتي بلغ. ‬عدد الشركات

التي تقوم بتجميع السيارات حالياً. ‬حوالي ست عشرة شركة وهو ما ليس له مثيل في أي دولة في العالم،. ‬

علماً. ‬بأن السيارة المجمعة في مصر أعلي من تكلفة استيرادها كاملة..‬ وأن جميع هذه الشركات تعتمد علي

الحماية الجمركية،. ‬وسوف تواجه الموقف إذا ما رفعت الحماية وأرجو أن يكون قد وضح الآن لماذا نجحت ماليزيا

وفشلت مصر في صناعة سيارة ركوب وطنية..‬

السلام عليكم ورحمة الله وبركاته

هذا المقال منشور فى جريدة الوفد باللينك ده http://www.alwafd.org /details.aspx?nid=24704

حبيت بس انى انقل لكم المقارنه دى بين اللى حصل فى البلدين فى مجال صناعة السيارات فى النصف القرن

اللى فات ونشوف احنا فين دلوقتى وهما فين وعلى فكرة السينارو اللى قريتوه فوق ده تقريبا مكرر فى

بين مصر والهند بس فى مجال الطاقه النوويه برضه بدانا سوا هم عندهم قنبله واقمار صناعيه خاصه بيهم واحنا

عندنا النايل سات ومشروع لمحطه نوويه بنحارب عشان نعملها واضح الفرق طبعا خاصة اننا مش بنقارن نفسنا

لا باليابان ولا المانيا مع انهم خارجين مهزومين من اكبر حرب على مر التاريخ الا انهم قدروا يرجعوا لاحسن مما

كانوا فيه.اكيد هنسال ليه احنا كده وهما كده ؟ الاسباب كتير بس السبب الرئيسى بسيط جدا جدا كل واحد

فينا يسال نفسه مهاتير محمد قائد التقدم والديموقراطيه اللى حول ماليزيا من دوله متخلفه لدوله اقتصاديه

كبيره جدا لها احترامها ولها نظامها الديموقراطى فين دلوقتى؟ وبيشتغل ايه ؟ نفس السؤال ممكن نساله عن

مانديلا محررجنوب افريقيا من العنصريه فين ؟ وبيشتغل ايه دلوقتى ؟ الاجابه عن الاسئله البسيطه دى هتعرفك

احنا ليه كده وهم ليه فوق كده واحنا ليه تحت اوى كده المقال ده انا نقلته ليكم يا شباب عشان كل واحد فينا

يحس بالغيره ويحاول يخلى الاتقان فى شغله هو الهدف الاسمى فى حياته الثروة عمرها ما هتيجى بمسابقة

فى التليفيزيون ولا بضربة حظ الناس دى تقدمت عشان اشتغلت وتعبت وفشلت وقامت تانى ونجحت ما

استسلمتش للياس انا بتكلم عن المجهود الشخصى فى الحياه مش بتكلم عن السياسه كل واحد فينا لو

عمل اللى عليه ماقعدش يبص لغيره اكيد هنكون احسن من دلوقت يارب كلنا نبذل اقصى ماعندنا فى شغلنا و

لا نياس من اى شىء ولو كلنا هنعمل كده اكيد حياتنا كلنا هتتغير

سلامى للجميع

المشاركة الأصلية كتبت بواسطة jisso82

لأ يا محمد باشا مشكلتنا فى حاجة إسمها الدعم.
الحكومة بتمثل على باقى الشعب إنها ما تقدرش تشيل الدعم عن أى سلعة استراتيجية عشان خاطر الشعب الغلبان المسكين يقدر يعيش و المشكلة إن الدعم ده أكبر وسيلة للسرقة بصراحة لأن كبند عالى أوى فى الميزانية ماحدش يقدر يقربله لأنه من المحرمات و طبعا بتاخد من وراه أكتر من اللى بيتكتب.
و ده يبان فى مسألة إصرار الحكومة على تسعير السيارة. قال يعنى قدرت تفرض تسعير على الحديد بتاع عز عشان تفرض تسعير سلعة زى دى.
المشكلة الأزليه فى البلد دى إن كل اللى بيمسك فى الدولة همه مصلحته و بس زى مدربين فرق الكورة. مجدهم الشخصى أهم بكتير من بناء فريق للمستقبل يتنسب للى هييجى يدرب بعديهم.
و كفاية كده أوى أشوفك بقى بعد ما أخرج من المعتقل

اسطورة الدعم

الدعم ده يا اخواننا اسطورة من الاساطير اللى الحكومه معلقاها على الباب عشان الكل يكش ويحط الحكومه على

راسه انا مش خبير اقتصادى ولا هفتى بكلام معرفوش بس لو مشينا واحده واحده هنفهم حاجات ظريفه اوى

1- الحكومه كيان وجوده فقط لادارة شئون الدوله سواء الماليه او غيرها اى انهم موظفين عند الشعب من اول رئيس

وزرائها لاصغر موظف لذا فالحكومه فى حد ذاتها لا تملك شيئا ولا تعطى من جيبها شيئا هى فقط تدير املاك

الشعب الدخل الذى تتحصل عليه من الشعب وما تعطيه ليس هبه او حسنه بل هو ما اعطيناه لها من قبل فى

صورة وضرائب

2- الغنى يدفع الضرائب طبقا لشريحته فى الدخل والفقير ايضا وطبعا هناك فرق بين الشرائح ولذلك عندما تشترى

الحكومه سلعة ما زى البنزين مثلا بقيمة مثلا 100 دولار وتبيعه لنا ب 70 دولار عشان الفقير اللى مش قادر يدفع

والغنى الوحش اللى بيقبض فلوس كتير فتقوم باخذ فرق الضريبه بين الاغنياء والفقراء وتدفع بيهم ال 30 دولار

الفرق احنا اتفقنا ان دخلها هو من الشعب وتعد الحكومه تغنى علينا اد ايه هم بيعانوا عشان يجيبوا لنا العيش

والبنزين و و و انتو بتعملو ايه اصلا ماهو منا والينا . نيجى باه للخدعه الكبرى اللى بتحصل اليومين دول الحكومة

تقول لك ايه هنرفع الدعم عن السلعة الفلانيه او هنقلل الدعم ماشى شيلوا الدعم وغلوا السلعة بس طب الضرائب برضه زى ماهى حد يفهمنى انتوا بتاخدوا ضرايب عشان حاجات كتير ومنها الدعم طب شلتوه طب خفضوا الضرائب بما يوازى الدعم اللى شلتوه او زودوا الرواتب , لا الضرائب هى هى وممكن تزيد

والرواتب هى هى ولما بتزيد طبعا معروف تانى يوم بتكون فى جيب مين الزياده ( التجار طبعا )

3- طب الحكومه ملهاش استثمارات ليها طبعا بس بفلوسنا زى فلوس التامينات الاجتماعيه اللى الحكومه ضاربت

بيها فى البورصه هاهاها حد عارف الحكومه بتعمل الكلام ده من امتا وكسبوا كام وخسروا كام حد عارف المكاسب

دى راحت فين ممكن واحد يقول لى ماهو بيعملوا بيها مشاريع بنيه تحتيه طب هو مش اى حاجه زى دى المفروض

تكون فى النور خاصة انهم بيتاجروا بفلوس الناس مش بفلوسهم او حتى ادنى درجات الاحترام انهم يعرفوا الناس

انهم هيعملوا كده بفلوسهم والناس يا توافق او ترفض ولا محدش له راى من الشعب اللى فلوسه هى فلوس

الحكومه

4- لما كل شركات القطاع العام خسرت وفلست طب هو مين كان بيديرها ومين اللى مفروض يتحمل خسارتها

ويتحاسب على الخسارة دى زى شركة النصر للسيارات دى وغيرها وغيرها طيب انا لما اجيب ناس يديروا لى مالى

ويفشلوا هذا الفشل الذريع وفى الاخر يقولوا لى احنا فشلنا وهنبيع شركاتك الخسرانه بمزاجك او مش بمزاجك (

احسن من مفيش يا استاذ ) لناس تانيه هم هيعرفوا يديروها , طب ما انا اجيب الناس التانيه دى يديروها بدلكم ؟ لا

يا استاذ احنا مبنتغيرش فاشلين او ناجحين على قلبك بيع هدومك واللى وراك واللى قدامك بس انسى اننا

نمشى وكمان كام يوم هنجيلك عشان تبيع باقى اللى تملكه عشان احنا هنفشل فى ادارتهم برضه واقرب حاجه

شركة طنطا للكتان ومصانع غزل المحله عندك اعتراض ؟ طب هتبيعوهم بكام ؟ مش مهم تعرف . طب هتبيعوا

لمين ؟ مش شغلك . طب الفلوس هتدوهانى ازاى ؟ فلوس ايه يا استاذ انت مديون لنا بفلوس دعم كل حاجه (

الغلبان مش عارف انه هو اللى دافعها اصلا ) طب يعنى فشلتوا وكمان هتاخدوا فلوس ومقدرش اغيركم ؟ اه عندك

مانع ؟ طبعا ده سيناريو تخيلى مبسط للوضع الماساوى فى مصر

5- كل بلاد العالم الراسمالى بدات تفهم ان مفيش حاجه اسمها اقتصاد حر بعيد عن رقابة الحكومه بشكل مطلق

ولا فى حاجه اسمها ان الحكومه هى الصانع الاوحد والزارع الاوحد والتاجر الاوحد بشكل مطلق لازم فيه توازن انا

بتكلم عن امريكا وانجلترا اللى بيامموا بنوكهم وشركات السيارات هناك دلوقتى حد كان يجرا انه حتى يتخيل ان

شركه زى جينرال موتورز ممكن فى يوم من الايام تفلس وتتامم وتبقى ملك الشعب فى امريكا رمز الراسماليه فى

العالم ولا اكبر بنوك انجلترا اللى اتاممت هى كمان فى البلد اللى اخترعت كلمة الخصخصه وطبقتها فى عهد

مارجريت تاتشر وكادت ان تكون المؤسسه الروحيه لدين الراسماليه الجديد اللى انهار فوق دماغهم من كام شهر

كل ده وحكومتنا الرشيده عماله تبيع فى بنوك وشركات زى شركة النصر وهتموت وتبيع بنك القاهره ومحدش عارف

الدنيا ماشيه ازاى اصلا احنا راسماليين ؟ طب ماهم بره اتغيروا وبداوا يفهموا ان الاشتراكيه ليها بعض المزايا , ولا

احنا اشتراكيين ؟ طب اشتراكيين ازاى والدوله بقت دولة رجال اعمل وبيع لاصول الشعب الغلبان . اقولكم احنا ايه

احنا ولا حاجه