الموضوع: ''HELP" buy new mini fabia

اولا احب احيى حضرتك على الاختيار الرائع ده
انا بحب العربيه دى جدا و كمان عدم الانتشار ده انا بعتبره ميزه مش عيب عشان الواحد يكون مميز و راكب حاجه مختله عن الناس
و بالنسبه للعربيه فسكودا لا غبار عليها من حيث المواتير و التقفيل و كل حاجه عربيه محترمه
و العربيه حلوه اوى لبنت و خصوصا انها صغيره و سهله فى الركن و المشى فى الزحمه
و بالنسبه لاى معلومات عن العربيه هتلاقيها فى الموضوع ده
http://www.nilemotors.net/Nile/showthread.php?t=36911
و اللينك ده كمان فى معلومات عنها
http://www.nilemotors.net/Nile/showthread.php?t=80068

اختيار موفق %100
السكودا عربيات قوية تستحمل و تعيش و متقلش لأ ,, و تقفيل فوق الممتاز ,, و عربيات شكلها تحفة
و انا بأيد رأى الاستاذ محمد تماما

السلام عليكم ورحمة الله وبركاته

المشاركة الأصلية كتبت بواسطة eman_249

انا شوفت النهاردة سكودا مينى فابيا
و عجبنى اوى شكلها و options بتاعتها
هيا automatic و تمنها 109 الف

الفابيا من العربيات الممتازة فعلا و صعب إن أي عربية في الفئة السعرية دي يبقى فيها كم الاوبشنز اللي فيها.

المشاركة الأصلية كتبت بواسطة eman_249

بس اللى مخوفنى منها ان هى مش منتشرة خالص

مش منتشرة لأن الوكيل مش مركز غير مع الأوكتافيا لكن دلوقت الناس بتسأل عليها أكتر من الأول

المشاركة الأصلية كتبت بواسطة eman_249

انا بس حاسة ان تمنها غالى شويه

و بالنسبة لسعر فمفيش عربية فيها الكماليات دي و جودة الصناعة دي و بالسعر ده .. روحي كده و امسكي بابها و امسكي أي باب عربية تانية -غير الاسكودا طبعا- و إنتي تعرفي صاجها عامل إزاي. حسب موقع توب جير التشيك إتفوقوا على الالمان في العربية دي (مقارنة بالبولو).

المشاركة الأصلية كتبت بواسطة eman_249

كنت عايزه اعرف هيا تمنها ممكن ينزل عن كده فى الكام شهر الجايين ؟؟؟
يا ريت لو حد يقولى options بتاعتها بالتفصيل
و يا ريت اعرف الوانها
و يا ريت اعرف اسعار قطع الغيار ايه نظامها

أعتقد إن تمنها صعب ينزل تاني خاصة و إن سوق السيارات بدأ يتحرك من جديد
و بالنسبة للأوبشن الأخ محمد حط لينكين للموضوع ده
أما بالنسبة لألوانها فده لينك لها
http://new.skoda-auto.com/com/model/...allery/colours

اخر حاجة .. قطع الغيار أسعارها زي العادي بتاع الفئة دي

* تيل فرامل أمامي 370
- تيل فرامل خلفي 422
* بوجيهات 40
* فلتر هواء 115
* فلتر زيت 47
* فلتر تكييف 95
- فانوس الامامي 500
- فانوس خلفي 320
- طنبورة عجل أمامي 295
- مساعد أمامي 561
- مساعد خلفي 315
- مراية كهرباء 323
- إكصدام أمامي 812
- إكصدام خلفي 850
- زجاج أمامي 655
- رادياتير 570
- طلمبة مية 451
* سير الكاتينة 111
(منقول من أحد الأخوة في المنتدى)

الحاجات اللي جنبها (*) دي اللي إستهلاكها متكرر و باقي الحاجات سعرها عادي و تغييرها بيبقى في حالة الحوادث لا قدر الله.

و ربنا يوفقك للي فيه الخير.

المشاركة الأصلية كتبت بواسطة ahmad aboul fotouh

السلام علكم و رحمة الله
انتي متأكده ان سعرها 105 اصلي سألت عنها السنه اللي فاتت كانت ب 125 الف
وبالنسبة لقطع الغيار فهيه بجد رخيصه يالنسبة لانها الماني يا جماعه دي ارخص من الياباني كمان
فانوس الامامي 500
- فانوس خلفي 320

السعر 109900 جنيه مصري .. و متأكد منه لأني و الحمد لله خلاص حجزت .. الكلام هنا عن النيو فابيا سبورت (مانيوال) أو النيو فابيا الأمبيانتي تيبترونك .. النسخة الاسبورت التيبترونك ب 121000 جنيه.

و الحمد لله قطع الغيار بالشكل ده مناسبة جدا.

العربية فعلا أرخص أوروبي بالإمكانيات دي و جودة الصناعة دي .. انا نزلت المانيوال بتاعها من موقع سكودا .. العربية فيها حاجات كتير التوكيل مش جايب عنها سيرة في البروشور اللي طابعه.

حتى العربيات المنافسة فعلا زي الفورد فيستا بسعر أغلى منها و بكماليات أقل.
لو عاوز عربية عائلية أكتر عليك يالفابيا سبايس ب 101900 أو التحفة (رومستر) و دي ب 87 و ممكن تلاقيها عند المعارض مش التوكيل لأنه باع أخر قطعة مانيوال .. اللي باقي النسخة الاسبورت مانيوال و تيبترونك.