سؤال عن الكاسيت

**samirayad** · 20-06-2009 11:35 PM

لسه راجع من طنطا النهارده ....وبأحاول تشغيل الكاسيت ( راديو أو كاسيت ) كله تمام القدره واصله ومفيش مشاكل .............بس مفيش صوت طالع نهائى من السماعات على الرغم أنه كان شغال تمام وأنا مسافر يوم الخميس ..... .......فهل ياترى كابل السماعات أتهز وفصل من خلف الكاسيت ....ولا فيه أحتمال تانى

**MMamdouh** · 21-06-2009 12:14 AM

احتمال صعب ان الاربع سماعات يفصلوا فى نفس الوقت بس برضة لازم تجرب

طلع الكاسيت لبرة من التابلوة و افصل سلوك السماعات فقط و ركب اى سماعة خارجية للتجربة على فرد اى من السماعات الاربعة و شوف النتيجة... و جرب على كذا خرج سماعة للتاكد ان المشكلة مش من وصلات اى سماعات

للاسف لما حصلت قصة مشابهة وديت الكاسيت للتوكيل و طلع microprocessor و اتغير بتكلفة 200 جنية

MMamdouh

**samirayad** · 21-06-2009 12:24 AM

احتمال صعب ان الاربع سماعات يفصلوا فى نفس الوقت بس برضة لازم تجرب

طلع الكاسيت لبرة من التابلوة و افصل سلوك السماعات فقط و ركب اى سماعة خارجية للتجربة على فرد اى من السماعات الاربعة و شوف النتيجة... و جرب على كذا خرج سماعة للتاكد ان المشكلة مش من وصلات اى سماعات

ماهو ده أنا ناوى أعمله أن شاء الله غدا...........

للاسف لما حصلت قصة مشابهة وديت الكاسيت للتوكيل و طلع microprocessor و اتغير بتكلفة 200 جنية

ربنا يستر .....ولو أننى ميال لأنفصال القدره عن السماعات كلها لأن كله تمام عدا موضوع الصوت ولحد آخر لحظه كان الصوت شغال قبل ما أجرش العربيه ( وحشوف الموضوع ده وحقولك على النتيجه أن شاء الله )..........وشكرا على المداخله

**samirayad** · 21-06-2009 12:43 AM

الله يخليك يا أستاذ : أحمد .................دا كلنا أخوات وأسره واحده ............وكل الأخوه بركه بدون أدنى شك

**KoDaK_Gti** · 21-06-2009 02:16 AM

العيب يا اما جاك السماعات فى الكاسيت مهزوز
يا اما الجهاز ic الصوت بتاعه باظ ودى مستبعدها شوية

وان شاء الله تلاقى الجاك مهزوز بس

**mahfouz1983** · 21-06-2009 02:17 AM

الاتنين الكبار بيردو علي بعض في النتدي احنا مش قدهم يا عن نطلع منها احسن

**nasroo** · 21-06-2009 12:27 PM

انا كان عندي في صوت خروشة بيطلع من السماعات روحت لواحد قال لي ان فيه ترس في الكاسيت مكسور وغيرة بـ20 جنيه وبقى زي الفل
بس ماعرفش يرجع البرواز اللي حولين الكاسيت زي ماهو كل لما اخد مطب يخرج لبرة

**samirayad** · 21-06-2009 12:42 PM

لا دا مفيش خرفشه ولا حاجه ( الصوت قاطع راديو وكاسيت ) وشكلها كده .....ياجاك السماعات مفصول ......ياال آى سى بتاع الصوت ودع .......ههههههههه ......عموما أنا رايح أشوف النظام وربنا يسهل ......لأننى حاولت أطلع الكاسيت وبصراحه خفت من المناوره ............فقلت أدى العيش لخبازه ولو أكل نصفه